打工仔兼職做愛情動作片男優 開啟二次人生 自身經歷出漫畫 險被同事發現「真實身份」!

打工仔兼職做愛情動作片男優 開啟二次人生 自身經歷出漫畫 險被同事發現「真實身份」!

ByCheryl on 22 Jun 2021

唔少人對男優工作有憧憬,但礙於各種因素,只能停留幻想階段。不過,日本一名40多歲男子就實現咗好多男人嘅夢想,佢日頭做上班族,夜晚化身兼職男優,佢更將自身經歷畫成漫畫發售。佢無公開身份,但有次就差啲被同事發現佢嘅「兼職工作」!

《じっくり聞いタロウ》截圖
Photo from 《じっくり聞いタロウ》截圖

係日本網絡漫畫界中,有一套叫《AV男優はじめました》(我開始做AV男優了)嘅作品好受歡迎,內容以作者蛙野エレファンテ一嘅自身經歷為主,作品唔單止名列人氣榜榜首,仲推出埋實體漫畫。蛙野一直隱藏真實身份,近日,佢戴住面具現身日本節目《じっくり聞いタロウ》,大談佢身兼上班族與男優嘅生活。

《じっくり聞いタロウ》截圖
Photo from 《じっくり聞いタロウ》截圖

《じっくり聞いタロウ》截圖
Photo from 《じっくり聞いタロウ》截圖

有關當初如何入行,蛙野本身係一名全職喺寫字樓工作嘅打工仔,同色情業毫無關係。但其公司因當時雷曼爆煲而破產結業。更差嘅係,當時結婚三年半嘅妻子都同蛙野離婚,令佢大受打擊。

《じっくり聞いタロウ》截圖
Photo from 《じっくり聞いタロウ》截圖

因此,蛙野決定轉往東京尋找新工作,重新出發。一次,佢參加朋友聚會時遇到任職三級電影製作嘅朋友。好奇心驅使下,蛙野向該朋友提出到片場參觀嘅要求。但該朋友表示,帶外人入場參觀有難度,「除非你嚟現場一齊參演啦,咁就可以嚟睇,我哋會幫你個樣打格仔,你願唔願意?」

《AV》電影截圖
Photo from 《AV》電影截圖

蛙野覺得機會難得,一試無妨,反正會打格仔,無人知可以當作留念,於是答應咗朋友邀請。拍攝當日,蛙野懷著輕鬆心情到片場,監督同導演都友善。但事情開始唔對路,蛙野本以為仲有有其他一同參演嘅男優,自己只係其中一名閒角,點知現場除咗導演同攝影師外就無其他男人。

《じっくり聞いタロウ》截圖
Photo from 《じっくり聞いタロウ》截圖

此事,導演先向蛙野表示,「今日場戲係一對一!」。蛙野頓時非常緊張,後來佢才知道,每次拍攝未必會有咁多「群演男友」在場。但蛙野最後都順利完成拍攝,更繼續獲朋友邀請進行其他拍攝工作。自此,蛙野正式成為了一名男優。

廣告
廣告

《じっくり聞いタロウ》截圖
Photo from 《じっくり聞いタロウ》截圖

《AV》電影截圖
Photo from 《AV》電影截圖

蛙野表示,佢最初獲拍攝費8000日圓(約$564港元),隨經驗增加,佢酬勞都慢慢提升,現時最高可獲30000日圓(約$2115港元)。不過,佢透露,每次都要拍攝完畢先知道薪金多少,所以唔可以單靠做男優維生。

《じっくり聞いタロウ》截圖
Photo from 《じっくり聞いタロウ》截圖

《じっくり聞いタロウ》截圖
Photo from 《じっくり聞いタロウ》截圖

所以蛙野平日會返全職寫字樓,夜晚先做男優,目前已出演過250部作品。而且,由於女優同工作人員一般喺週六、日放假,所以蛙野於平日6點收工後就會趕往拍攝現場,有時更會請有薪假進行拍攝工作。

《AV》電影截圖
Photo from 《AV》電影截圖

有一次,蛙野嘅同事們講起鐘意邊個女優,而其中一位同事嘅最愛,都曾經同蛙野合作過。向來隱藏男優身份嘅蛙野無將真相講出嚟,所以同事唔知道實情,蛙野認為就算佢知道都可能唔會講出口。此時,節目主持都同意,表示:「睇三級片時根本唔會留意男優」。所以,不論同事知唔知道蛙野嘅「兼職工作」都唔重要,只要雙方繼續有作品參演及欣賞就得。

《AV》電影截圖
Photo from 《AV》電影截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook