節目實測「房間內獨處72小時」 ！ 實驗失敗告終！孤獨感會令身體出現警號？！
「一個人原來都可以盡興～」現時有唔少宅男宅女都好享受自己一個人獨處嘅時光，但如果要大家一個人留喺房間內長達72小時，大家又做唔做到呢？！台灣綜藝節目就曾經做過實測，邀請藝人喺房間內獨處72小時，期間該藝人仲竟然一度出現頭暈、幻聽等現象！
Photo from 《綜藝大熱門》
# 台灣節目實測「獨處72小時」！
現時唔少人都好強調要擁有自己嘅Me Time，唔知大家又鍾唔鍾意獨自一人嘅時光呢？！由陳漢典、LuLu以及吳宗憲所主持嘅台灣節目《綜藝大熱門》就做咗一個實測，要求藝人獨自一個喺房間內獨處72小時，而實驗過程就令唔少網民感到非常驚訝！
Photo from 《綜藝大熱門》
# 只能帶3個必需品，不得與他人交流！
喺呢個72小時嘅獨處實測裡，參加實驗嘅藝人們只可以帶3樣必需品（3C電子用品除外）入房間內，並且不得與其他人有任何交談，而房間內就僅有一張床以及一盞燈。雖然節目組會定時為佢哋送飯，但都只係擺低就會立刻離開。
Photo from 《綜藝大熱門》
Photo from 《綜藝大熱門》
# 實驗初期並冇大礙！
參加實測嘅女藝人LaLa蘇心寗就攞咗洗澡用品、2本書以及地圖呢3樣嘢，並對於自己獨處72小時呢個測驗似乎非常有信心！初時，佢亦表現得非常輕鬆自在，喺床上面睇書寫日記等，好快就安然咁渡過咗一日～
Photo from 《綜藝大熱門》
Photo from 《綜藝大熱門》
# 實測第2日孤獨感開始來襲！
但到咗實驗嘅第2日，LaLa精神狀態開始出現少少異常，經常自言自語並且流淚，覺得非常孤單；仲一度嘗試向送飯嘅工作人員大喊「好辛苦啊！找人陪我聊天，我一直做惡夢！」。隨後，佢就突然喺房間內大聲唱歌跳舞，令主持人都覺得非常驚人！
Photo from 《綜藝大熱門》
Photo from 《綜藝大熱門》
# 身體開始出現不適，最終實驗失敗！
當實驗進行到46小時嘅時候，LaLa嘅身體就開始感到不適，出現頭痛、乾嘔等現象。最終，佢選擇放棄任務，而實驗就失敗吿吹！
Photo from 《綜藝大熱門》
Photo from 《綜藝大熱門》
# 疑似有後遺症狀？！
LaLa事後喺節目表示，實驗第2日自己嘅狀態好似已經不能受控咁，一開始身體並冇任何不適，但之後就慢慢開始自言自語，仲出現幻聽「整個人都變得很負面」！實驗後，佢仲好似有後遺症「不能自己一個搭電梯！」，疑似出現幽閉空間恐懼症嘅症狀！
Photo from 《綜藝大熱門》
Photo from 《綜藝大熱門》
Photo from 《綜藝大熱門》
# 學家：長期獨處會影響身體健康！
根據心理學家嘅分析，長期嘅孤獨感會令人患上癌症、心臟病、中風等嘅風險提升2至3倍，並減少6年壽命。心理學家揚言「孤獨感會直接影響到人類健康！」，提醒大家要適當與其他人有交流！
Photo from 《綜藝大熱門》
Photo from 《綜藝大熱門》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男大呻「拍拖愈拍愈孤獨」女友太癡家+無物慾 男方：係咪應分手？
3 Nov , 2021
Photo from 香港愛情故事
港男有拖拍，卻愈拍愈孤獨？！
近日，一名港男到連登討論區以「拍拖愈拍愈孤獨」為題發文，表示自己伴侶唔喜歡多人擠迫·環境，放假只愛留在家中過住家生活。而且，雖然伴侶經濟無問題，卻無咩食慾與物慾，令佢哋嘅拍拖生活無咩樂趣。
Photo from 香港愛情故事
男事主又解釋，二人開始交往時正值疫情，所以過住「宅在家」嘅生活並無大礙，但當二人日程回復正常後，就變成只有星期六下午4/5點先開始見面，然後一起進行健身或睇書，再買餸煮飯過夜。到星期日，二人睡到好晚起身，食完嘢就講bye bye。事主對此感到鬱悶，佢表示自己想拍拖時可離開屋企及附近環境。
Photo from 香港愛情故事
女友太癡家+太怕迫，港男唯有搵其他朋友玩
有網民問事主：「你叫佢一齊出街佢都唔肯咩？」事主就話，佢伴侶唔會直接反對，但就無乜反應，而事主都認為逼佢做唔喜歡嘅嘢係無意思，故此作罷。佢又稱，女友搭車感到擠逼會發脾氣，等車等6分鐘又會呻以前唔洗等咁耐。
Photo from 香港愛情故事
港男呻似過緊老人生活，但都有好處
事主續埋怨，平日上班，只有週末才有時間出街，但已經驚咗女友，所以唯有轉搵朋友嚟參與消遣活動。雖然事主有向過女友反映：「我廿幾歲未想過呢啲老人生活住。」但情況始終未有改善。
Photo from 原諒他77次
不過，女友鐘情住家生活都有好處。事主表示兩人有試過同住，大家無乜拗撬，而且分工妥當，「佢煮飯我洗碗，佢換床單我洗衫咁囉。」
Photo from 志明與春嬌
Photo from 連登討論區
廿中危機：追求安全感 > 熱戀感？
故此，事主感歎自己並不是唔愛女友，但覺得硬係爭啲嘢。另一方面，佢同女友一起時會感到安全，所以佢反思年紀大咗，係咪應該追求安全感多過熱戀感覺，佢又形容自己好似經歷緊「mid 20s crisis（廿中危機）」。
Photo from 連登討論區
感建分！網民普遍建議分手
對此，有網民見事主拍拖拍到咁鬱悶，不禁問道：「拍得唔開心拍嚟做乜？」事主則回應指，反正所有感情到最後都會變淡，而女友係好人一名，亦無犯錯。
Photo from 連登討論區
但有網民直指：「感情唔係好人就可以繼續維繫。」亦有人認為事主只會浪費女友時間，認為佢應該放手。
Photo from 連登討論區
Photo from 連登討論區
另有網民認為事主與女友唔夾，雙方追求嘅嘢有別，建議先嘗試磨合，都唔得嘅話就應該分手。而另一留言都指覺得事主與女友零感情，同樣建議分手，留言都獲不少正評。
Photo from 連登討論區
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
