女護士交友App結識情侶發展「3人戀」!同時擁男友/女友,婚後繼續3人同居

女護士交友App結識情侶發展「3人戀」!同時擁男友/女友,婚後繼續3人同居

時事熱話
By Jennifer on 13 Dec 2021
Digital Editor

26歲女護士Rebecca Bono透過交友App結識醫生Marty Cole,之後再識埋佢未婚妻Natasha,竟然與兩人發展戀情變「3人行」。Marty同Natasha嘅婚禮Rebecca都有出席,更決定婚後繼續3人同居!

26歲女護士Rebecca Bono透過交友App結識醫生Marty Cole,之後再識埋佢未婚妻Natasha,竟然與兩人發展戀情變「3人行」

美國女護士玩交友App認識一對情侶

喺一段關係中如果有第三者多數都會令其中一方傷心,但原來都有例外,美國紐約一位26歲女護士Rebecca因為玩交友App而結識一名男醫生Marty。

美國紐約一位26歲女護士Rebecca因為玩交友App而結識一名男醫生Marty。

不過Marty一早就有女朋友,兩人更已到談婚論嫁階段,Marty亦無隱瞞過呢段關係,Marty同女友Natasha拍拖6年,之後Rebecca亦都認識埋Natasha。

Marty同女友Natasha拍拖6年,之後Rebecca亦都認識埋Natasha。

3人感情越嚟越好,決定穩定交往

本來以為Rebecca同Natasha見面一定係唔愉快,但點知兩人非常投契,經常一齊「約會」,Rebecca同Marty、Natasha走得越嚟越埋,更試過3人發生關係!

Rebecca同Marty、Natasha走得越嚟越埋,更試過3人發生關係!

之後呢段「3人戀」就正式長期發展,Rebecca同Natasha感情變得越嚟越好,唔使返工就會見面、帶狗散步,又一齊下廚,等男友Marty返屋企。

Rebecca同Natasha感情變得越嚟越好,唔使返工就會見面、帶狗散步,又一齊下廚

享受「3人情侶」狀態,Rebecca出席Marty、Natasha婚禮

Rebecca自言喺Marty同Natasha呢對情侶嘅屋企逗留時間亦慢慢變長。但早已訂婚嘅Marty、Natasha終於要結婚,佢哋提出要Rebecca參加婚禮,更認為如果Rebecca在場一定會好難忘。

早已訂婚嘅Marty、Natasha終於要結婚,佢哋提出要Rebecca參加婚禮,更認為如果Rebecca在場一定會好難忘。

其實3人早於2020年就商量過,佢哋都覺得好享受呢段關係,又認為Rebecca已經參與到佢哋嘅生活之中。Rebecca稱喺IG都有好多「3人情侶」,有啲甚至成為家人,佢指佢哋3個都想試下。

3個人都覺得好享受呢段關係,又認為Rebecca已經參與到佢哋嘅生活之中

3人父母都好支持「3人戀」

本來Rebecca考慮到雙方家人都會在場而猶豫緊應唔應該出席Marty同Natasha嘅婚禮,但估唔到兩人嘅屋企人連同Rebecca自己嘅父母都好支持呢段「3人戀」!

估唔到Marty同Natasha嘅屋企人連同Rebecca自己嘅父母都好支持呢段「3人戀」!

Rebecca表示一開始向家人介紹Marty同Natasha為「朋友」,但喺婚禮前夕佢終於坦白佢哋嘅3人關係。Rebecca指媽媽一開始唔明白,後來佢向媽媽解釋Natasha都係佢女友,而佢媽媽亦親身同Natasha相處,了解到對方為人先明白佢哋實際嘅關係。

Rebecca表示一開始向家人介紹Marty同Natasha為「朋友」,但喺婚禮前夕佢終於坦白佢哋嘅3人關係

Rebecca、Marty同Natasha仲有喺IG開設「3人情侶」帳號,分享佢哋3個嘅日常照。Rebecca表示Marty同Natasha都好錫佢,令佢覺得呢段關係好舒服:「呢個係我認為最健康嘅關係」

Rebecca表示Marty同Natasha都好錫佢,令佢覺得呢段關係好舒服

圖片來源:IG @party_of_three_mnr

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

高海寧自爆好難追 拍拖次數少於5次 不介意男友愛第二個「我有我自信 你有誘惑」

9 Jul 2021

高海寧最近就喺由黎芷珊主持嘅訪談節目《單對單》,大談自己嘅愛情經歷同感情觀。訪問期間,佢表示現時嘅佢好享受單身嘅生活,仲話自己並唔介意另一半鍾意第二個?!

高海寧IGPhoto from 高海寧IG

現年34歲嘅高海寧2008年參選香港小姐而入行,曾有份拍攝多部電視劇,仲喺2019年入圍《 萬千星輝頒獎典禮》「最佳女主角」一獎,演技備受肯定!日前,佢就獲邀上黎芷珊嘅訪談節目《單對單》,分享感情經歷同埋愛情觀。

TVB 娛樂新聞台Photo from TVB 娛樂新聞台

平時就已經好識享受生活嘅高海寧,經常都會做瑜珈、整蛋糕等,從而令自己減壓。佢表示自己非常珍惜同享受一個人嘅MeTime,認為「單身冇乜大不了,反而可以睇清楚自己個心,想要啲乜,再遇到更好嘅人」,非常豁達!

高海寧IGPhoto from 高海寧IG

高海寧IGPhoto from 高海寧IG

當提及愛情觀嘅時候,高海寧就認為而家嘅諗法已經同以前唔同咗。以前嘅佢比較被動謹慎,唔會胡亂開始發展一段關係,因此直到而家拍拖嘅次數都唔多過5次,而最長嘅一次仲足足拍咗8年咁耐!而家嘅佢會變得比較積極,「年紀大咗好難好純粹去鍾意一個人,所以覺得遇到嘅時候唔可以錯過!」

高海寧IGPhoto from 高海寧IG

高海寧直言自己好鍾意小朋友,雖然佢暫時並冇任何計畫,不過就覺得生小朋友「自己一個完成都OK㗎」!另外,佢亦話自己應該屬於「難追」嘅對象,因為佢並唔會被任何物質嘅嘢打動到。

高海寧IGPhoto from 高海寧IG

佢仲分享咗自己獨特嘅感情觀,話並唔介意另一半愛上第二個:「你覺得佢好過我,It’s OK!我有我自信,你有誘惑、我冇咩?但我會選擇同你一齊,係因為我覺得你重要過其他人。」,睇嚟愛情真係使人盲目~

高海寧IGPhoto from 高海寧IG

高海寧自入行以來,緋聞並唔算多。2015年嘅時候,就傳出同音樂才子鄧智偉拍拖,緋聞傳咗足足5年咁多。直到上年,鄧智偉被爆出偷食失婚少婦後,承認同高海寧曾經係戀人關係,仲話兩人已經分手!

高海寧IGPhoto from 高海寧IG

鄧智偉IGPhoto from 鄧智偉IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel