【東京奧運】陳約臨復出疑似被「禁聲」 吳業坤採訪態度被網民批評：繼續反省同吸取教訓

為咗迎接東京奧運呢個國際盛事，TVB派咗5位主持人遠赴東京採訪，而早前陳約臨嘅「迷妹」採訪態度就引起網民不滿。然而，最近吳業坤（坤哥）又犯同樣嘅錯誤，喺採訪港隊划艇選手洪詠甄（Winne）時，因為態度唔好而被網民批評！

Photo from 吳業坤FB

東京奧運已經舉行咗一個星期咁多，而TVB就派咗5位主持人吳業坤（坤哥）、方力申、陳約臨、周奕瑋同何振然前往東京實地採訪。不過早前，陳約臨就因為以「迷妹」嘅態度採訪花劍金牌得主張家朗，而被網民大鬧，採訪運動員嘅工作量大大減少，並由方力申與何振然分擔。

Photo from 吳業坤FB

Photo from 吳業坤IG

最近，作為其中一位採訪員嘅吳業坤就於節目《東京五輪直送》中採訪港隊划艇選手洪詠甄（Winne）嘅態度就引起網民不滿！事源係吳業坤同周奕瑋等划艇選手洪詠甄接受完大訪問後，就叫停對方。之後，周奕瑋就問坤哥「你唔係有問題要問佢咩？」，坤哥隨即好驚慌咁同洪詠甄講「冇啊，你走啦！」

Photo from 《東京五輪直送》

Photo from 《東京五輪直送》

睇得出，當時洪詠甄亦非常愕然，周奕瑋就即時問「你鍾意聽小方啲歌定佢（坤哥）啲歌多啲啊？」，而對方就好尷尬咁回應「其實我冇聽中文歌」。

Photo from 《東京五輪直送》

Photo from 《東京五輪直送》

節目播出後，唔少網民都認為坤哥嘅態度唔好，直接叫運動員走嘅行為非常失禮！雖然兩人可能想令當時氣氛變得輕鬆，但網民就唔太接受呢種採訪手法，認為咁樣反而令到場面更加尷尬。

Photo from 連登討論區

Photo from 連登討論區

坤哥亦於今日上載全黑圖片，並附上道歉文，認為自己當時嘅採訪的確唔夠專業，仲話「拍攝後自覺對她感到抱歉及怕令到感到不尊重，當晚已即時親自direct message 中向她致歉。」同一時間，划艇選手洪詠甄於IG上載照片，話「我冇特別在意，希望大家唔好再過度反應，好好享受奧運賽事」。

Photo from 吳業坤FB

Photo from 洪詠甄IG

而因為早前因為採訪張家朗，而導致需要「冷靜」嘅陳約臨亦有出現喺片尾！雖然唔清楚畫面拍攝嘅時間係幾時，不過佢就全程都只係企喺方力申隔離微笑，完全冇對白，出現時間只係得兩秒。

Photo from 《東京五輪直送》

Photo from 《東京五輪直送》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）