港女大爆閨密3大可怕行為 買一樣衫/搵同一份工 網民:女人好恐怖

港女大爆閨密3大可怕行為 買一樣衫/搵同一份工 網民:女人好恐怖

ByStephanie on 22 Jun 2021

相信唔少女仔都會有閨蜜,好多女仔都可能會一齊購買姐妹裝著出街!最近,有位港女喺討論區表示發現自己嘅閨蜜變得好可怕,唔單止買嘅衫係同款,就連搵工嘅時候都要見同一份工,令佢不禁覺得毛骨悚然!

TVB
Photo from TVB

大家都成日話能夠擁有幾個真心好友,就已經係好滿足嘅事~不過日前,有位港女就喺討論區表示自己大學時認識咗個女仔,兩人因為成日一齊上堂而變得關係好好。當時周圍嘅人仲稱佢哋兩個做「孖公仔」,港女當時聽到就已經覺得有啲唔自在;相反閨蜜就好似好開心咁。

香港討論區
Photo from 香港討論區

港女話隨住兩人越來越熟,佢哋嘅衣著品味都變得相似。有一次,兩人一齊逛街買衫,港女挑選好想買嘅衫後,閨蜜就立刻攞咗個同款嘅,就算港女專登選閨蜜唔鍾意嘅顏色,閨蜜都會跟隨佢買同一款衣服,令佢心裏覺得十分唔舒服!

TVB
Photo from TVB

直到大學畢業後,兩人開始搵工,港女就有同閨蜜提及自己正在物色嘅公司同職位。後來,港女成功被公司聘請,同閨蜜講好消息時,竟然遭到冷淡嘅回應,仲俾閨蜜黑面。從其他朋友口中先知,原來閨蜜都應徵咗同一份工作!港女就覺得十分奇怪,因為當時閨蜜曾經同佢講話覺得該公司唔適合佢。

TVB
Photo from TVB

以上嘅事情都唔算係最恐怖嘅,港女仲發現閨蜜竟然會私底下搵佢男友,而且仲對佢男友噓寒問暖。後來,男友開始覺得奇怪,所以主動同佢坦白講先得知。知悉事件後令佢十分驚訝,認為閨蜜嘅行為令佢十分不理解!

香港討論區
Photo from 香港討論區

廣告
廣告

TVB
Photo from TVB

大部份網民睇完都表示呢位閨蜜嘅種種行為都十分恐怖,認為港女應該開心見誠咁同佢講下;但亦有部份網民認為港女應該及早遠離呢位閨蜜,因為好明顯閨蜜已經將佢當成競爭對象,而並非真心對待佢!

香港討論區
Photo from 香港討論區

香港討論區
Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

 

 

 

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook