女友經常暗示想買車 港男壓力超大！ 網民建議：起碼月入40K先好養車

有唔少人都渴望可以有自己嘅車，假期嘅時候就可以周圍去玩，十分方便。最近，有位港男就表示女友不停咁想佢暗示想要架車，令佢壓力非常大！而且，佢認為自己嘅經濟狀況未到非常好，覺得應該先好好存錢，再諗買車嘅事宜。

Photo from ViuTV

唔少人都希望可以買車代步，然而要養一架車嘅價錢亦非常昂貴！日前，港男就喺討論區大呻女友成日暗示佢想要架車，不過佢就唔太認同女友嘅諗法，令佢壓力非常大。

Photo from 連登討論區

港男表示自己月入唔過20K，要養車就要更加慳，降低日常開支，認為現階段買車非常無謂！再加上，佢覺得喺香港揸車好辛苦，樣樣都需要錢，而且有時候甚至要受其他司機氣。種種原因令港男認為慳返呢一筆錢，等之後買禮物或者同女友佢旅行仲好。

Photo from TVB

最近，女友就同佢講話想考車牌，因為之前曾經同同事一齊坐過老闆嘅車，就覺得可以有架車代步好方便，而且放假出街亦唔需要迫人！港男就話就算女友真係考到車牌都唔希望佢買車，因為覺得太危險，而且女友性格比較細膽，一旦遇到突發情況一定唔識處理。

Photo from TVB

加上，女友經常喺港男身邊同佢講「有車好方便」嘅諗法，令佢越來越大壓力。然而，港男現階段就只能夠先支持女友考車嘅決定，希望女友透過學車嘅時候見識一下，從而改變佢對於揸車嘅美好幻想！

Photo from TVB

網民睇完就有唔同嘅建議，大部份網民就認同港男嘅諗法，覺得以港男而家嘅薪水，要養車的確係有啲吃力！有揸緊車嘅網民就分享自身經驗，話發現日日叫車分分鐘仲平過養車，而該網民亦正準備將自己嘅車賣走。

Photo from 連登討論區

Photo from 連登討論區

不過亦有部份網民覺得買車係一個唔會後悔嘅決定，正如港男嘅女朋友所講一樣，周圍去令拍拖更加方便，係另一種生活體驗，仲表示自己「後悔咁遲先買車」！不過，有網民就補充認為要起碼月入40K先好諗買車，並且應該同女友商量點樣分擔養車嘅費用，以免發生爭吵。

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）