日本東京「星之卡比」限定主題咖啡店  超可愛食物造型 融化少女心!

日本東京「星之卡比」限定主題咖啡店 超可愛食物造型 融化少女心!

ByStephanie on 01 Jun 2021

《星之卡比》係由日本遊戲公司任天堂(Nintendo)所創立嘅遊戲角色,可愛嘅造型成功吸引咗唔少女仔喜歡!最近,日本東京就開咗一間以《星之卡比》為限定主題嘅「Kirby Cafe」,以櫻花為主,推出一系列嘅餐點,非常可愛!雖然而家我哋唔可以飛去日本親身享受,但相信望住咁精美嘅食物,都可以令大家一飽眼福~

 KirbyCafe網站
Photo from KirbyCafe網站

「夢之泉」High Tea Set  (2,948日圓)

佢嘅High Tea Set就提供鹹食同甜食,能夠一次過滿足大家兩樣都想食嘅心願!喺Tea set嘅下層就擺放咗鹹食,包括有雞蛋沙律牛角包同金槍魚牛角包、番茄湯;上層就會有由果凍同牛奶布丁所製成嘅「夢想之泉」、杏仁餅、水果塔同埋有星之卡比個樣嘅馬卡龍~

KirbyCafe網站
Photo from KirbyCafe網站

「星之卡比」壽司飯盒 (2,178日圓)

壽司飯盒絕對係餐單內必點嘅菜色!飯盒內有6種可愛造型嘅壽司,再加上裝飾用嘅櫻花,能夠充分嘅表達春天氣色。而飯盒亦係隨餐附送,圖案有幾款,不過就係隨機送出,有得食又有得帶走個飯盒,難怪佢係餐廳嘅主打菜色啦~

KirbyCafe網站
Photo from KirbyCafe網站

 KirbyCafe網站
Photo from KirbyCafe網站

「星之卡比」漢堡餐 (1,408日圓)

可愛嘅星之卡漢堡包都係粉紅色,同埋印住星之卡比個樣,非常特別!餐點仲提供忌廉玉米湯、星星形狀嘅薯條同醃菜等,就對可以滿足到好餓嘅大家~

 KirbyCafe網站
Photo from KirbyCafe網站

櫻桃拿鐵 (968日圓)

呢杯粉色嘅櫻桃拿鐵上面鋪上一層厚厚柔軟嘅cream,再喺面頭上用櫻花、小星星做裝飾,少女感滿分~多重口感層次,令客人一試難忘!

 KirbyCafe網站
Photo from KirbyCafe網站

「星之卡比」雪糕Waffle (1,628日圓)

廣告
廣告

同星之卡比一樣粉紅色嘅草莓雪糕,配上熱騰騰新鮮出爐嘅Waffle同蜂蜜糖漿,係甜品控必定要食嘅甜品之一!

 KirbyCafe網站
Photo from KirbyCafe網站

「星之卡比」Art Café au lait (2,187日圓)

呢款飲料有3種口味可以俾客人選擇,分別有咖啡牛奶、巧克力牛奶同草莓牛奶。客人亦可以自行選擇想要嘅「星之卡比」圖案,等享用飲品時都可以望住自己心愛嘅卡通~除此之外,裝飲料嘅杯同埋杯墊都係可以俾客人攞埋返屋企,真係好有紀念價值㗎!

 KirbyCafe網站
Photo from KirbyCafe網站

 KirbyCafe網站
Photo from KirbyCafe網站

咖啡廳除咗食物之外,都有「星之卡比」嘅精品售出㗎,等各位「星之卡比」嘅粉絲滿足完肚皮後,仲可以享受購物嘅樂趣~

「星之卡比」木製碗 (2,800日圓)

咖啡廳裡面當然唔少得售賣廚房用品啦~木製嘅碗上面仲刻咗戴住廚師帽嘅星之卡比,等大家可以更加 享受食嘢嘅過程!

 KirbyCafe網站
Photo from KirbyCafe網站

「Kirby Cafe」系列文具

精品類嘅產品就緊係唔少得有埋印有「Kirby Cafe」嘅物品啦,如:文件夾、刺繍、貼紙、筆記本等,所有嘅產品都非常有紀念價值,係期間限定出售㗎!

 KirbyCafe網站
Photo from KirbyCafe網站

 KirbyCafe網站
Photo from KirbyCafe網站

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook