陳凱琳家底豐厚/沈殷怡父親係大律師?!盤點10位家世顯赫女星

陳凱琳家底豐厚/沈殷怡父親係大律師?!盤點10位家世顯赫女星

生活熱話
By Stephanie on 11 Jun 2021
Digital Content Writer

網上成日都流傳一句話「成功需父幹」,娛樂圈裡面其實有好多女明星本身就已經家底豐厚,不過佢哋依然選擇追逐自己嘅夢想,投身充滿競爭嘅娛樂圈。而家就等我哋一齊睇下有邊10位女明星啦 ~

沈殷怡FBPhoto from 沈殷怡FB

 黃翠如

黃翠如一向都好低調,甚少喺大眾面前提起自己嘅家人。佢爸爸曾經係上市公司聯旺集團嘅執行董事,據當時傳媒報導身家高達13億!因此,唔少網民都稱佢為「百億千金」,不過黃翠如都好堅持繼續自己嘅演藝事業,到而家都活躍於幕前,經常接拍電視劇,努力賺錢~

黃翠如IGPhoto from 黃翠如IG

黃翠如IGPhoto from 黃翠如IG

 張寶兒

張寶兒喺2016年選港姐並獲得友誼小姐而入行,曾擔任多個節目嘅主持人,亦有開始接拍電視劇。佢爸爸經營內衣生意,有傳喺香港擁有幾個豪宅嘅物業,分別位於禮頓山同傲瀧豪宅,估計約值3億!

張寶兒IGPhoto from 張寶兒IG

張寶兒IGPhoto from 張寶兒IG

 簡淑兒

簡淑兒由美國回流香港,家族經營珠寶金飾生意,有傳喺香港有幾個專門店,生意規模都幾大。而簡淑兒入行後亦有為珠寶店擔任代言人,佢哋嘅珠寶公司仲有贊助過TVB用亞視嘅藝人㗎~

簡淑兒IGPhoto from 簡淑兒IG

簡淑兒IGPhoto from 簡淑兒IG

 陳瀅

出名孝順嘅陳瀅家底豐厚,同家人嘅感情亦都唔錯,經常都會返加拿大探望家人。據悉,陳瀅未出世前,親父就因病去世,媽媽後來改嫁,佢曾經話同媽媽關係比較疏遠,但同繼父關係唔錯。而繼父嘅係一位生意人,喺廣州從事房地產生意,仲擁有一座6層高嘅商場!

陳瀅FBPhoto from 陳瀅FB

陳瀅FBPhoto from 陳瀅FB

朱千雪

2012年港姐季軍朱千雪有樣貌亦有家底,有指爸爸從事五金生意,喺佢19歲時就送贈兩個價值過千萬嘅物業俾佢!不過,朱千雪都非常努力,為攻讀法律課程而減少幕前演出,而家仲成為咗執業大律師,十分厲害~

 朱千雪IGPhoto from 朱千雪IG

 朱千雪IGPhoto from 朱千雪IG

廣告
廣告

 莊思敏、莊思明

兩姐妹嘅爸爸係馬來西亞嘅拿督,家族生意涉獵範圍十分廣,包括有珠寶、房地產等,仲曾經係香港上市公司中國光大控股嘅主席,身家估計有超過8億咁多!

莊思敏FBPhoto from 莊思敏FB

莊思明IGPhoto from 莊思明IG

  湯洛雯

湯洛雯出生於演藝世家,爸爸湯鎮宗都曾經係TVB藝人,叔叔係演員湯鎮業。爸爸後來返內地發展,現時坐擁嘅物業價值超過1億。但湯洛雯都非常勤力,頻頻接劇賺錢~

湯洛雯IGPhoto from 湯洛雯IG

湯洛雯IGPhoto from 湯洛雯IG

 陳凱琳

有傳陳凱琳嘅家人坐擁過億元嘅物業,已經退休嘅陳爸爸係「舖王」,曾經手持價值超過5千萬嘅商舖收租,亦有代理過石油生意。現時家人擁有十幾個物業,估計約有超過15億身家!

陳凱琳FBPhoto from 陳凱琳FB

陳凱琳FBPhoto from 陳凱琳FB

 趙希洛

趙希洛媽媽係演員梁小玲,爸爸就係澳洲石油大王兼大律師,亦係澳洲唐人協會嘅秘書長,人脈非常廣!據聞,趙爸爸喺澳洲擁有幾個物業,仲係上市公司嘅董事之一~

趙希洛FBPhoto from 趙希洛FB

趙希洛FBPhoto from 趙希洛FB

沈殷怡

沈殷怡(Shirley S.)因拍攝Viu節目《美女郊郊遊》而人氣急升,據悉佢爸爸退休前係首席政府律師,並且係前律政司副刑事檢控專員,喺法律界非常出名。而沈殷怡美貌同智慧都兼備,喺中大修讀法律碩士,持有內地嘅執業律師牌照。

沈殷怡IGPhoto from 沈殷怡IG

沈殷怡IGPhoto from 沈殷怡IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel