
內地大媽向深圳女仔傳授來港攻略! 長得不難看,乖一點就一定嫁得出!
網絡上嘅資料五花八門,只要你想知道嘅都可以搵到解答。最近,有內地網民喺網上分享「深圳女仔嘅出路如何?」,並附上如何留喺香港嘅方法!其中,該樓主仲建議唔應該嫁俾港男,因為港男比較遲婚,認為深圳女仔們嘅首要目標竟然係「港漂」?!
Photo from 《拖旅行箱的女人》
# 內地阿姨傳授來港秘訣!
相信唔少人都曾經為自己嘅出路及前途而感到迷惘~日前,有位自稱已經成為阿姨嘅內地網民上載以「深圳普通女孩的出路是什麼?」為題目嘅post,於網上分享如何南下去香港,並長居香港嘅幾個秘訣!
Photo from TVB
# 申請來港讀碩士非常容易!
首先,「阿姨」就表示深圳嘅女孩們冇必要一齊惡性競爭,認為只要你樣貌唔差,就可以輕易申請去香港嘅大學修讀1年嘅碩士課程,提升自己學歷,仲專登點名城大、理大、教大等,認為呢幾間都非常易就申請!等到完成課程之後,就可以爭取喺1年簽證限期內搵工,主要喺搵香港嘅中資企業、保險公司、國際學校等。
Photo from 知乎
Photo from TVB
# 挑選另一半要謹慎!
搵完工作,就當然要順便搵埋另一半啦!然而,「阿姨」就教大家首選嘅目標一定係「港漂」(喺香港工作嘅內地男士),因為呢類型嘅男士同港女有隔膜,多數都難搵到女朋友,內地女孩可能會更加適合佢哋!如果想選擇港男或者外國人作為伴侶都可以,不過就一定要謹慎選擇,因為佢哋多數都鍾意AA制度、遲婚而且唔鍾意買樓,好大機會浪費青春!
Photo from 知乎
Photo from TVB
# 內地女生長相已經有優勢?!
除此之外,「阿姨」仲認為內地女仔喺長相上面本身就有一定嘅優勢,因為大部分港女都係東南亞長相,而且都係「傻白甜」!佢強調「只要姿態放得夠低,嫁人一定不是問題!」,表示香港男士都唔太著緊內地女生來自邊一個省份。
Photo from 知乎
Photo from TVB
# 網民為港女平反!
「阿姨」嘅攻略迅速喺連登討論區瘋傳,引起網民們嘅熱議。有網民為港女平反,認為港女東南亞長相嘅講法似乎唔太啱;亦有網民講笑咁話「寫之前又真係有做research!」,認為現時香港人拍拖的確係AA制、遲婚居多。
Photo from 連登討論區
# 取笑網民經常話「內地女生好單純」嘅講法!
另外,有網民就取消港男認為「內地女仔好純」嘅講法,指內地女生一早就諗好將來嘅路,並且非常著重伴侶嘅經濟能力狀況;而且佢哋設立嘅條件大部分港男都未能夠達到要求!而部份網民就認為內地女仔其實好難喺香港搵到「港漂」,由於香港樓價過高,難以上車,除非對方本身已經財力豐厚,否則好難如「阿姨」所願!
Photo from 連登討論區
Photo from TVB
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
留美內地夫婦離婚再假結婚為賺錢? 丈夫戲假情真!元配竟被逐出家門
9 Nov , 2021
成日聽人講「千祈唔好將感情當成兒戲」,受傷嘅最終好有可能係自己。最近,有一對居住於美國嘅內地夫婦就因為金錢而決定「假離婚」,並另外再與其他人「假結婚」以賺取更多金錢。不過,丈夫就竟然同新歡擦出愛火,並離開元配,令佢非常傷心!
Photo from 微博
# 留美內地夫婦假結婚賺錢?
喺唔少人眼中結婚係人生大事,並非一時三刻可以隨意落決定。不過移居美國嘅一對內地夫婦就似乎唔係咁認同呢個諗法喇,佢哋兩人仲竟然嘗試利用「假結婚」賺取金錢?!
Photo from TVB
# 兩夫婦於2009年結婚!
根據媒體報導,來自哈爾濱嘅53歲Susan曾經有一位任職法官嘅前夫,不過兩人因為性格不和而離婚。後來,佢就遇見比自己少13年來自山東嘅S先生,並於2009年結婚,兩人都已經成為美國公民。
Photo from 微博
# 經濟上遇到困難!
兩夫婦都有賭癮,十分鍾意靠賭去賺取外快。平時Susan就開按摩店,一星期工作3至4日;而S先生就無所事事,大學畢業後就冇工作,靠賭錢為生,生活上嘅開支只要都係由Susan負責。然而,賭錢畢竟係輸多贏少嘅遊戲,佢哋兩人嘅金錢好快就已經入不敷支!
Photo from TVB
Photo from TVB
# 利用「綠卡」賺錢?!
後來,Susan得知同其他人結婚,令對方成功獲取美國「綠卡」就可以賺得$6萬美元(約港幣46.8萬元),所以兩人決定「假離婚」並各自分頭「假結婚」解決佢哋經濟上嘅困難!而Susan就喺網上認識咗來自瀋陽嘅Y小姐,而佢就介紹丈夫與呢位女子進行「假結婚」嘅交易。
Photo from 微博
# Susan親自介紹丈夫與Y小姐認識!
Susan將店舖賣咗,並親自駕車跨省帶丈夫同Y小姐辦理結婚手續。為咗顯得更加逼真,佢仲為兩人辦婚禮,並且將Y小姐改地址同埋將日用品搬入S先生嘅屋企,以防止移民局嘅抽查。完成程序後,Y小姐就分別俾咗2萬及7000美元(約15.6萬和5.4萬港元)俾兩人。之後,Susan就因為要照顧同前夫所生嘅小朋友,只能夠每星期同丈夫見面一次。
Photo from 微博
Photo from 微博
# 丈夫移情別戀 女事主感到後悔!
直到上年年尾,S先生就突然同Susan提出分手,並趕佢出家門!原來S先生同Y小姐喺呢段時間擦出愛火,並且已經同居中。Susan對此感到難以置信,由於佢同丈夫已經結婚十幾年,卻竟然喺短短2個月就發生巨變,而且超後悔咁哭訴「我真的是搬石頭砸自己腳,悔不當初。」,同時向當地入境處告發,但尚未得到任何回應!
Photo from TVB
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)