內地男網上發現妻子結婚影片！踢爆「騙婚集團」涉及19件類似案件

唔少認都視婚姻為人生大事，但社會上就不時會有騙婚嘅事件出現。近日，有位內蒙古嘅男子就喺網上發現新婚妻子同其他男人嘅結婚影片，報案後發現自己被詐騙集團欺騙，仲幫手偵破咗19宗類似案件！

Photo from TVB

結婚被唔少人視為終身大事，係唔少人花大量時間同金錢籌備嘅事件，但社會上依然有唔少利用結婚詐騙嘅事件出現！最近，有位來自內蒙古巴彥淖爾市烏拉特前旗嘅35歲尹姓男子，喺網上發現新婚妻子同其他男人結婚嘅片段，而踢爆詐騙事件。

Photo from 微博

尹姓男子因為已經到咗適婚年齡，所以就經遠房親戚搵咗位媒人，再由媒人介紹妻子娜娜。兩人透過視像通話見面，對彼此都十分滿意，所以決定結婚。娜娜告訴尹姓男子，自己曾經有過一段唔幸福嘅婚姻，而男子就表示唔介意，並將1000人民幣俾咗娜娜以表示自己嘅誠意。

Photo from TVB

尹姓男子嘅家人就想同娜娜嘅家人親身見面商量婚事，不過媒人就話娜娜所居住嘅村要修高架橋，所有村民都要集資，但娜娜因為家境困難，暫時未能結婚！後來經過媒人同尹父親商量，尹家就一共俾咗14.8萬人民幣（約18萬港幣）嘅聘禮，落成婚事。

Photo from TVB

兩人交往一個月後，就辦理結婚證，但礙於娜娜嘅戶口問題未能成功。不過，佢哋就照原訂計畫舉行隆重嘅婚禮，結婚後三日就跟娜娜老家嘅傳統，俾佢返娘家住。後來，尹姓男子開始發現異樣，因為結婚兩個月，但娜娜留喺屋企嘅日子都唔夠10日，仲開始玩失蹤！

Photo from TVB

直到有一日，尹姓男子無意中喺網上發現一段婚禮影片，片中嘅新娘正正就係娜娜。為咗搞清楚事實，佢就去片中舉辦婚禮嘅小鎮，私下同片中嘅丈夫確認後，發現兩人嘅妻子係同一個人！

Photo from 微博

Photo from 微博

其後，兩位「丈夫」報警，娜娜反駁同尹姓男子已經冇感情，否認騙婚；不過媒人就承認騙婚行為。警方後來發現幕後仲有5位疑犯，一共牽涉19宗婚姻詐騙案件，涉及金額高達200萬人民幣（約港幣243萬）！

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）