download HolidaySmart 假期日常 app
【後生仔傾吓偈】《後生仔》將於9月尾播放完畢! 馮盈盈6號被爆經常形影不離?

【後生仔傾吓偈】《後生仔》將於9月尾播放完畢! 馮盈盈6號被爆經常形影不離?

娛樂新聞
By Stephanie on 06 Sep 2021
Digital Content Writer

TVB J2清談節目《#後生仔傾下偈》將於9月底播放完畢!日前,佢哋就聚首一堂一齊錄影最後一集,並以畢業禮為主題,大談節目4年間嘅趣事同難忘經歷,有「後生仔」就仲大爆馮盈盈陸浩明(6號)關係過份親熱?!

廣告
廣告

節目將於9月底播放最後一集!Photo from 《#後生仔傾下偈》

#《#後生仔傾下偈》突然宣佈停播!

TVB近來嘅人事變動非常大,早前就宣佈C君@農夫正式J2台嘅創意總監,聯同曾志偉同王祖藍一齊節目製作。不過,日前J2清談節目《#後生仔傾下偈》就突然宣佈將於本月底正式完結,令唔少網民不禁認為莫非呢個就係C君上任後第一個決定?!

 唔少網民猜測係C君上任後嘅所為?!Photo from 《#後生仔傾下偈》

#開播至今已經4年

《#後生仔傾吓偈》由2017年開始播出,直到現時為止已經播出咗800幾集,各位「後生仔」主持們亦因而累積人氣,並且有唔同方面嘅發展:孔德賢、游嘉欣、徐文浩等人就開始拍攝電視劇;而波波、呂靜文等就主攻綜藝節目。

節目播出至今已經4年時間!Photo from 娛樂新聞台

廣告
廣告

後生仔們已經各自有新嘅發展Photo from 娛樂新聞台

#因為「後生仔」們太忙而結束節目?

C君就回應傳媒表示「節目結束唔關我事,我暫時只係負責度橋」,否認係佢「出手」腰斬節目嘅傳聞。有指,因為一班「後生仔」嘅工作都好忙碌,安排節目拍攝嘅時間非常難夾,故此節目組決定「見好就收」!

C君否認節目因為佢而結束!Photo from C君IG

#曾志偉到場以示支持

日前,《#後生仔傾下偈》就拍攝最後一集,26名「後生仔」一齊進行拍攝,並以畢業禮為主題。而曾志偉亦有到場為佢哋打氣,並感謝台前幕後呢幾年嘅付出同努力「大家都做得好好啊!」,仲同佢哋一齊影大合照留念!

一班後生仔齊齊現身最後一集!Photo from 娛樂新聞台

曾志偉到場感謝節目組~Photo from 娛樂新聞台

廣告
廣告

#6號馮盈盈被爆關係太親密?!

錄影期間,咁多位主持人就分享呢4年來拍攝節目時遇到嘅難忘經歷。其中有人就大爆陸浩明(6號)同馮盈盈經常都出雙入對,成日都一齊約返工,而戴祖儀隨即爆料「6號自己返工嗰日就一定唔會遲到」;而林穎彤就被幕後人員爆料話佢經常都喺錄影期間流露出好想放工嘅眼神,令人爆笑!

後生仔瘋狂爆料 6號同馮盈盈經常一齊?!Photo from 陸浩明IG

林穎彤成日都望收工?!Photo from 林穎彤IG

#網民反應不一

「後生仔」們錄影過後,亦紛紛於IG上載大合照,表達對節目不捨嘅心情,不過佢哋就話同時間都十分期待未來嘅新工作安排。而唔少網民都喺下面留言表達對節目嘅感受,有人就覺得十分可惜;但亦有人十分坦白咁認為節目內容一般。

出演者大晒最後一集嘅大合照~Photo from 陸浩明IG

網民意見不一!Photo from 陸浩明IG

廣告
廣告

其中有網民就疑似對節目太過不捨,而忍唔住「賴」落193@ERROR身上,話因為佢早前嘅出位言論導致而家佢冇得收睇節目?!不過究竟呢位網民係講笑定認真就不得而知喇~

有網民覺得193同節目結束有關?Photo from 陳欣茵IG

193曾公然談及節目Photo from 193 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《後生仔傾吓偈》主持大爆娛樂圈秘密 女主持們收到同一個男藝人嘅 DM?!

8 Oct , 2020

廣告
廣告

早前《後生仔傾吓偈》節目中,馮盈盈陸浩明大爆藝人秘密,有啲仲唔小心爆埋名!陳煒麥美恩都被開名。當中仲提及一個男藝人 DM 節目嘅女 KOL 們約會,究竟邊個咁「厲害」啊?

早前《後生仔傾吓偈》一班主持大爆藝人秘密,原本係唔開名,但馮盈盈同陸浩明愈爆愈 high,竟然唔小心開埋名!

早前《後生仔傾吓偈》一班主持大爆藝人秘密。Photo from 《後生仔傾吓偈》

Photo from 《後生仔傾吓偈》

馮盈盈大爆陳煒原來超豪,經常「萬歲」。陳煒每次出外景都會問工作人員附近有咩好嘢食,然後一到 lunchtime 或者宵夜,就會成枱都係嘢食,「萬歲」全場。

馮盈盈大爆陳煒原來超豪,經常「萬歲」。Photo from alicechanwai@IG

另外又爆麥美恩好鍾意飲茶,次次開工都鍾意拉埋台前幕後去飲茶。每次飲茶都會瘋狂嗌嘢食,嗌到成枱都係,最後食唔晒要打包拎走。馮盈盈仲話同麥美恩去飲茶,點心紙一定唔可以經佢手。

又爆麥美恩好鍾意飲茶,次次開工都鍾意拉埋台前幕後去飲茶。Photo from mayannem@IG

其中一個主持仲爆有一個男藝人 DM 節目嘅某位女 KOL 想約會,然後傾傾吓偈先發現原來幾個女 KOL 都收到同一個男藝人嘅 DM!最後馮盈盈搞笑地打圓場話可能人哋只係真心想搵對象做吓朋友啫~究竟邊個咁缺「朋友」啊?大家真係要自己估吓喇~

其中一個主持仲爆有一個男藝人 DM 節目嘅某位女 KOL 想約會!Photo from 《後生仔傾吓偈》

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel