傳21歲黃奕斌夥38歲李佳芯演忘年戀 炎明熹似機械人被封Ali接班人?!

傳21歲黃奕斌夥38歲李佳芯演忘年戀 炎明熹似機械人被封Ali接班人?!

娛樂新聞
By Cheryl on 01 Sep 2021
Digital Editor

聲夢傳奇》完結後,各參賽學員都將獲TVB安排歌曲及劇集工作,高層曾志偉亦已表明會為佢哋度身訂造劇集《青春本我》。雖然呢套劇未開拍,但已有傳當中嘅黃奕斌(Hugo)將夥拍視后李佳芯及視帝馬德鐘拍劇。

有傳黄奕斌將與李佳芯、馬德鐘合作拍劇。Photo from 黄奕斌 IG

傳黃奕斌夥李佳芯拍劇

近日,有網上傳言指《聲夢》出身,21歲黃奕斌(Hugo)將參演劇集《有種好男人》,該劇監製為王心慰,其作品包括成功令陳家樂入屋嘅《逆緣》。根據網上流傳嘅新劇開拍消息,馬德鐘及李佳芯將擔任《有種》嘅男女主角,而Hugo將飾演男配角。

李佳芯憑《智能愛人》人氣回升,現傳佢將夥馬德鐘及黃奕斌拍新劇《有種好男人》。Photo from 李佳芯 FB

黃奕斌將同李佳芯演忘年戀?

消息上嘅故事大綱顯示,身為獨身主義嘅馬德鐘對李佳芯動情,兩人將有感情線,惟女方身邊早有Hugo,則是李佳芯嘅身邊人,三人將進行感情角力,該大綱更形容為「兩個男人的暗戰正式開始」。

消息有傳馬德鐘將在新劇中與李佳芯、黃奕斌有對手戲。Photo from 馬德鐘 IG

網民對黃奕斌與李佳芯配對感驚訝

不少網民對此都感到驚訝,問道:「吓?馬神同Hugo爭Al?」,「堅定流?Hugo 21歲,Ali就40歲啦,母子戀咩?」不過,有網民亦指出,其實Hugo可能飾演李佳芯兒子。另有網民推測大台係想靠Hugo拉低劇組平均年齡。

網民認為李佳芯及黃奕斌配對係母子戀。Photo from 香港討論區 評論

有網民猜測黃奕斌飾演李佳芯兒子,而非愛人。Photo from 香港討論區 評論

有網民猜測加黃奕斌入劇組能拉低平均年齡。Photo from 香港討論區 評論

炎明熹氣質似李佳芯機械人?

廣告
廣告

《聲夢傳奇》完結後,不少學員都傳出未來工作消息,雖然節目冠軍炎明熹(Gigi)除了《青春本我》外未有其他戲劇消息,但有粉絲將佢嘅獨特氣質與李佳芯於《智能愛人》飾演嘅機械人相提並論。

有網民二次創作,將炎明熹與李佳芯飾演嘅機械人相提並論。Photo from YouTube: hehaheal gg

炎明熹與李佳芯飾演嘅機械人同樣係齊陰造型。Photo from YouTube: hehaheal gg

近日,有網民將二次創作影片上載上網,片中顯示Gigi喺一個公開場合上面對著傳媒,對於佢哋嘅拍照要求,Gigi舉止生硬。可能係咁,片主認為Gigi動靜十足一部機械人,並聯想起李佳芯飾演嘅機械人。碰巧兩人都係齊蔭造型,所以片主將二人歸做「同一類」。

炎明熹在一個公開場合面對傳媒時表現生硬。Photo from YouTube: hehaheal gg

炎明熹舉止令部分網民聯想起機械人。Photo from YouTube: hehaheal gg

影片吸引不少Gigi粉絲留言,表示支持TVB搵佢拍續集,可以飾演李佳芯妹妹,又指「終於被人發現左Gigi的智能人身份了」。

粉絲想炎明熹拍《智能愛人》第二季。Photo from YouTube 評論

有網民認為炎明熹舉止有點像機械人。Photo from YouTube 評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel