趕唔切落車 港女發脾氣大鬧九巴巴士司機 網民:公主病~俾幾蚊當自己大帝!

趕唔切落車 港女發脾氣大鬧九巴巴士司機 網民:公主病~俾幾蚊當自己大帝!

生活熱話
By Cheryl on 31 Aug 2021
Digital Editor

巴士睇站落車係乘客責任,法例規定下巴士亦只能喺巴士站指定範圍內停車。不過,日前就有一名港女因錯過落車而大鬧九巴,更被乘客拍片放上網引網民熱議。

港女落唔切車大鬧九巴司機Photo from 香港突發事故報料區fb群組片段截圖

港女大鬧九巴

日前,網上流傳一條影片,一名港女被懷疑趕不及落車,於是在巴士大叫。佢站於往上層座位嘅樓梯旁,一邊大力踏地,一邊面向司機憤怒大喊:「開門呀!」

港女於九巴踏地怒叫:「開門呀!」Photo from 香港突發事故報料區fb群組片段截圖

港女指要投訴司機

司機沒多加理會,而港女則拿起手機拍攝相片,遂向司機怒叫:「開門呀,唔係我投訴你呀!」,又指自己剛才由上層落嚟時巴士仲停泊喺佢想落嘅站度。

港女不時拿手機拍攝九巴情況及車長相貌Photo from 香港突發事故報料區fb群組片段截圖

九巴司機冷靜解釋

司機解釋,當時巴士已離開車站兩個車位,所以唔可以再開車門。但港女繼續大罵:「點會過咗兩個車位呀?點先係一個車位呀?!」然後指自己仍然會投訴司機。

港女不解何謂「一個車位」。Photo from 香港突發事故報料區fb群組片段截圖

港女連珠炮發

當港女聽到司機稱巴士正駛往下嘅站,佢更激動地大鬧:「我點X知你下個站邊度呀?我趕時間呀!開車門呀!」、「你有無咁X仆X呀?」。面對攻勢,司機未有回罵,但港女則繼續爆發,更開始對佢發動人身攻擊:「你幾多歲呀?啱啱出嚟揸車呀?」、「我未見過咁仆X嘅司機!」

港女爆粗鬧九巴司機Photo from 香港突發事故報料區fb群組片段截圖

廣告
廣告

港女直言要報警

港女見落車訴求未有被理會,遂指自己會報警。佢投訴下個車站太遠,又用手機拍攝司機樣貌。港女指自己由上層落嚟至今超過兩分鍾,全世界都見到司機咁耐都唔開車門。司機反稱:「全世界都見到啲人落晒車啦」,港女即大叫:「啲人落晒車,係你閂門閂得快呀!」對於巴士不斷駕駛,港女失去耐性大喊:「我點樣行返去油麻地呀?」

港女直言要報警拉九巴車長Photo from 香港突發事故報料區fb群組片段截圖

網民斥公主病港女無理

影片於網上瘋傳,大多網民都批評港女無理,指佢有公主病,更封佢為「油麻地公主」,亦有不少人指佢聲線令人心煩。另有網民認為,如果港女客氣一點,態度無咁串,司機應該會開門畀佢。同時,司機EQ高嘅冷靜表現獲網民大讚。

網民指九巴港女聲線令人心煩。Photo from 連登討論區

有網民笑指按緊急掣比粗口有效。Photo from 連登討論區

網民認為,港女客氣點可能獲司機開門。Photo from 連登討論區

網民指港女當自己大帝。Photo from 連登討論區

網民大讚九巴車長EQ高。Photo from 連登討論區

九巴回應

九巴日前已對事件作出回應,指事發約昨午約2時,1輛九巴270A線巴士駛離油麻地消防局巴士站後,車上1名乘客從上層下來表示要落車,由於已駛離巴士站,車長安排乘客於下1個站落車。同時,九巴呼籲乘客,如需落車,請預早作好準備。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel