Airbnb推免費意大利住宿計劃 住西西里島3層屋 包語言、烹飪課+連機票

想飛嘅人注意喇！Airbnb推出最新「1歐元房屋計劃」，邀請有興趣參加者免費到意大利西西里島村莊，入住當地一間經過全面修復嘅旅居，並於1年嘅入住期間協助推動當地復興、及參與出租事務等，仲包機票同免租金住宿！以下即睇申請詳情啦！

Photo from Airbnb

Airbnb邀請你入住西西里島「最美村莊」

Airbnb過往推出過不少免費住宿企劃，讓世界各地嘅人民有機會到不同國度體驗生活，同時維持遠端工作，推動彈性嘅生活模式。今次，Airbnb嘅「1歐元房屋」計劃邀請指定國家嘅人士免費到意大利西西里島，入住當地桑布卡（Sambuca）嘅一間超靚排屋，香港有興趣人士都可以申請㗎！

Photo from Airbnb

Photo from Airbnb

入住時尚舒適3層排屋

桑布卡曾被譽為「意大利最美村莊」，人口只有約6千人，被選中嘅參加者將入住當地一間3層高嘅翻新排屋，屋內有設計與時尚感濃厚嘅客廳、廚房、主人房、浴室、工作空間等。

Photo from Airbnb

Photo from Airbnb

Photo from Airbnb

獲選參加者可以帶同一名成人親人或朋友，及兩名兒童入住。排屋最多可容納6人，包括參加者本人、同行嘅1名成人和2名兒童（即其家人），以及最多2名Airbnb旅人。

Photo from Airbnb

做住客同時做房東

參加者入住期間將可參與多項融入活動，例如免費上1個月意大利文課程、4堂烹飪課程等。計劃需要參加者為桑布卡當地社群出一分力，所以除了住在當地，亦需要成為房東接待來自世界各地嘅旅人，條件係最少要在排屋內出租私人房間至少9個月。參加者入住排屋後可率先挑選自己嘅睡房，再將其他睡房租出去。

Photo from Airbnb

除咗免費住宿，Airbnb仲包埋機票，及機場接送服務。但參加者需負擔出租和招待客人嘅成本，例如任何與人事、消耗品、清潔服務及水電煤合約有關成本，以及維修旅居嘅日常及特殊費用等。

Photo from Airbnb

Photo from Airbnb

申請資格

參加者必需年滿18歲，能夠用英文溝通，並可於2022年6月30日前搬到當地，在當地逗留至少3個月及在Airbnb出租屋內出租私人房間至少9個月。

指定國家/地區居民：阿根廷、奧地利、澳洲、比利時、加拿大（不包括魁北克省）、智利、中國大陸、丹麥、法國、德國、香港、愛爾蘭、印度、意大利、日本、馬來西亞、墨西哥、荷蘭、新西蘭、挪威、菲律賓、葡萄牙、新加坡、南非、南韓、西班牙、瑞典、瑞士、台灣、泰國、英國或美國

Photo from Airbnb

有興趣到意大利體驗生活、參與當地社群活動嘅朋友可以進入>>>Airbnb官網<<<查看詳情及填寫申請表格！每人最多可申請一次~

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）