嘉發麵包小食|最強爆餡厚底格仔餅 不敵加租結業!街坊熱捧鹹蛋黃雞蛋仔|元朗美食

嘉發麵包小食|最強爆餡厚底格仔餅 不敵加租結業!街坊熱捧鹹蛋黃雞蛋仔|元朗美食

美食推介
By Monie Lau on 10 Mar 2021
Reporter/ Anchor

元朗區一向多美食小店,「嘉發麵包小食」主打格仔餅雞蛋仔,開店已經有10多年,以大件夾抵食的小食作招徠,成為區內街坊人氣小店。最近老闆宣布因不敵租金,即將結業,不少由細食到大的街坊前往捧場!

元朗嘉發麵包小食

元朗嘉發麵包小食以格仔餅、雞蛋仔為招牌小食,從2009年起,於康樂路轉角位開業十多年,吸引不少街坊和學生哥幫襯;嘉發美食相當多元化,售賣各款港式小食,除了招牌格仔餅和雞蛋仔,魚蛋、燒賣、腸粉、鮮榨果汁都有齊!

元朗嘉發麵包小食以格仔餅、雞蛋仔為招牌小食。Photo from PressLogic

嘉發最受街坊歡迎必定是格仔餅,特別分為加厚及脆薄版,喜歡有口感的你可以一嚐加厚版,外脆內煙韌,每啖充滿濃郁蛋香,有齊花生醬、砂糖及煉奶,老闆娘落手「兇狠」,誓要做到爆餡效果!

嘉發最受街坊歡迎是格仔餅,特別分為加厚及脆薄版。Photo from PressLogic

加厚版外脆內煙韌,每一口都充滿濃郁蛋香!Photo from PressLogic

老闆誓要做到爆餡效果!Photo from PressLogic

脆薄版餅底極鬆脆,塗上厚厚朱古力醬及花生碎,口感卜卜脆,別有一番風味,記者建議脆薄版要即買即食,否則會變腍!如果要外賣回家,老闆建議用焗爐或氣炸鍋加熱,只要用200度焗3分鐘即可脆口!

脆簿版餅底極鬆脆。Photo from PressLogic

此外雞蛋仔亦有多款口味,街坊推介最傳統原味,雞蛋仔粉漿自家調製,烘完以風筒吹乾冷卻,因此外皮可以保持脆口,內裏帶濕潤,原汁原味更能食得出蛋香。

廣告
廣告

街坊推介最傳統的原味,雞蛋仔粉漿自家調製。Photo from PressLogic

老闆則推介黃金雞蛋仔,特別用上自家製的鹹蛋黃碎及芝士,食落多了一陣鹹香!

老闆則推介黃金雞蛋仔。Photo from PressLogic

今年4月將結業

嘉發麵包小食與其他小店一樣,捱不過加租,經營逾10年的舖位終將要結業,雖然嘉發於開心廣場亦有由老闆哥哥經營的分店,而老闆亦有意重開,但暫時未找到適合的舖位,所以想一嚐老闆手藝的街坊,要把握時間!

嘉發麵包小食與其他小店一樣,捱不過加租,經營了10年的舖位終將要結業。Photo from PressLogic

嘉發麵包小食
地址:元朗康樂路8號康樂廣場1號舖
電話:從缺
營業時間:星期一至日 9:00am-8:00pm

鴻發小食
地址:元朗青山公路129-131號朗輝中心地下B舖
電話:從缺
營業時間:星期一至日 9:00am-8:00pm

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel