林峯5:5分界懷舊髮型惹網民爆笑! 盤點6個藝人劇中經典「炒車」髮型

林峯5:5分界懷舊髮型惹網民爆笑! 盤點6個藝人劇中經典「炒車」髮型

娛樂新聞
By Stephanie on 02 Nov 2021
Digital Content Writer

最近,林峯主演嘅內地電視劇《星辰大海》正在熱播中,不過佢劇中嘅5:5分界髮型就成功引起網民爆笑,就連佢自己都忍唔住話「急需新髮型!」事實上,唔少藝人都會為咗拍戲而轉換髮型,配合返劇情嘅需要,而家就等我哋一齊盤點6個為角色犧牲嘅「炒車」髮型啦~

林峯於內地電視劇《星辰大海》中嘅造型,成功引起網民熱議!Photo from 林峯IG

# 林峯中間分界髮型惹網民爆笑!

林峯近年主要喺內地發展,自從2019年播出《PTU機動部隊》後,就好少有電視劇作品播放。最近,林峯同內地女星劉濤主演嘅電視劇《星辰大海》就正在熱播中,不過佢於劇中嘅5:5分界懷舊髮型就成為咗亮點,引起網民爆笑!

林峯於《星辰大海》中嘅髮型惹網民爆笑!Photo from 微博

由於劇中背景係90年代,所以林峯嘅髮型比較懷舊變成五五分界!Photo from 林峯微博

# 連林峯都表示「求新髮型!」

劇中,林峯飾演一位商界精英,而預告片中佢嘅「咆哮式演技」就成功引起大家嘅關注!由於該劇背景設定於90年代,所以劇中嘅角色服裝同髮型都比較懷舊。其中林峯嘅就挑戰非常難駕馭嘅「中間分界」嘅髮型,引來唔少網民嘅負評「造型師要被解僱了!」、「參考阿旺嘅髮型?!」等,就連林峯本人都忍唔住喺微博寫「急求一個新髮型!在線等!」

林峯於《星辰大海》預告中嘅咆哮演技,受到網民關注!Photo from 《星辰大海》預告

林峯本人都覺得劇中髮型唔太適合自己啊!Photo from 林峯微博

其實唔少藝人都曾經為咗拍戲而改變髮型,好多時髮型都未必適合佢哋!而家就等我哋一齊睇下有邊啲奇怪髮型啦~

# 徐子珊

徐子珊2006年嘅時候拍攝TVB電視劇《學警出更》,並於劇中飾演警察,因此將頭髮剪得非常短。而當時徐子珊面上仲有baby fat,所以咁短嘅髮型導致佢睇落比較圓潤!

徐子珊2006年嘅時候,為咗拍攝《學警出更》而剪短頭髮!Photo from TVB

超短嘅頭髮令徐子珊上鏡後,睇落比較圓潤!Photo from TVB

# 黃宗澤

黃宗澤喺2004年出演古裝喜劇《足秤老婆八両夫》,劇中嘅髮型非常奇怪,兩邊剷青只係得頭頂有頭髮,令唔少網民笑言「好似有塊紫菜喺頭頂咁!」,相信呢個亦係黃宗澤最難忘嘅髮型喇!

黃宗澤曾經於《足秤老婆八両夫》以超奇怪髮型出演!Photo from TVB

唔少網民都表示唔太理解黃宗澤於劇中嘅造型!Photo from TVB

# 馮盈盈

馮盈盈於《反黑路人甲》中首度挑戰「眉上瀏海」嘅髮型,不過唔少網民都認為佢carry唔到呢個髮型,紛紛留言詢問佢「究竟係咪得罪髮型師?!」

馮盈盈首度於《反黑路人甲》挑戰眉上瀏海嘅髮型!Photo from TVB

唔少網民都認為瀏海髮型唔太適合馮盈盈!Photo from TVB

# 羅貫峰

電視劇《十兄弟》裡面嘅角色都有非常獨特嘅髮型,其中由羅貫峰飾演嘅「飛天五」就最令觀眾難忘喇!佢於劇中嘅髮型就同嗰名一樣,頭上好似有一對翅膀咁,幫助佢飛天?!呢個奇怪造型,當時成功引起網民爆笑!

