仨心友行2|黎諾懿自認唔紅「奧運六星中包尾」曾住劏房現住豪宅 做綜藝主持屢獲肯定!

仨心友行2|黎諾懿自認唔紅「奧運六星中包尾」曾住劏房現住豪宅 做綜藝主持屢獲肯定!

娛樂新聞
By Cheryl on 12 Jan 2022
Digital Editor

TVB旅遊節目《仨心友行2》由黎諾懿監製,日前播出嘅新一集裡,佢同王君馨、龔嘉欣及姚子羚進行「真心話」遊戲,被問到「覺得自己呢家紅唔紅」,黎諾懿都自認為不紅,更表示知道外界一直指佢係「奧運六星」中包尾嗰個!

黎諾懿在《仨心友行2》自認唔紅,但其實佢事業非常平穩,做綜藝主持都兩次獲肯定
Photo from 黎諾懿 FB

黎諾懿自認唔紅

《仨心友行2》最新一集裡,四位主持黎諾懿、王君馨、龔嘉欣及姚子羚大玩真心話遊戲。對於「覺得自己紅唔紅嘅問題」,黎諾懿直認自己唔紅,「因為一直以嚟我都覺得自己係叫做浮浮沉沉嘅,啲人成日搵我哋『奧運六星』相比,啲人成日話六個入面我係包尾嗰個,行得最慢嗰個嚟嘅,即係我硬係覺得就算喺邊度,喺公司都好,你好似有機會咁,但係硬係覺得係爭咁啲嘢囉。」

黎諾懿知道外界不少人將「奧運六星」互相比較
Photo from 《仨心友行2》

而黎諾懿經常被指係包尾嗰個
Photo from 《仨心友行2》

睇返黎諾懿過往作品,佢出道一年後已擔正劇集《當四葉草碰上劍尖時》,2004年更獲TVB力捧,與林峯、吳卓羲、馬國明、黃宗澤及陳鍵鋒組成「奧運六星」,各人都分別有劇集和廣告出街,但黎諾懿卻是六人中發展最慢的一位,之後更被調到兒童組令佢心灰意冷。

 黎諾懿擔正《當四葉草碰上劍尖時》男主角
Photo from 《當四葉草碰上劍尖時》

奧運六星
Photo from TVB

低潮期曾搬入劏房

在2006年拍攝《溏心風暴》係黎諾懿最窮時期,唔夠錢交租嘅佢需要搬入紅磡區 180呎劏房,一日三餐都要捱麵包。雖然之後幾年有繼續參演劇集及電影,但都未能引起關注度。直至2011年,黎諾懿北上參加由湖南衛視主辦嘅《舞動奇蹟》第三季比賽,當中佢同內地演員金晨合作奪得冠軍,從而令事業開始有起色。

黎諾懿曾到內地參加《舞動奇蹟》比賽奪冠
Photo from 優酷

演《愛·回家》馬壯一角成功入屋

到了2012年,黎諾懿有份參演第一輯《愛·回家》,飾演馬壯一角收穫不少人氣,並在2015年繼續參演第二輯,成功入屋。之後亦有份拍攝劇集《不懂撒嬌的女人》、《溏心風暴3》等,到2018年同李佳芯合作,在《BB來了》中飾演新手父母獲得好評。

 黎諾懿在《愛·回家》中飾演馬壯一角成功入屋
Photo from 《愛·回家》

做綜藝節目主持獲認可

做慣演員嘅黎諾懿在近年亦擔任不少綜藝節目嘅主持,當中佢主持嘅《懿想得到》更在《萬千星輝頒獎典禮2019》獲頒「最佳非戲劇節目」;在2020年與陳敏之一起主持嘅《今晚請客》更獲頒「最佳非戲劇節目」。除咗做主持,黎諾懿亦在《仨心友行2》中首次擔任監製,發展都幾多元。

黎諾懿做綜藝節目主持備受肯定
Photo from 黎諾懿 LokYi Fans Page @ Facebook

黎諾懿主持《今晚有請》獲不少好評
Photo from 黎諾懿 FB

廣告
廣告

與太太李潔瑩生活幸福

事業發展平穩嘅黎諾懿於2014年與身家豐厚嘅落選港姐李潔瑩結婚,當時黎諾懿被指「食軟飯」,但都無阻夫婦倆繼續恩愛,女方更先後誕下兩子,現住何文田複式豪宅,有落地大玻璃飽覽維港,仲有超大露台,一家四口生活幸福。

與李潔瑩婚後育有兩子
Photo from 黎諾懿 FB

黎諾懿一家住空間闊落豪宅
Photo from 黎諾懿 FB

「奧運六星」其餘5子近況

林峯在2014年離巢TVB,加入英皇娛樂直至2017年不續約離開,更返過TVB拍《使徒行者3》。近年佢參演不少內地戲劇獲不少內地粉絲支持。林峯在2019年宣布與張馨月結婚,二人育有一女。佢在去年加盟華納,推出了廣東歌《唱情歌的人》,惟被指宣傳不足,未能帶起熱度。

