張致恒老婆雯雯宣佈離婚!細數男方入行後10段情!有5段都係因為偷食而結束?

張致恒老婆雯雯宣佈離婚!細數男方入行後10段情!有5段都係因為偷食而結束?

娛樂新聞
By Stephanie on 28 Jan 2022
Digital Content Writer

張致恒(Steven)同老婆區燕雯(雯雯)奉子成婚,並育有兩名兒子。日前,雯雯就突然單方面於IG宣佈離婚消息,令唔少網民都大吃一驚!而過往張致恒情史十分多姿多彩,而分手收場嘅原因都係因為第三者?!

張致恒老婆雯雯突然宣佈離婚消息,令網民非常驚訝!
Photo from 張致恒IG

# 張致恒形象插水,北上工作養家!

現年37歲嘅張致恒(Steven)喺2019年同區燕雯(雯雯)結婚,並育有兩名兒子;但佢就被爆欠錢唔還,導致形象插水!而佢為向大家證明已經改過自新,就北上工作落力賺奶粉錢,一家四口長期分隔兩地。不過最近,張致恒似乎就返咗香港,仲大晒同仔仔出外遊玩嘅片段,十分溫馨~

張致恒自從被爆感情生活混亂後,形象大跌!
Photo from 張致恒IG

而佢為咗搵錢養家就北上工作,仲話要向大家證明已經痛改前非!
Photo from 張致恒IG

# 雯雯突然單方面宣佈已離婚!

但正當大家以為佢哋一家人終於可以團聚時,雯雯就突然喺IG宣佈離婚消息:「今天我們正式離婚了!我也真心祝福你能夠幸福」,婚姻只係維持咗唔夠3年,令網民十分驚訝!而張致恒一方暫時尚未作出任何回應。

雯雯突然宣佈與張致恒離婚消息!
Photo from 雯雯IG

# 張致恒過往感情史超多!

天生比較多情嘅張致恒感情經歷一直都好豐富,由於佢係香港荷蘭混血兒,所以五官非常深邃,亦因此而擁有好強嘅異性緣,可以話係完全唔缺乏桃花運!不過佢每一次嘅感情都似乎係因為偷食而導致分手收場,有網民就猜測莫非佢今次都係「 死性不改」?!張致恒曾於節目自爆17歲失去處子之身;而當時嘅初戀對象係一位16歲嘅模特兒;仲話自己試過一腳踏三船!

張致恒感情史非常豐富,佢就曾經大晒一腳踏三船嘅往績!
Photo from 張致恒IG

2001年:黃榕

Steven 尚未以男子組合BOYZ出道前,就擔任模特兒,而佢當時就與同公司嘅黃榕發展戀情!但女方就曾經大爆兩人拍拖半年時,就已經發現對方一腳踏五船,但Steven最終斷咗聯絡,玩失蹤人間蒸發而分手。

Steven 於2001年於黃榕拍拖,但交往半年就被女方發現偷食!
Photo from 黃榕IG

2004年:傅珮嘉

Steven出道後第一位公開承認嘅女友就係比佢大6年嘅傅珮嘉!但當時有傳男方因為顧住拍拖而忽略工作,導致被公司雪藏。後來,Steven喺2016年被爆出同女網友Fiona嘅曖昧短訊,導致3年嘅姐弟戀結束!

Steven正式出道後承認嘅女友就係傅珮嘉,但最終因為同女網民嘅曖昧短訊而導致分手收場!
Photo from 傅珮嘉IG

2006年:女網民Fiona

當時仲同傅珮嘉交往期間,Steven就被爆出同女網民Fiona有密切嘅交流,關係十分曖昧!雖然女方知道Steven已經有女友,但依然會經常到佢屋企作客。

張致恒因為同女網民Fiona嘅曖昧短訊曝光,而導致同傅珮嘉嘅3年情斷!
Photo from 張致恒IG

2007年:鍾舒漫

鍾舒漫(Sherman)喺2007年正式同英皇娛樂簽約出道,同年戀上Steven,兩人發展迅速仲被發現同居!但有傳公司反對藝人拍拖,直指兩人並唔合襯,之後二人就低調處理感情,直到2013年Steven被爆「偷食」孫旗(Keiko)而引致分手!

2007年,Steven與鍾舒漫交往,兩人關係發展迅速!
Photo from 鍾舒漫IG

2013年:孫旗(Keiko)

嫩模孫旗喺2013年重翻幾年前同Steven 嘅感情舊帳,就話當時只係得17歲嘅佢愛上24歲嘅Steven!依照佢嘅說法,即係代表佢哋二人於2008年發展關係,但當時Steven已經有女友?!而女方就表示二人約會幾次後就發生關係,但男方之後就冷落佢;但Steven就只承認對方係一夜情對象!

