何雁詩飛美國深造音樂/陳偉琪歐洲度假！ 盤點7位今年離開TVB藝人去向
TVB自1967年成立而來，至今已經踏入第54年，一路以來培育咗好多藝人，而唔少藝人喺滿約後亦可能會選擇離開公司出去闖下；或者開拓自己另一門事業！而最近亦有唔少藝人離開TVB嘅消息，而家就等我哋一齊盤點今年離巢嘅藝人啦～
Photo from 陳偉琪IG
#何雁詩
何雁詩於2009年參加第一屆《超級巨星》而簽約TVB，入行後亦有發行唱片以及出演電視劇，算係曝光率都幾高嘅藝人之一。不過，今年7月佢就突然於IG宣佈離開做咗12年嘅TVB，對公司表達感謝之情「多謝你哋俾我嘅所有回憶。江湖再見！」
Photo from 何雁詩IG
Photo from 何雁詩IG
現時佢就已經同老公鄭俊弘前往美國度蜜月兼度假，經常晒出兩人於遊玩嘅照片，羨煞旁人～但原來佢今次遠赴美國嘅其中一個原因，就係為咗入讀美國最高音樂學府Musicians Institute（MI）修讀「Artist Producer Entrepreneur」，而學費仲足足逾港幣$10萬㗎！對於投資自己，果然非常落力啊！
Photo from 何雁詩IG
Photo from 何雁詩IG
#張明偉
張明偉自2012年加入TVB，有份出演多部電視劇演出，可惜大多都只係飾演配角角色。其中以《愛回家之開心速遞》嘅補習天王George「佐治」一角最為人熟悉，劇中造型極似林作，一度引起網民關注。
Photo from 張明偉IG
Photo from 張明偉IG
近日，張明偉於IG宣佈離開拍攝3年嘅《愛回家》劇組，有消息指佢係因為知道原先8月份嘅戲份被腰斬，並且發現自己9月份亦冇收到任何嘅拍攝通知，疑似「被消失」！佢接受媒體訪問時話唔太清楚實際「被消失」嘅原因，不過就認為可能同7月中喺學校門外獻唱《銀河修理員》有關。佢透露合約其實明年年中先滿約，不過睇而家嘅狀況，其實同離開TVB差唔多！
Photo from 張明偉IG
Photo from 張明偉IG
#陳偉琪
陳偉琪於2011年時參選《溫哥華華裔小姐》獲得亞軍，再於2013年回港參選《香港小姐》，憑著豐滿嘅身材而獲得網民們嘅關注！佢簽約TVB後出演多個節目以及電視劇，於《愛回家之開心速遞》中所飾演嘅「 細龍太」就令大家留下深刻印象。
Photo from 《愛回家之開心速遞》
Photo from 陳偉琪IG
不過由於陳偉琪形象唔太好，故此劇組安排佢淡出劇集，並於今年6月滿約正式離開TVB。佢就透露自己開始經營售賣黑毛豬火腿嘅生意，而近日佢仲飛咗去歐洲維也納旅行度假，生活非常寫意～
Photo from 陳偉琪IG
Photo from 陳偉琪IG
#ILUB 艾粒
商台DJ兼組合「艾粒」（ILUB）成員當奴（Donald）和少爺占（Jim）搞笑形象深入民心，過去曾經喺TVB主持多個節目，分別有《阿笨與阿占》、《逐格鬥》 等，而今年播出嘅《大整蠱》就竟然成為咗兩人告別TVB前嘅最後作品喇！
Photo from 《大整蠱》
最近，有網民就發現TVB同邵氏兄弟官方網站男藝人列表中都已經冇咗佢哋嘅名。而當奴最近出席《全民造星4》記者會時，就回應「其實一直都唔係TVB，做節目係個別簽合約，並非長期」，證實回復自由身！
Photo from 當奴IG
Photo from 少爺占IG
#蝦頭（楊詩敏）
舞台劇演員出生嘅蝦頭（楊詩敏）2013年因為出演《My盛Lady》而簽約TVB，搞笑形象深入民心。最近，佢就表示已經離開TVB，並且忙於舞台劇同埋自己嘅音樂事業，仲澄清同曾志偉感情好，唔排除再同TVB合作嘅機會！
Photo from 蝦頭IG
Photo from 蝦頭IG
#關禮傑
