又健康又好味女孩子最愛！大埔濃郁菠菜湯底拉麵～仲有超足料火焰拉麵！

香港好食既拉麵越來越多，今日小編就為大家介紹一間大埔叫做一鳴既拉麵，已經有唔少媒體採訪過，小編親自去試食都覺得唔錯，值得推介呀！

呢度既拉麵有個自己既名，紅色呢個係焰鳴，睇顏色就知道係有辣味既湯底，幾食得辣既小編都認為辣度幾犀利，而且湯底比較濃～

麵條好彈牙，呢度既麵條一樣有得揀粗幼同柔軟度，正呀～

比較特別就係呢個翠鳴啦，個湯底係波菜蓉來既，女孩子會好鍾意，因為平時食拉麵唔會食到咁多菜，而呢個湯底蔬菜份量好足，感覺好健康呀～！

小編覺得焰鳴夠足料，中間既肉醬好好味，而翠鳴湯底夠特別，兩款湯底都好濃～

追加配菜有好多選擇，而且價錢唔貴，想食一碗份量足既拉麵就無問題啦！

一碗拉麵要整得成功，溏心蛋都係其中一個關鍵，呢度既糖新蛋蛋味濃郁，夠曬流心，煮得剛剛好，正呀～

地址：
大埔運頭街20-26號廣安大廈地下E舖
（港鐵大埔墟站 A1 出口, 步行約7分鐘）
電話號碼：
3565 5415
營業時間：
星期一至日
12:00-16:00
18:00-00:00