孫旗自爆多年前同Steven嘅感情,但男方只係承認佢為一夜情對象!
Photo from 孫旗微博

2014年:莊端兒

Steven當時被傳媒拍到同擁有魔鬼身材嘅莊端兒(Xenia)喺公園談心,其後佢就承認戀情,仲話佢哋喺2013年年尾正式交往,已經視對方為結婚對象。2016年,Steven求婚成功,但正當二人籌備婚禮之際,佢就被爆出同有錢台灣女子Doris 密會,令莊端兒決定狠心分手!

2014年,Steven被拍到與莊端兒拍拖,而佢哋2016年嘅時候仲打算結婚!
Photo from 莊端兒IG

2016年: 台妹Doris

Steven當時已經同莊端兒(Xenia)準備結婚,但就被媒體拍攝到多次夜訪Doris香閨。事後,佢多次喺大眾面前向2位女士道歉,仲坦承自己未能控制自己嘅慾望,需要尋求醫生協助!

張致恒承認與台妹Doris嘅曖昧關係,並哭訴自己因未能控制自己,需要睇醫生!
Photo from 張致恒IG

2017年: 梁皓恩(April)

Steven 2017年於IG公開與舞台劇演員兼模特兒梁皓恩嘅合照,將戀情公諸於世!而佢就大讚女方處事成熟,係理想嘅結婚對象。但佢喺2019年突然宣佈同雯雯結婚,令April大受打擊,多次喺IG發文質問Steven「你想逃避到幾時?」、「#被偷走的那五年」等。有眼利嘅網民就發現原來二人早於2014年就已經擦出愛火,但當時Steven仲依然同莊端兒一齊,所以April好大機會係第三者?!

2017年,Steven就公開與梁皓恩April嘅戀情,但有網民就發現原來早於2014年兩人就已經有曖昧?!
Photo from Steven IG

2019年: Moon

廣告
廣告

Moon就喺Steven爆出一腳踏幾船嘅時候,自爆自己都係佢嘅女友!佢就表示喺April同男方分手後先發展戀情,後來發現Steven偷食,但就選擇咗原諒佢。與此同時,Moon再發現雯雯已經有身孕,所以就唯有忍痛放手感嘆「點解可以同時間同咁多人一齊」!

Moon就自爆係Steven嘅女友之一,但就發現雯雯嘅出現而忍痛放棄!
Photo from Moon IG

2019年: 區燕雯(雯雯)

Steven 突然於IG宣佈與雯雯奉子成婚,令網民感到驚訝,亦因此而導致Steven嘅豐富戀情經驗曝光,導致形象插水!二人婚後育有2名兒子,而雯雯亦多次喺網上為Steven護航,感情似乎非常穩定。直到昨日(27日),雯雯單方面於IG宣佈離婚消息!

張致恒2019年突然宣佈與雯雯結婚,仲因此而令多姿多彩嘅感情曝光!
Photo from 張致恒IG

二人婚後育有2名兒子
Photo from 張致恒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張致恆同老婆疑似感情生變?! 北上工作養家! 一家人長期分隔兩地

19 Nov , 2021

張致恆(Steven)近年負面新聞多多,引起唔少網民關注!最近,張致恆老婆區燕雯(雯雯)就突然於IG上載一張單人照,仲寫上「每一段關係嘅結束,都係為咗有更加好嘅將來」,令唔少人都不禁猜測係咪佢同Steven嘅感情生變?!

張致恆老婆雯雯最近上載一張單人照,令唔少網民猜測佢哋係咪婚變?!
Photo from 張致恆IG

# 張致恆形象插水!

現年37歲嘅張致恆(Steven)自2019年被爆出「一腳踏幾船」後,今年初就被馮鎵瀠(Naomi)大爆佢借錢唔還,一直出現唔少負面新聞。不過,老婆區燕雯(雯雯)依然喺佢身邊不離不棄咁支持佢,陪伴佢度過難關!

張致恆負面新聞不斷,形象插水!
Photo from 張致恆IG

張致恆老婆雯雯一直都陪伴喺身邊,感情穩定!
Photo from 張致恆IG

# 雯雯上載單人照,兩人疑似婚變?!

日前,雯雯就突然喺IG上載一張單人照,並寫上一大段文字「每一段關係嘅結束,都係為咗有更加好嘅將來」,似乎對而家嘅生活有感而發。而佢呢段文字隨即引起網民們嘅猜測,不禁聯想到佢係咪同Steven感情出現咗問題?!