關禮傑今年1月時完成電視劇《我家無難事》就再一次離開TVB，不過佢就表示以後可能仲會有機會以個人或者合約方式返TVB拍劇。最近，佢嘅囡囡關楓馨就入咗《香港小姐2021》嘅最後12強，而佢仲有上台同囡囡一齊表演！
Photo from 娛樂新聞台
Photo from 《香港小姐2021》
#趙永洪
趙永洪 (Raymond) 早於1998年就加入TVB，於2018年離開TVB往外闖。不過上年又再回巢拍攝電視劇《陀槍師姐2021》，不過佢就表示今次只係同TVB簽咗1年嘅約，而滿約後就打算北上發展尋找機會！
Photo from 趙永洪微博
Photo from 趙永洪微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
黃德斌再創事業高峰/陳智燊月入60萬?! 盤點7位前TVB藝人近況
9 Jul , 2021
TVB每年都有唔少藝人因為合約期滿，而選擇離開公司。部分藝人會選擇發展其他事業，亦有部分藝人會去內地發展，而家就等我哋一齊睇下離開咗TVB嘅藝人們嘅近況啦～
Photo from Coffee IG
黃德斌
黃德斌2017年離開TVB，當時有傳TVB嘗試加薪挽留，不過佢去意已決。後來佢就轉戰電影圈，有份拍攝多部為人熟悉嘅電影《逆流大叔》、《拆彈專家2》等。而佢最近就憑電視劇《大叔的愛》裡面搞笑破格嘅演出，引起網民熱議，人氣飆升，迎來事業高峰！
Photo from 黃德斌IG
Photo from 《大叔的愛》
簡慕華
簡慕華喺TVB做咗17年，拍攝過唔少電視劇，可惜一直都係做配角，直到2017年選擇離開公司。佢曾經直言離開係因為TVB冇得選擇角色，希望可以為觀眾帶來突破新穎嘅演出。最近，佢喺《大叔的愛》裡面飾演黃德斌結婚二十年嘅妻子Francesca，演技實力備受肯定，人氣急升！
Photo from 簡慕華IG
Photo from 簡慕華IG
李施嬅
李施嬅於2003年透過參選香港小姐而入行，拍攝過唔少代表作品，可惜一直都未能夠更取得獎項。其後，佢因為拍攝美國嘅微電影《Once More》，而獲得雙料影后，令佢萌生離開TVB嘅念頭。後來於2019年正式宣佈離開，並遠赴加拿大拍戲！
Photo from 李施嬅IG
Photo from 李施嬅IG
林芊妤（Coffee）
林芊妤透過節目《耳分高下》嘅「Sing之天使」雪梨而入行，曾於多部電視劇當中擔任配角。後來，佢喺2014年離開TVB，轉行成為瑜珈導師兼YouTuber，經常會上載運動教學影片，至今已經擁有過百萬訂閱人數，粉絲遍佈全亞洲，事業非常成功！
Photo from 林芊妤IG
Photo from 林芊妤IG
陳智燊
陳智燊因為講得一口流利嘅英文，由明珠台擔任主持人再轉而成為演員，然而到咗2018年佢就同老婆宋熙年齊齊離開TVB。近年，兩夫婦轉型成為KOL，一齊開設YouTube頻道，努力拍片，成功吸引唔少網民關注，仲有傳兩人月入有$60萬咁多！
Photo from 陳智燊IG
Photo from 陳智燊IG
楊秀惠
楊秀惠於2020年宣佈因為生B結婚而離開TVB，之後佢就開始專注照顧家庭同埋打理美容生意。據悉，佢嘅美容生意發展十分順利，仲成功進軍內地市場。早前，佢就自爆佢經營5年嘅網店已經賺1億，仲大方向網民分享創業之道！
Photo from 楊秀惠IG
Photo from 楊秀惠YouTube
徐子珊
徐子珊2004年獲得港姐冠軍而加入TVB，曾經係受力捧嘅藝人之一。佢於2015年離開TVB淡出幕前，並且修讀專心理學碩士同珠寶設計課程，努力進修。2019年，佢對外宣佈退出娛樂圈，並自創珠寶品牌KATETSUI。
Photo from 徐子珊微博
Photo from 徐子珊微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
