見工考「轉筆」求職女傻眼！同一面試考音樂、體能 網民：在徴藝人吧？！

見工面試係一門學問，無論應徵者做咗幾多準備，都可以被面試內容殺個措手不及。近日，一名台灣女子就經歷咗一場超騎呢見工體驗，佢申請Project Manager一職，卻被要求玩「轉筆」當加分，又被考音樂及體育知識，唔講真係以為佢考緊才藝表演！

Photo from 心路GPS TVB

最近，台灣一名女網民到Dcard發文，指自己經歷咗一場「最荒誕奇妙嘅面試經驗」。事緣佢向一間科技公司應徴Project Manager一職，面試以視訊形式進行。

Photo from 心路GPS TVB

面試一開始已散發「怪」味，考官無要求事主自我介紹，便直接問佢有咩專長，又希望事主可以喺鏡頭前站著面試，因為好多人進行視像面試時，下身都無穿著合適衣物，但同時強調事主可拒絕要求。事主打扮端莊，所以唔介意，但佢不禁疑惑：「難道我今日係嚟應徵空姐嗎？」

Photo from 機場特警 TVB

面試完成一部分後，考官無畀評價，便請事主為自己嘅儀態表現評分。事主畀80分後，考官反問：「哈~咁都有80分？」

Photo from 大步走 TVB

然後，考官拿出一支筆，開始用手將佢轉動，並向事主表示，如果佢成功複製自己嘅「轉筆」動作3次就會畀10分獎勵（每次3.3分），仲話如果動作做得好完美，就會將剩下嘅0.1分送埋畀佢。此舉令事主突然覺得自己正應徴魔術師一職。

Photo from 讀心神探 TVB

Photo from 讀心神探 TVB

之後，事主被問有咩興趣，佢回答音樂及運動，而且會彈吉他。於是，考官開始追問「結他同Ukulele有咩分別？」、「小提琴跟Ukulele嘅差異」、甚至問「乜嘢樂器嘅琴弦最多？」，連番音樂問答令事主又質疑自己係咪嚟應徵音樂老師。

Photo from 潛行狙擊 TVB

正當事主以為告一段落，考官又問佢平時做咩運動，佢回答慢跑、健身後，被考官要求分析咩係慢跑，更被要求示範10下push-up！事主拒絕後更被質問原因。此時，佢覺得自己在應徴體育老師。

Photo from TVB 娛樂新聞台

面試到尾聲，考官讓事主提問，於是佢提出有關公司培訓問題，卻遭考官批評：「你問得好爛，公司請你嚟工作，而唔係請你嚟學習，呢個問題好差，下次唔好再問了。」

Photo from 大步走 TVB

事主認為此公司毫不在乎求職者，網民亦認為呢間公司好古怪，有人認為考官刻意為難事主，亦有人猜測考官借機徵女友，另有網友笑言：「面試者要多才多藝，根本是應徵藝人」。

Photo from dcard評論

Photo from dcard評論

Photo from dcard評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）