羅貫峰於《十兄弟》中飾演「飛天五」,髮型十分獨特!Photo from TVB

羅貫峰劇中嘅髮型成功引起網民關注!Photo from TVB

# 鍾嘉欣

鍾嘉欣一向都外型甜美,係唔少男粉絲心目中嘅女神!不過佢於《老友狗狗》中嘅髮型就嚇親唔少觀眾,劇中嘅「男仔頭」髮型改變咗佢過往嘅一貫風格,令唔少網民都覺得髮型令佢冇晒女人味,簡直係為角色「犧牲」啊!

鍾嘉欣於《老友狗狗》中嘅短頭髮形象,有非常大嘅突破!Photo from TVB

唔少網民都認為呢個髮型係鍾嘉欣入行以來最「奇怪」嘅髮型!Photo from TVB

廣告
廣告

#黎明

作為4大天王嘅黎明,一直都有斯文嘅形象。然而,佢喺電影《十月圍城》就嘗試咗2種新髮型:爆炸頭同埋超貼服長髮,令唔少網民不禁驚嘆「髮型嘅重要性」!

黎明於《十月圍城》中突破自己,嘗試2個新髮型!Photo from 《十月圍城》

黎明嘅超貼服長髮,令唔少網民都覺得非常唔適合佢!Photo from 《十月圍城》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鏡粉叫老公電「阿Jer髮型」 最終效果爆笑!鏡粉老公:點同老婆解釋?

6 Jul , 2021

近日有鏡粉另一半喺Facebook開設「我老婆嫁咗MIRROR導致婚姻破裂關注組」,控訴老婆、女友太迷MIRROR。雖然有唔少「MIRROR苦主」喺群組吐苦水,但好多其實係另類放閃post!

MIRRORPhoto from MIRROR IG

其中一位鏡粉老公就指佢太太叫佢將髮型電到阿Jer(柳應廷)咁,阿Jer嘅髮型不嬲好有標誌性,而呢位鏡粉老公好聽老婆話,真係去電髮。

阿Jer(柳應廷)Photo from Jer IG

阿Jer嘅髮型不嬲好有標誌性Photo from Jer IG

點知效果出到嚟卻極為驚人!首先個髮型平心而論就同阿Jer個髮型完全唔同,頭髮超級鬈,令帖主忍唔住話:「但我電到條jer咁,點同老婆解釋?」

電髮效果極驚人Photo from 我老婆嫁咗MIRROR導致婚姻破裂關注組

呢個post一晚就有超過2萬人likes,唔少網友都留言表示好好笑:「爭好遠喎電得」、「笑到比人以為我痴線」、「係地鐵到笑左出聲」、「柳應頭唔係個個都carry到」

呢個post一晚就有超過2萬人likes,唔少網友都留言表示好好笑Photo from 我老婆嫁咗MIRROR導致婚姻破裂關注組

喺群組入面有另一位鏡粉男朋友,佢同女友一齊去睇MIRROR演唱會,仲同12位成員一齊影合照添!

喺群組入面有另一位鏡粉男朋友,佢同女友一齊去睇MIRROR演唱會Photo from 我老婆嫁咗MIRROR導致婚姻破裂關注組

由於男友企喺姜濤同Ian隔離,於是就被女友鬧咗成程車「做咩霸咗佢個位」、「做咩痴到姜濤咁埋」

由於男友企喺姜濤同Ian隔離,於是就被女友鬧咗成程車Photo from 我老婆嫁咗MIRROR導致婚姻破裂關注組

之後當女友post張相上IG時,竟然狠心P圖將男友P走:「仲話你唔好阻住我同佢地一齊,張相淨係得我同Mirror就夠,唔要你」,不過心酸嘅係,男友都有照like張相~

當女友post張相上IG時,竟然狠心P圖將男友P走Photo from 我老婆嫁咗MIRROR導致婚姻破裂關注組

女友後來有請畫家Drawing Leow畫返張圖出嚟,不過都係無男友嘅,但畫家留咗少少空位,男友可以畫返自己上去。

女友後來有請畫家Drawing Leow畫返張圖出嚟Photo from 我老婆嫁咗MIRROR導致婚姻破裂關注組

網友留言指女友P圖技術好高超:「你本來個位置係做揸機嗰個呀,你企埋去做咩啫」、「請教用咩p圖app ?咁完美p走人」、「真心講你女友p圖係勁」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel