30歲港男失去「溝女」本能! 變得消極自卑 網民表示超有同感

30歲港男失去「溝女」本能! 變得消極自卑 網民表示超有同感

生活熱話
By Stephanie on 01 Sep 2021
Digital Content Writer

唔少單身嘅人士都好希望可以盡快搵到自己嘅另一半,可惜都事與願違!最近,有位年約30歲嘅港男討論區表示最近難得遇到心儀嘅女仔,但就驚覺自己好似已經變到唔識得「溝女」咁,驚慌咁詢問網民們嘅意見!

港男表示變到唔識同女仔溝通!Photo from TVB

#年齡增加導致唔識同女仔溝通?!

唔少人都希望可以搵到投契適合嘅伴侶陪伴自己共度餘生,然而遇到 Mr Right/Mrs Right嘅時候都需要天時地利人和先能夠順利同對方一齊!日前,有位年約30歲嘅港男就話自己年紀越大就越唔識同女仔溝通,嚴重到「覺得自己有心理病」!

年約30歲嘅港男表示自己已經唔識得「溝女」?!Photo from 連登討論區

#單身1年多

港男表示自己過咗30歲,正常樣貌,175cm,平時有做開運動,所以身形亦唔算太肥。感情狀況方面,佢就已經單身咗1年幾,對上一次仲要係Long D(遠距離戀愛),分手之後都冇咩想拍拖嘅諗法。

港男表示自己正常樣貌 中等身形!Photo from TVB

#遇見心儀女生

直到最近,港男遇到令佢心動嘅女仔想進一步發展,但就發現自己好似變到唔識得同女仔溝通咁,「唔知係咪因為過咗30歲,好似唔敢太直接」。而佢同嗰位女仔其實並冇單獨交談過,只係一大班人一齊傾過計。港男話即使而家有心儀女仔都會退縮,心裡面不停說服自己「人哋都未必會鍾意你啦」等,導致心情長期都俾自卑嘅心態籠罩住!

暫時都未把握到機會同心儀女生交談!Photo from TVB

最近遇上令自己心動嘅女仔!Photo from TVB

#對愛情過份消極?!

港男解釋年輕時期嘅佢並唔係咁「淆底」,但自從出嚟做嘢之後就失去咗主動認識女仔嘅衝勁,仲反而開始覺得好麻煩!隨住身邊嘅朋友都開始成雙成對,港男就決定要正視自己嘅問題,並且發現對待愛情嘅消極情緒已經變本加厲,「成日都覺得自己唔夠好」!

同年輕嘅時候相比 而家顧慮好多嘢!Photo from TVB

#網民超有同感!

呢個post引起網民嘅關注,唔少網民都表示自己同港男嘅處境十分相似,並深表同情「返工咁疲憊,邊有時間認識女仔啊」、「單身咗好多年,真係會越來越灰」等,睇嚟有好多同港男「同病相憐」嘅網民呢!不過亦有網民認為港男未免太容易心動,就連同對方一對一傾計都未試過就已經話鍾意人哋?!

唔少網民表示好有同感!!Photo from 連登討論區

有網民認為港男未免太過易心動?!Photo from 連登討論區

#窩心勉勵港男踏出Comfort Zone

另外,有網民就好認真咁為港男提供意見,認為佢太睇小自己,建議佢應該尋找自己嘅長處從而建立自信心「放膽咁主動傾下計,其實冇想象中咁難!」等;亦有網民以「男人過咗30歲先係全新嘅開始」勉勵港男,認為佢有心唔怕遲!

網民超窩心咁提供意見 鼓勵港男!Photo from 連登討論區

網民鼓勵港男主動啲 其實並冇想像中咁困難!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男列搵女友必備7大條件「如果唔係寧願單身」:唔洗送返屋企/唔介意食平民嘢/唔會理男友買咩

30 Aug , 2021

有網民喺香港討論區發文「搵女朋友一定要有呢啲條件!」,並列出7項條件,直言:「如果唔係寧願單身」,佢表示佢所講嘅條件只係「基本嘢嚟」,引起網友熱議。

有網民喺香港討論區發文「搵女朋友一定要有呢啲條件!」,並列出7項條件,直言:「如果唔係寧願單身」Photo from TVB

依家網上有好多交友平台、APP,用戶可以自由寫出自己嘅擇偶條件,以便搵到合適對象發展。近日喺香港討論區就有網民發文指佢搵女友必須符合以下條件,更指:「如果唔係寧願單身,對我好唔派帽呢啲基本嘢就唔講啦」

依家網上有好多交友平台、APP,用戶可以自由寫出自己嘅擇偶條件,以便搵到合適對象發展。Photo from TVB

#要求女友夠獨立

樓主稱女友要獨立啲,唔好要佢成日送返屋企。佢表示返完工大家都攰,好多時男生送完女友,平均仲要搭成個鐘車先返到自己屋企:「明明識自己返屋企就唔好次次都要送埋返屋企先安樂」

樓主稱女友要獨立啲,唔好要佢成日送返屋企Photo from TVB

#女友唔介意食「平民嘢」

廣告
廣告

樓主指唔洗成日食咁貴:「有時唔係好餓食下魚蛋粉開心下咪算囉」,佢更直言:「女人就係虛榮心,明明唔餓都話要去食high tea叫個啲三層塔又要食唔晒淨係拎黎打卡」,佢認為嗰啲high tea唔平,而好多女生都食唔晒。

樓主指唔洗成日食咁貴:「有時唔係好餓食下魚蛋粉開心下咪算囉」Photo from TVB

樓主直言:「女人就係虛榮心,明明唔餓都話要去食high tea叫個啲三層塔又要食唔晒淨係拎黎打卡」Photo from TVB

#好女友唔會理男朋友買啲咩

樓主作為男性,佢表示男人想買啲咩通常都係一件起兩件止,例如買下模型、iron man figure等,呢啲嘢唔係成日出,樓主稱:「買嗰幾件嘢都喺到嘈嘈閉,點都好過你哋每個星期都買衫買化妝品先」,佢承認買figure係唔平,但認為只要畀得起錢,買完又唔會無錢食飯就無問題。

樓主作為男性,佢表示男人想買啲咩通常都係一件起兩件止,例如買下模型、iron man figure等Photo from ViuTV

樓主想搵唔會理男朋友買啲咩嘅女友Photo from ViuTV

#要同男友社交圈子分開

樓主認為男友同女友嘅社交圈子絕對唔可以mix埋一齊,否則分咗手就會連之前嘅朋友都無埋,佢指唔介意女友成日去搵班姊妹開茶點會,但係都唔好阻止男友搵班朋友飲下嘢、打下機,又話雙方可以間唔中參加下伴侶與姊妹/兄弟嘅聚會。

樓主指唔介意女友成日去搵班姊妹開茶點會,但係都唔好阻止男友搵班朋友飲下嘢、打下機Photo from TVB

#唔會成日收貴價禮物

情侶喺紀念日、生日、節日等互送禮物好平常,但樓主表示:「唔洗下下都話要想貴嘢,收下心思嘢得唔得?」,佢舉例指簡單啲一張卡、小手工等都可以:「點解成日都話要咩咩牌子銀包手袋」

情侶喺紀念日、生日、節日等互送禮物好平常Photo from TVB

樓主指女友唔好成日收貴價禮物,簡單啲一張卡、小手工等都可以Photo from TVB

#唔會要男友估你想點

樓主表示女友有咩想講,或者有嘢唔開心應該要直接講,成日要男友估:「估唔中又要嬲,嬲完又要氹」

樓主表示女友有咩想講,或者有嘢唔開心應該要直接講,成日要男友估Photo from TVB

#唔會未結婚就當正自己係屋企女主人

樓主自稱佢自己一個人住,之前拍過拖嘅兩任女友都當正自己係佢屋企女主人:「將啲日常用品搬晒入黎都算啦,仲可以未問過我就帶埋啲八婆姊妹上黎開party」,認為應該尊重返屋主本人。

樓主自稱佢自己一個人住,之前拍過拖嘅兩任女友都當正自己係佢屋企女主人Photo from TVB

樓主:「將啲日常用品搬晒入黎都算啦,仲可以未問過我就帶埋啲八婆姊妹上黎開party」Photo from TVB

#網友反應兩極!

對於樓主提出嘅7大條件,樓主本人稱只係「基本嘢嚟」,仲有好多可以補充,有網友表示認同樓主所言,尤其係「唔好要男友估你想點」,直指好多女生成日有咩都唔講要男朋友自己諗,估唔到女友仲要畀面色男友睇,令佢覺得好麻煩。

對於樓主提出嘅7大條件,樓主本人稱只係「基本嘢嚟」Photo from 香港討論區

有網友表示認同樓主所言Photo from 香港討論區

網友指尤其係「唔好要男友估你想點」,直指好多女生成日有咩都唔講要男朋友自己諗Photo from 香港討論區

有網民覺得樓主講得好啱Photo from 香港討論區

但亦有網民認為樓主要求太多:「注定單身」,又稱除非樓主自己有車、有樓,條件好好,如果唔係就會好難搵到女朋友。

有網民認為樓主要求太多Photo from 香港討論區

網友:「注定單身」Photo from 香港討論區

網民稱除非樓主自己有車、有樓,條件好好,如果唔係就會好難搵到女朋友。Photo from 香港討論區

網友認為樓主咁多要求,好難搵到合適對象Photo from 香港討論區

有網友叫樓主諗下自己先Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel