港男誤打誤撞愛上表姨？！擔心家人反對及越界！網民：係4等親就冇事！
Photo from TVB
# 表姨年紀與港男相若！
親戚之間守望相助，感情難免會比其他人更加深。日前，有位港男就喺指自己好似愛上咗表姨，由於長輩們嘅結婚年齡都比較早，所以表姨嘅年紀就同佢差唔多！
Photo from TVB
# 小時候一直稱呼對方為「表妹」！
港男表示小時候家人們住埋喺同一區，所以經常都會見面。當時一齊玩嘅小朋友中，就有一位比佢細幾個月嘅女仔，所以佢就一直都以「表妹」稱呼對方，兩人亦因此而特別投契！到8歲嗰年，港男一家就搬走咗，而「表妹」後來亦搬離該地區，所以兩人斷聯咗好一段日子。
Photo from TVB
# 經婆婆糾正後，先知道對方係表姨！
直到港男媽咪嗰邊（表舅父個仔結婚），兩人竟然因此而重遇！當下港男仲激動到立刻直呼「表妹」個名，但就立刻被婆婆話，並澄清該女生其實係港男嘅表姨，令佢非常驚訝！
Photo from TVB
Photo from TVB
# 兩人不時單獨外出！
港男就話難得遇返表姨，兩人都有保持聯絡，每個月都會去姨婆屋企食飯，打聽到表姨冇男友，近呢半年仲開始會約表姨單獨出街。然而，港男卻發現自己好似鍾意咗表姨，並害怕會因此而觸及道德底線！
Photo from TVB
# 港男承認鍾意表姨，但知道家人一定反對！
另一方面，港男亦表示難以向媽媽坦承「我鐘意咗你表妹啊！」，而且都好肯定家人們一定會反對佢哋兩人拍拖！而佢自己就算過同表姨應該算係4等親，加上佢冇任何戀愛經驗，想詢問網民究竟佢哋兩人之間係咪完全冇可能發展成情侶？！
Photo from TVB
# 網民為港男計算，認為佢哋係5等親！
有網民就幫港男計算輩份圖，認為佢同表姨應該係5等親，所以理應係可以接受嘅；亦有網民支持港男，覺得現今年代若果佢哋係兩情相悅就無需理會家人目光！
Photo from 連登討論區
Photo from TVB
# 網民指現時要先釐清表姨嘅心意！
不過有網民就講出咗重點，認為現時最重要嘅係確定表姨係咪對港男有好感，「溝到先算啦！」、「會唔會係因為親戚一場先肯同你出街？」等留言！否則一切都港男到頭來都只係白擔心一場！
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男被女家邀婚後搬入同住 男家怕無面勁反對 網民意見分2派！
19 Nov , 2021
女生婚後搬入男家頗為常見，但性別調轉又會點？最近，一名網民到討論區發文，表示親哥打算結婚，其女友家人因不想女兒搬太遠，便建議男方婚後搬入跟佢地同住。該網民與父母都認為咁「好無面」，帖文引嚟熱議，網民意見都分裂成：食軟飯無尊嚴vs夫妻無所謂就得。
Photo from 《愛回家開心速遞》劇照
網民呻哥哥婚後可能入住女家好無面
近日，一名網民（下稱樓主）到香港討論區發文，表示自己哥哥與家境不俗嘅女友打算結婚。由於女方家人唔想女兒婚後住所與原家相距太遠，亦想女兒居住環境保持一定水準，故建議樓主哥哥搬進女家同住。
Photo from 《愛的迫降》 劇照
哥哥認為住女家有好處
咁哥哥同家人點諗？其實哥哥本身打算婚後與伴侶出外租樓自住，再抽居屋；除此，哥哥同其家人都接受女方搬入男家，佢哋屋企亦有房間可用。不過，哥哥同時唔介意「搬入女家」嘅做法，因為可以省卻租金儲多啲錢。
Photo from 《bb來了》劇照
哥哥家人強烈反對
雖然哥哥接納女家建議，但哥哥嘅家人就唔係咁諗。樓主同父母都認為婚後要住妻子娘家嘅男人必定會被人看不起，而且男家有空間讓女方住，樓主擔心哥哥住女方家即如食軟飯般無面，情況就好似「男人好無用先要靠老婆屋企」。
Photo from 《香港愛情故事》劇照
袁偉豪躺著也中槍？！
樓主更攞袁偉豪做例子，坦言：「你睇下袁偉豪結婚之後都成日比人話佢靠女方（張寶兒）屋企，呢個社會好現實...」
Photo from 張寶兒 IG
網民：夫妻有共識就得vs被人講好無面
對此，有一派網民認為最緊要夫妻間有共識，女家不介意嘅話，大家唔好理會閒言閒語就得，亦有網民認為如果搬入女家代表每月包伙食，有人分擔家務同時儲更多錢，咁有個地方落腳比被人講閒話更重要。
Photo from 香港討論區
另有網民羨慕哥哥搵到有錢女伴侶，直指樓主父母太要面：「嫁比有錢女人生贏家啦！又唔洗比家用又有豪宅住，你父母無本事又要面」、「尊嚴唔可以當飯食」。
Photo from 香港討論區
不過，亦有不少網民反對搬入女家做法，並直指咁樣等於食軟飯，唔係「真男人」所為，又認為寄人籬下就不得不低頭，要有心理準備會被人指指點點，「要完全唔理人點講，做落唔係咁易。」
Photo from 香港討論區
另外，有網民認為暫住女家，先儲錢遲啲買樓都可以，但如果長住就唔建議。
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
