《視點31》玻璃朱指《ERROR自肥企画》係朋輩欺壓 網民：掌門人糟質金剛又算唔算？

最新一集港台節目《視點31》邀嚟資深傳媒人盧覓雪及藝人朱庭萱（玻璃朱）一齊探討有關電視娛樂節目議題。消息一公開，已引嚟網民熱議。昨晚，港台於社交平台上載該集的足本版，喺節目討論環節內，玻璃朱不點名指ViuTV大熱節目《ERROR自肥企画》不負社會責任，當中不少環節涉及朋輩欺壓，會對小孩產生負面影響。另一嘉賓盧覓雪表示不同意，直指節目係「Game show 嚟㗎嘛」。

Photo from RTHK

對於電視節目與社會責任之間嘅關係，盧覓雪認為娛樂節目要付社會責任係多餘，如果將政治正確元素硬加於節目，就會喪失娛樂嘅原意。而且係電視發牌制度下，節目已遵守足夠規範。假若有節目真係嚴重違規，自然會被停播，電視台甚至會被釘牌。佢亦指，一般節目組都有「自知之明」，會因應尺度而調整播映時間，所以有關節目都被放在深夜播放。

Photo from 盧覓雪 FB

玻璃朱則認為節目娛樂性重要，但必定不能越過道德底線，又攞上年於抖音流行嘅「三人跳挑戰」為例，指小孩為「呃like」玩挑戰被絆倒死亡。因此，玻璃朱認為電視節目不應為收視玩危險環節。

Photo from RTHK

被主持問及：「有無覺得ViuTV節目有問題？」玻璃朱表示：「我都想講一講呢個節目，佢低俗到去某一個位...已經去到朋輩欺壓嘅程度。每一集就係見到佢哋不斷欺負其他成員。」佢認為該節目會教壞細路，令小朋友誤以為「整蠱人咁好玩」，令小孩產生「我又擺個波去炸下佢下體先」嘅諗法。

Photo from RTHK

雖然玻璃朱無「指名道姓」，但其描述已非常明顯地指向《ERROR自肥企画》，尤其有關節目中成員經常接受「死亡行星」懲罰，成員身體被高速飛行嘅圓球彈射，多次大叫好痛。

Photo from ViuTV

Photo from ViuTV

盧覓雪立即反駁：「Game show 嚟㗎嘛~係懲罰環節嚟」，佢亦指，同節目內有成員勝出時，贏了一噸啤酒。所以，節目設計符合「Game show」需求，亦切合節目名稱中的「自肥」部分。盧覓雪同時覺得，《ERROR自肥企画》係反映緊當代年輕人均會玩過嘅無聊玩笑。

Photo from RTHK

Photo from ViuTV

但玻璃朱指，節目係每一集都大玩過火懲罰，而且經常出現粗口被消音，令佢反思節目是否應重新拿捏底線，佢又再次強調節目唔應該為咗營造開心氣氛而進行朋輩欺壓，佢擔心此元素會被帶入校園。

Photo from 朱庭萱 FB

網民認為教導小孩應該係父母責任，不應將責任推卸落電視節目。而且，有網民認為TVB都有唔少整蠱節目，例如《大整蠱》，《超級掌門人》中亦出現過唔少疑似欺壓環節，例如藝人金剛經常於節目內被糟質，有網民反問：「掌門人摑金剛又算唔算欺壓？」

Photo from TVB USA

Photo from 連登評論

Photo from 連登評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）