林峯近年參演不少內地劇集,亦有推出廣東歌
Photo from 林峯 微博

黃宗澤曾措辭入圍TVB最佳男主角,但都未能獲獎。佢在2017年約滿離開TVB,加盟邵氏兄弟,佢近年有投資蠔吧餐廳,並在近期疫情下為餐廳推出$38平民價早餐。

黃宗澤參演戲劇作品同時開餐廳投資
Photo from 黃宗澤 微博

吳卓羲2015年離巢TVB,其後北上拍內地劇頗受歡迎。有指佢在2013年購入深井碧堤半島1,200呎單位,現已升值至超過1,700多萬港元。有車有樓嘅吳卓羲亦愛投資名錶,身家與生活都相當不錯。

吳卓羲持續買好物投資,亦有出鏡拍劇
Photo from 吳卓羲 微博

陳鍵鋒在2010年約滿離開TVB,轉戰內地市場,有參演過《封神英雄榜》等劇集,人氣不俗,但近年受腦血管遺傳病影響,決定淡出娛樂圈,轉行做潛水教練,但去年傳出其學員遇溺不治消息,佢減少更新社交平台半年後現身,同為昔日TVB節目《K-100》主持嘅王賢誌po出同佢嘅合照,睇落有點發福但精神不錯。

王賢誌最近曬出與陳鍵鋒合照
Photo from 王賢誌 微博

馬國明出演過好多劇集成功入屋,到2019年終於憑《白色強人》勇奪視帝,亦係「奧運六星」中唯一一位攞到視帝嘅人。佢同湯洛雯於2020年公開情侶關係,並不時在社交網曬恩愛,相當甜蜜。

馬國明係「奧運六子」裡唯一奪視帝嘅藝人
Photo from 馬國明 FB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Facebook Videos
我們的 Facebook 影片
You may also like
你可能也喜歡
森美稱豬肉男神阿威「豬肉佬」被轟!網民反應兩極,粉絲:稱呼唔尊重
森美稱豬肉男神阿威「豬肉佬」被轟!網民反應兩極,粉絲:稱呼唔尊重
a day ago
言承旭凍齡21年完美還原道明寺,《流星花園》演員現況
言承旭凍齡21年完美還原道明寺,《流星花園》演員現況
a day ago
璀璨帝國2|億萬千金被指靠大肚趕走正印 被當場對質好尷尬?正印IG直斥勾佬行為
璀璨帝國2|億萬千金被指靠大肚趕走正印 被當場對質好尷尬?正印IG直斥勾佬行為
a day ago
漫威影集《She-Hulk》首預告7大重點!艾美獎視后變身女版變形俠醫!漫威宇宙最忙嘅男人又有份?
漫威影集《She-Hulk》首預告7大重點!艾美獎視后變身女版變形俠醫!漫威宇宙最忙嘅男人又有份?
2 days ago
港男斷正內地妻偷食嬲爆拍片!結局反轉老公道歉?「還不到錢我都好內疚」
港男斷正內地妻偷食嬲爆拍片!結局反轉老公道歉?「還不到錢我都好內疚」
2 days ago
《披荊斬棘的哥哥》宣布開拍第二季 張智霖表示將有全新賽制!原班人馬將回歸《大灣仔的夜2》
《披荊斬棘的哥哥》宣布開拍第二季 張智霖表示將有全新賽制!原班人馬將回歸《大灣仔的夜2》
3 days ago
Hottest Articles
最熱文章
港男斷正內地妻偷食嬲爆拍片!結局反轉老公道歉?「還不到錢我都好內疚」
港男斷正內地妻偷食嬲爆拍片!結局反轉老公道歉?「還不到錢我都好內疚」
2 days ago
人妻發現丈夫智商低於常人!交往8年懵然不知!發現IQ 並不影響夫妻和諧?!
人妻發現丈夫智商低於常人!交往8年懵然不知!發現IQ 並不影響夫妻和諧?!
2 days ago
【尋人記2】方東昇獲投訴王安仔主動聯絡!特首辦專人跟進安仔訴求
【尋人記2】方東昇獲投訴王安仔主動聯絡!特首辦專人跟進安仔訴求
2 days ago
傳李冰冰已決定「不結婚不生子」,將10億身家留給外甥!上年宣佈結束4年姐弟戀!曾與台灣F4成員傳緋聞?
傳李冰冰已決定「不結婚不生子」,將10億身家留給外甥!上年宣佈結束4年姐弟戀!曾與台灣F4成員傳緋聞?
3 days ago
森美稱豬肉男神阿威「豬肉佬」被轟!網民反應兩極,粉絲:稱呼唔尊重
森美稱豬肉男神阿威「豬肉佬」被轟!網民反應兩極,粉絲:稱呼唔尊重
a day ago
「上班會令顏值下降」掀熱議!網民晒入職前後對比圖 外貌身形現巨變!
「上班會令顏值下降」掀熱議!網民晒入職前後對比圖 外貌身形現巨變!
2 days ago