張致恆老婆雯雯突然於IG上載單人照,有感而發嘅字句,令大家懷疑佢哋兩人係咪感情生變?!
Photo from 雯雯IG

# 上星期隔空慶祝生日

不過,雯雯喺上星期先剛剛上載咗祝福張致恆生日嘅post,並附上佢抱住2個仔仔嘅照片「生日快樂!繼續做個好爸爸」。雖然張致恆因為喺外地工作,未能夠回港一齊慶祝,佢哋一家人都有透過視像通話聯繫感情。

張致恆早前生日,雖然佢哋一家人分隔兩地,不過都依然有靠視像通話慶祝生日!
Photo from 張致恆IG

# 2019年奉子成婚

張致恆同女粉絲雯雯突然於2019年9月宣佈奉子成婚,有指當時大仔「天寶」已經3個月大,令唔少人都感到十分驚訝!感情緋聞超多,令·佢瞬間形象插水,演藝工作全面停工,而佢就向大眾公開道歉,並承諾會收心養性。現時張致恆長期於北上工作,並登台表演唱歌賺錢。

張致恆同老婆雯雯於2019年9月結婚,當時大仔已經出生!
Photo from 張致恆IG

現時張致恆於內地工作,有份出演微電影《仙書奇譚之捉妖簿》。
Photo from 張致恆微博

# 雯雯經常為老公護航!

而雯雯亦非常支持張致恆,一有負面新聞爆出都會喺IG為佢護航,並且獨自在家湊2個仔仔。相信雯雯今次應該都只係有感而發~

雯雯一向都非常支持張致恆,有咩事都會於IG力撐老公!
Photo from 張致恆IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
日本87歲爺爺退休變身潮流教主 穿起孫兒潮服即爆紅 IG擁過14萬粉絲
日本87歲爺爺退休變身潮流教主 穿起孫兒潮服即爆紅 IG擁過14萬粉絲
7 hours ago
曾志偉宣布重啟經典《獎門人》,稱有信心挽救收視,網民反應一面倒!
曾志偉宣布重啟經典《獎門人》,稱有信心挽救收視,網民反應一面倒!
7 hours ago
阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!
阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!
8 hours ago
《黑豹2》將向已故Chadwick致敬!黑豹妹直言面臨很多困難!黑豹女神加盟《雷神4》連接續集?
《黑豹2》將向已故Chadwick致敬!黑豹妹直言面臨很多困難!黑豹女神加盟《雷神4》連接續集?
10 hours ago
乘風破浪3|王心凌翻紅,更獲多間內地企業幫忙拉票?出道19年屢受情傷,但仍對愛情抱希望
乘風破浪3|王心凌翻紅,更獲多間內地企業幫忙拉票?出道19年屢受情傷,但仍對愛情抱希望
13 hours ago
唐寧拍片示範電視劇必有失戀情節,一分鐘講五重點,網民讚搞笑又中肯!
唐寧拍片示範電視劇必有失戀情節,一分鐘講五重點,網民讚搞笑又中肯!
a day ago
Hottest Articles
最熱文章
夏雨暫時定居墨西哥,化身KOL介紹當地美食!原來呢樣海鮮最抵食?
夏雨暫時定居墨西哥,化身KOL介紹當地美食!原來呢樣海鮮最抵食?
3 days ago
內地女於LV專櫃買手袋,經鑑定為假貨!賠償逾8.7萬,LV回應掀熱議
內地女於LV專櫃買手袋,經鑑定為假貨!賠償逾8.7萬,LV回應掀熱議
a day ago
荃灣豬肉檔AK走紅疑似集團操作?盤點9位素人店員 爆紅後命運超不同!
荃灣豬肉檔AK走紅疑似集團操作?盤點9位素人店員 爆紅後命運超不同!
2 days ago
球賽直播意外揭發多個外遇現場,用人群掩護以為好安全變舉國注視!
球賽直播意外揭發多個外遇現場,用人群掩護以為好安全變舉國注視!
2 days ago
【泰女星墮河案】整合7大新疑點!發現船上再多一名乘客?船隻曾短暫消失1小時?
【泰女星墮河案】整合7大新疑點!發現船上再多一名乘客?船隻曾短暫消失1小時?
2 days ago
苟芸慧帖文再掀婚變傳聞 疑似暗示老公突然消失 心情複雜?
苟芸慧帖文再掀婚變傳聞 疑似暗示老公突然消失 心情複雜?
a day ago