王力宏承認離婚結束8年婚姻! 婆媳關係成主因!2位天后級女友都遭反對?

By Stephanie on 15 Dec 2021

Digital Content Writer

台灣歌王王力宏最近傳出與結婚8年嘅老婆李靚蕾離婚，引發網民熱議！有傳，兩人婚變嘅主因係因為婆媳關係，而且早於兩人結婚前，王媽媽就已經唔太滿意媳婦，而王力宏亦於FB承認傳聞！

Photo from 王力宏IG

# 王力宏2013年結婚！

台灣歌手王力宏於2013年突然宣佈與圈外人李靚蕾結婚，當時震驚唔少網民！事關，王力宏入行以來同鋼琴家李雲迪嘅緋聞最為人熟悉，唔少人都因此懷疑佢嘅性向；亦有網民認為結婚可能都只係煙幕，實際上佢依然同李雲迪一齊？！呢個傳聞傳得沸沸揚揚，直到李雲迪被爆出桃色交易風波先暫吿一段落～

Photo from 王力宏IG

# 王力宏承認離婚傳聞！

王力宏同老婆李靚蕾婚後感情甜蜜，誕下2個女兒及1個兒子，一家五口非常幸福！不過，今日卻突然傳出兩人婚變嘅消息，又再一次令唔少網民感到驚訝。隨後，王力宏就於FB承認婚變消息「在這些年的婚姻當中我做的不足的地方太多了，也感到很遺憾。現在我們對未來的生活方式有不一樣的想法和規劃所以決定分開生活。」，表示依然視對方為家人！

Photo from 王力宏FB

Photo from 王力宏IG

# 婆媳關係差引致婚變？！

據當地傳媒報導，兩人已經喺11月尾嘅時候辦妥所有離婚手續，正式為佢哋8年嘅婚姻畫上句號！有傳婆媳關係就係導致兩人關係決裂嘅最大因素，據聞王媽媽喺佢哋結婚前就已經唔鍾意李靚蕾，而結婚後李靚蕾亦多次萌生離婚念頭，但卻依然為對方生下3位小朋友，並拖到而家先決定離婚。

Photo from 王力宏IG

# IG已經暴露感情生變？

其實今次並非王力宏兩夫婦第一次傳出婚變，早於今年6月就有傳媒報導過佢哋兩人感情生變，不過當時王力宏就立刻出面否認！兩人過往經常於社交媒體上公開放閃，不過近來卻好少上載合照，而且做開「跟得夫人」嘅李靚蕾亦冇陪伴老公去美國出差。

Photo from 王力宏IG

# 王媽媽對兒子伴侶要求高！

據悉，王媽媽一直都對兒子王力宏嘅伴侶有好高嘅要求，而王力宏過往嘅4位對象都喺天后級嘅女星，包括有金馬影后舒淇、湯唯、台灣樂壇天后張惠妹（阿妹）、蕭亞軒等！但王媽媽就非常重視學歷，然而舒淇因為高中未畢業、阿妹就於專科學院畢業等，而不獲王媽媽認可，極力反對兒子嘅戀情！

Photo from 舒淇微博

Photo from 張惠妹IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王力宏哥哥係醫學博士/吳偉豪大哥係消防隊長　位位都勁猛料！盤點 7 位藝人兄弟姊妹職業

28 May , 2021

繼早前陳瀅曝光咗家姐 ling 後，近日台灣歌王王力宏就喺網上上傳咗哥哥王力德做科研的照片恭喜對方得到加州政府重要撥款作科學研究能拯救更多的腦瘤病童，因而曝光其猛料背景！而喺娛圈中除咗王力宏嘅哥哥被稱為「神一般的存在」外，仲有唔少藝人的兄弟姊妹嘅職業都好勁㗎！

Photo from wangleehom/IG

王力宏哥哥：王力德

唔少人都知王力宏身為圈中學霸，先後擁有威廉士學院（Williams College）學士、伯克利音樂學院（Berklee College of Music）碩士。喺 2016 年，佢更再獲得依兩間學校所頒發嘅榮譽博士。

Photo from 王力宏/weibo

但佢就曾指自己係家中最弱嘅，因為佢奶奶許留芬係早期知名嘅清華人，曾出版《會計學原理》等書籍，舅公就係中研院院士許倬雲，爸爸王大中就係台灣大學醫學系畢業嘅醫生；母親則係政治大學高材生，而其細佬及弟媳就係麻省理工碩士，真係全家都係勁人嚟呀！

Photo from wangleehom/IG

而今次王力宏上傳嘅相中，其哥哥王力德就係耶魯大學醫學博士，係兒科血液學家兼腫瘤學家嚟。王力德從事研究和治療工作嘅地方正正就係被美國授予國家癌症研究所最高榮譽——綜合癌症中心「希望之城」，更被評為「美國最好的癌症醫院之一」。

Photo from 王力宏/weibo

麥明詩哥哥：麥明山

Photo from louisa_mak/IG

會考十優嘅麥明詩係圈中出名嘅學霸，畢業於英國劍橋大學法律系，早前更成功考獲美國執業律師牌！而比麥明詩大三歲嘅哥哥麥明山（Vincent）2013 年喺香港中文大學醫學院畢業，現時係一名醫生。

Photo from louisa_mak/IG

陳瀅家姐：Ling

Photo from missjni/IG

陳瀅（Jeannie）早前返加拿大時就 post 出同家姐 Ling 嘅合照，相中嘅 Ling 同樣眼大大、鼻高高之外，仲有比陳瑩多咗份混血兒嘅感覺，當時唔少網民仲大讚佢哋兩姊妹同樣係靚女嚟！而 Ling 現時係一名會計師嚟，2013 年時已正式成為人妻，並喺 2019 年誕下仔仔Nathan，而佢不時仲會喺其 IG 上載溫馨家庭照同旅行度假嘅靚相。