傳21歲黃奕斌夥38歲李佳芯演忘年戀 炎明熹似機械人被封Ali接班人？！

《聲夢傳奇》完結後，各參賽學員都將獲TVB安排歌曲及劇集工作，高層曾志偉亦已表明會為佢哋度身訂造劇集《青春本我》。雖然呢套劇未開拍，但已有傳當中嘅黃奕斌（Hugo）將夥拍視后李佳芯及視帝馬德鐘拍劇。

Photo from 黄奕斌 IG

傳黃奕斌夥李佳芯拍劇

近日，有網上傳言指《聲夢》出身，21歲黃奕斌（Hugo）將參演劇集《有種好男人》，該劇監製為王心慰，其作品包括成功令陳家樂入屋嘅《逆緣》。根據網上流傳嘅新劇開拍消息，馬德鐘及李佳芯將擔任《有種》嘅男女主角，而Hugo將飾演男配角。

Photo from 李佳芯 FB

黃奕斌將同李佳芯演忘年戀？

消息上嘅故事大綱顯示，身為獨身主義嘅馬德鐘對李佳芯動情，兩人將有感情線，惟女方身邊早有Hugo，則是李佳芯嘅身邊人，三人將進行感情角力，該大綱更形容為「兩個男人的暗戰正式開始」。

Photo from 馬德鐘 IG

網民對黃奕斌與李佳芯配對感驚訝

不少網民對此都感到驚訝，問道：「吓？馬神同Hugo爭Al？」，「堅定流？Hugo 21歲，Ali就40歲啦，母子戀咩？」不過，有網民亦指出，其實Hugo可能飾演李佳芯兒子。另有網民推測大台係想靠Hugo拉低劇組平均年齡。

Photo from 香港討論區 評論

Photo from 香港討論區 評論

Photo from 香港討論區 評論

炎明熹氣質似李佳芯機械人？

《聲夢傳奇》完結後，不少學員都傳出未來工作消息，雖然節目冠軍炎明熹（Gigi）除了《青春本我》外未有其他戲劇消息，但有粉絲將佢嘅獨特氣質與李佳芯於《智能愛人》飾演嘅機械人相提並論。

Photo from YouTube: hehaheal gg

Photo from YouTube: hehaheal gg

近日，有網民將二次創作影片上載上網，片中顯示Gigi喺一個公開場合上面對著傳媒，對於佢哋嘅拍照要求，Gigi舉止生硬。可能係咁，片主認為Gigi動靜十足一部機械人，並聯想起李佳芯飾演嘅機械人。碰巧兩人都係齊蔭造型，所以片主將二人歸做「同一類」。

Photo from YouTube: hehaheal gg

Photo from YouTube: hehaheal gg

影片吸引不少Gigi粉絲留言，表示支持TVB搵佢拍續集，可以飾演李佳芯妹妹，又指「終於被人發現左Gigi的智能人身份了」。

Photo from YouTube 評論

Photo from YouTube 評論

相關文章：聲夢傳奇｜ 黃奕斌被爆曾整容/節目講大話？ 15歲詹天文同冼靖峰熱戀中？！

相關文章：李佳芯《智能愛人》接檔播放挽救收視！ TVB又籌備真人騷 捧二線藝人上位

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）