木下佑香揭大胃王不為人知辛酸史! 暴食後令體重急升/體齡增加

大胃王比賽係唔少人都鍾意睇嘅節目，有唔少嘅大胃王仲因此而一炮而紅！日本美女大胃王木下佑香（木下ゆうか）就係其中一個成功例子，而家經常都會喺自己YouTube拍攝「吃播」。最近，佢就公開自己喺拍完影片後嘅身體狀況，令唔少網民都十分驚訝！

Photo from 木下佑香IG

大胃王比賽由日本開始出名，唔少曾經勝出比賽嘅大胃王們都因此而變紅。最近，網絡上亦有唔少人開始拍攝「吃播」，而日本大胃王木下佑香（木下ゆうか）就係其中一位十分有人氣嘅網絡大胃王！佢喺2009年參加節目《火力全開大胃王》而出道，憑著甜美嘅外貌，成功吸引500萬人訂閱，知名度非常高，遠遍全球！

Photo from 木下佑香IG

Photo from 木下佑香YouTube

現年35歲嘅木下佑香食量非常大，但佢嘅身形亦非常瘦小。日前，木下佑香就喺影片中揭露做大胃王嘅心酸背後，紀錄自己喺拍攝影片前後嘅身體狀況。喺影片中，佢前後總共食咗5個咖哩便當，合共約6000卡路里！

Photo from 木下佑香YouTube

Photo from 木下佑香YouTube

喺未拍攝影片之前，佢嘅體重係46.9Kg， 身體年齡係22歲，體脂肪比率只有21%。一次過食完5個飯盒之後，佢嘅體重就立即上升至51 Kg，身體年齡立刻變成28歲，體脂肪比率亦變成26%，可見「暴飲暴食」對身體嘅負面影響真係好大！

Photo from 木下佑香YouTube

Photo from 木下佑香YouTube

木下佑香亦喺片中公開自己嘅肚，由本身平平嘅肚子變成又圓又漲嘅肚腩，好似懷孕咁樣，令網民十分驚嚇！唔少網民見到就認為佢必須要注意一下自己嘅健康狀況，驚佢會因為長期食太多而引致長期病患。

Photo from 木下佑香IG

Photo from 木下佑香YouTube

多年前，佢曾經上過日本節目搵醫師解構佢嘅身體狀況，發現佢胃同其他女性比已經先對比較大。但喺佢食完100件壽司之後，先發現佢嘅胃居然可以被撐到比普通嘅胃大66倍！就連當時嘅醫師都覺得好不可思議～所以大家千祈唔好模仿，因為狂吃係有可能會導致休克昏迷，嚴重嘅仲會因此而死亡！

Photo from 《定點觀察》

Photo from 《定點觀察》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）