Wakesurfing/直立板/獨木舟4個星級打卡熱點推介!海蝕洞/紅樹林/日落海鷗靚景 初學者都啱玩!

Wakesurfing/直立板/獨木舟4個星級打卡熱點推介!海蝕洞/紅樹林/日落海鷗靚景 初學者都啱玩!

香港好去處
ByCelia on 28 May 2021

夏天又到,最好梗係玩水上活動消消暑喇!除咗大家熱愛嘅 Wakesurfing(無繩滑水)外,近期仲多咗人玩直立板、獨木舟同風箏衝浪,,今次就為大家精選咗 4 個星級打卡熱點畀大家喇!

Photo from Anson Kong/YT

講到水上活動嘅地點,唔少人第一個諗起嘅一定係西貢,但其實除咗滑水外,依個水域玩直立板都係唔錯嘅選擇。

Photo from 陳楨怡/IG

#西貢直立板探索地質公園(全程約半日)

直立板(Stand up paddle,簡稱SUP)係一種簡單易學嘅水上運動,唔似衝浪講究平衡力,又冇獨木舟咁低挑戰性,同時亦適合新手一齊玩!因為即使企唔到,都可以用趴式或跪嘅方式划槳,唔使擔心玩唔到。

Photo from 陳楨怡/IG

而今次介紹嘅地方就係探索西貢群島及地質公園,由沙下探索一下西貢嘅沿岸,包含西灣、破邊洲等等,有海蝕柱、海蝕洞,各式各樣的天然景緻,讓你融入大自然的懷抱。

Photo from 森美/IG

#白石角海濱公園出發玩 wakesurf(每人約滑 1 小時)

Photo from Kenny/IG

而如果大家想試吓玩 Wakesurfing 嘅話,吐露港嘅水域就啱晒初學者喇!依度唔單止比較近市區,而且水域出名超 flat,非常適合初學者或想練花式滑水嘅朋友,幸運嘅話仲會有海鷗同日落靚景畀埋你影添!

Photo from wakesurf_taipo/IG

Photo from wakesurf_taipo/IG

#大埔大尾篤撐獨木舟(全程約 2 至 3 小時)

廣告
廣告

由龍尾泳灘開始,依度係一個人工沙灘嚟,水質清澈,喺獨木舟往水底睇仲會望到海星。而喺出發後,第一站就會嚟到一個細小嘅紅樹林,喺依度大家可以搵到隱藏喺紅樹林中嘅迷宮,近距離欣賞樹林獨特形態,幸運嘅話仲可以睇到小動物和罕有嘅昆蟲,同埋可以喺樹上鞦韆享受吓。

Photo from PressLogic

Photo from PressLogic

休息完,撐多一陣就會到達今次嘅目的地紅樹林泥灘,紅樹林範圍唔算大,不過就暗藏咗好多生物,大家入去時要小心啲,唔好破壞佢哋嘅棲息地呀。而大家除咗可以睇唔同嘅生物外,依度嘅景色都唔錯㗎!

Photo from PressLogic

Photo from PressLogic

探索完紅樹林就係時候回程喇,回程嘅途中會經過羊洲小島,好彩嘅話會見到島上嘅山羊家族添,非常可愛!

Photo from PressLogic

#大嶼山風箏衝浪(全程約 2 至 3 小時)

如果大家鍾意挑戰性比較大嘅水上活動,咁風箏衝浪(Kiteboarding)就啱晒你喺!玩家拉著大型充氣支架風箏,靠風力帶動於水上快速滑行,甚至飛躍高空,非常刺激!

最後必須提提大家所有水上活動都有一定嘅危險性,新手/初學者喺玩時最好都係喺有教練陪同嘅情況吓先玩呀!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook