【東京奧運】熊敦瀚中國水球女副隊長自拍照爆紅！CCTV採訪現真面目！fans大崩潰：完全唔同樣

東京奧運除咗競技比賽好睇之外，好多參賽運動員嘅外貌都成為焦點！好似喺開幕禮上哈薩克嘅「仙女持旗手」同湯加嘅大隻猛男都因為超高顏值而受到關注。中國都有唔少運動員因為美貌而登上熱搜，其中包括女子水球隊副隊長熊敦瀚。

Photo from TVB

奧運有嚟自各國嘅健兒，喺比賽開始前已經有好多網民對美女運動員大感興趣，包括哈薩克雷帕科娃（Olga Rypakova）、哥倫比亞射箭美女希拉爾多（Valentina Acosta Giraldo）等。

Photo from TVB

Photo from Valentina Acosta Giraldo IG

中國網民亦大讚自己國家嘅運動員，「#中國運動員也太好看了」、「#中國奧運健兒顏值有多絕」等微博話題吸引唔少網友討論。

Photo from TVB

中國派出400幾位運動員中，女子水球隊嘅副隊長熊敦瀚就因為自拍照爆紅！熊敦瀚1998年出生，年僅23歲，但已參加過兩次奧運會，身高178cm，喺國家隊接受多年訓練，絕對係隊內核心人物。

Photo from 熊敦瀚微博

Photo from 熊敦瀚微博

熊敦瀚喺東京奧運比賽場地試水後喺微博post出相片，相中佢著上中國國家隊泳衣，就算落水仍未有影響佢狀態，反而好似出水芙蓉咁清麗。相片一經公開就引嚟網友熱議，指佢「逆天顏值」靚過唔少明星。

Photo from 熊敦瀚微博

Photo from 熊敦瀚微博

佢喺出戰奧運前喺微博公開咗自拍照，戴住中國國家隊口罩嘅佢露出嘅五官精緻，眼大大、皮膚又白，中國網友紛紛封佢為「神仙顏值」，微博粉絲數目更升至15萬。

Photo from 熊敦瀚微博

睇返熊敦瀚嘅微博，佢平時都經常分享自拍，自拍照全部都影得好日常，但外貌亦係大眾嘅關注焦點，佢本人爆紅後亦喺網上回應：「真誠的再次感謝大家的喜歡??? 希望大家可以把更多的目光投向我的常態，因為每個運動員在賽場上揮灑的汗水，跟其背後付出辛勤的努力都是一樣的。」

Photo from 熊敦瀚微博

佢又感謝大家對佢嘅誇獎，更大方表示自己中意用美顏相機： 「體育是我的職業，努力是我的職責，愛美是女孩子的天性！順帶說一句我還挺喜歡美顏相機，建議電視台給我猙獰的面上p個迷人的微笑」

Photo from 熊敦瀚微博

不過爆紅後嘅佢卻被翻出接受CCTV國家電視台嘅採訪，片段中字幕明確介紹佢係「中國女子水球隊隊員熊敦瀚」，但外貌就同熊敦瀚微博嘅自拍截然不同，令網友直言：「不是同一個人吧？！」

Photo from CCTV

Photo from CCTV

Photo from CCTV

唔少粉絲大感崩潰，認為心目中「女神」形象幻滅，但有網友指採訪係2018年，呢3年熊敦瀚已經瘦咗好多，亦有網民認為熊敦瀚係國家代表運動員，佢喺賽場嘅表現先係最重要，根本唔應該過分關注佢外貌。

Photo from CCTV

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【東京奧運】TVB李靄璣/陳貝兒旁述頻頻出錯！講錯國家名/開幕式講成閉幕

26 Jul 2021

香港4大電視台都有得睇東京奧運，除咗專業旁述之外，TVB更有唔少藝人擔任主持，不過有女主持就因為經常出錯而被網友怒轟！指佢哋無做好功課，影響晒成個直播。

Photo from 陳貝兒IG

陳貝兒主持《2020東京奥運開幕禮》開幕禮時口誤講錯成「閉幕」，又錯口將「摩納哥」講成「摩洛哥」，令網民笑稱摩納哥「被消失」。仲有女主持喺男子滑板街式比賽上讀錯參賽者嘅名，將「姓」同「名」調轉咗。

Photo from TVB

除咗陳貝兒之外，仲有有主持體育節目經驗嘅李靄璣都被網友指「唔做功課」！

Photo from 李靄璣IG

歌手林奕匡嘅老婆李靄璣喺2008年參加「08奧運主持專業進修課程」後加盟TVB，一直都有主持《體育世界》，更擔任NBA總決賽直播賽事嘅旁述，對體育都有一定了解。

Photo from 李靄璣IG

Photo from 李靄璣IG

不過佢主持東京奧運時就屢屢出錯，令網友大為不滿！喺混雙乒乓波8強賽中，港隊與法國隊對決，因為關乎到入四強資格，所以大家都睇得相當緊張。

Photo from TVB

李靄璣喺比賽中途不時講解乒乓球賽例，又提起自己個人感受，網民不禁指佢破壞氣氛。

Photo from 李靄璣IG

喺女子氣槍嘅比賽中佢更指選手戴住嘅嗰個係「headphone」，令人哭笑不得，之後被糾正係耳罩至啱，用嚟隔音；羽毛球混雙分組賽，港隊對中國隊，當港隊發球時，李靄璣又口誤指係中國隊發球。

Photo from TVB

Photo from TVB

Photo from TVB

網民認為TVB搵咗唔少藝人做主持，但佢哋唔做功課之餘又經常講其他「無謂嘢」，影響晒成個氣氛，又建議主持對比賽項目唔了解就留返畀專業評述講解返。

Photo from 陳貝兒IG

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）