「世上首位冷凍人」近況曝光!美國富豪原預計於2017年甦醒!

「世上首位冷凍人」近況曝光!美國富豪原預計於2017年甦醒!

時事熱話 生活熱話
By Stephanie on 03 Feb 2022
Digital Content Writer

至今有唔少科學家正在搜集有關「冷凍人」技術,但多年來都依然處於研究階段!早於1967年,美國富豪James Bedford(詹姆斯貝德福)就自願成為第一位冷凍人,並預計將於50年後(即2017年)解凍,而家就等我哋一齊睇下佢嘅近況!

世界上首位冷凍人已經於1967年開始實驗,實驗至今超過50年,究竟佢嘅現況係點樣呢?!Photo from ABC news

# 冷凍人技術已研究多年!

相信大家都經常喺科幻電影中聽過「冷凍人」技術,而科學家們嘅其中一個目的就係希望將患絕症嘅病人冷凍,希望將來嘅醫學能夠成功醫治佢哋!喺1964年「冷凍人技術之父」Robert Ettinger創立組織「Life Extension Society」,並公開徵求自願者,轟動一時!

1964年,Robert Ettinger成立冷凍人組織,並打算進行實驗!Photo from Twitter

# 美國富豪曾自願成為實驗對象!

其中美國富豪James Bedford(詹姆斯貝德福)就因為飽受肺癌嘅困擾,需要長期躺臥病床,毅然決定成為世上首位冷凍人!而James就預備咗10萬美金用於之後嘅身體維護,並於1967年家喺家人陪同下進入只有-196度嘅冷凍艙內!

美國富豪James Bedford就自願參加冷凍實驗,成為世上第一位冷凍人!Photo from Twitter

# 冷凍術大概原理

根據外媒報導,進行冷凍術時會將冷凍人體內嘅水分及血液抽乾,並且注射二甲基亞碸(DMSO)以保護組織,最後再將佢放入液態氮設備當中!期間James被放置喺美國唔同省份嘅實驗研究所,最終1982年送到「阿爾科生命延續基金會」直到而家。

James被放置於-196度嘅冷凍艙內Photo from Alcor 網站

# 實驗進行50年,預計2017年醒來!

然而50年已經過去,2017年嘅時候年約80歲嘅Robert 就曾對外宣稱James即將「解凍」;但其後卻音訊全無,令唔少人都認為已經意味冷凍實驗嘅失敗!雖然實驗可能已經失敗告終,但網民都表示已經係醫學技術中邁進一大步,並視冷凍當日,即1月12日為「貝德福德日」以紀念佢!

已經80歲嘅Robert 曾經喺2017年宣佈首位冷凍人即將醒來嘅消息,但後來卻再冇任何後續?!Photo from NYnews

# 突然音訊全無,令網民想入非非!

對於富豪James,有網民就認為佢應該仲係冷凍狀態,只係因為冷凍50年所以變成深層昏迷,並未有離開人世;但亦有網民認為James好大機會一早就逝世,曾經有位醫學教授曾經話「一旦進入冷凍艙就不會活著回來」,至今坊間依然有唔同嘅講法!

網民對於James嘅現況都有唔同嘅睇法,部分網民認為佢有機會尚在生?!Photo from 韓劇《請融化我吧》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

女子接受「人體冷凍30年」!癡情老公4年後另結新歡:若真的復活很可怕

7 Dec , 2021

中國首位冷凍人展文蓮於2017年因重病接受人體冷凍程序,其家人希望將來醫學有突破,可以挽救佢嘅生命令佢解凍復活。近日其丈夫桂軍民公開新戀情,表示自己都係人,有正常嘅欲望。

中國首位冷凍人展文蓮於2017年因重病接受人體冷凍程序Photo from 搜狐

中國首位冷凍人展文蓮

2017年5月,出生於新疆嘅49歲女士展文蓮因為身患肺癌而心跳停止,佢嘅53歲丈夫桂軍民安排佢接受「人體冷凍程序」,放入液態氮中,待未來科技發展,醫學技術可以醫好佢嘅病。

廣告
廣告

2017年5月,出生於新疆嘅49歲女士展文蓮因為身患肺癌而心跳停止,佢嘅53歲丈夫桂軍民安排佢接受「人體冷凍程序」Photo from 搜狐

當初丈夫桂軍民不捨妻子離佢而去,日日照顧瞓喺病床嘅妻子,令醫院唔少護士、醫生都大為感動,其中醫院病房主任就介紹桂軍民試下以「人體冷凍」技術為妻子留下一線生機。

當初丈夫桂軍民不捨妻子離佢而去,日日照顧瞓喺病床嘅妻子,令醫院唔少護士、醫生都大為感動Photo from 搜狐

最終展文蓮心跳停止後接受長達55個鐘嘅降溫程序,確保細胞仍然存活。並轉移至零下196°C,容量2000升嘅液態氮罐內。展文蓮更成為中國首位「冷凍人」。

展文蓮心跳停止後接受長達55個鐘嘅降溫程序,確保細胞仍然存活。並轉移至零下196°C,容量2000升嘅液態氮罐內Photo from 搜狐

丈夫桂軍民痴情,妻子冷凍後仍為佢著想

當時丈夫桂軍民曾接受傳媒訪問,表示妻子被冷凍等同仍存在喺世間,有時更會去保存妻子嘅液態氮罐嗰度「探望」妻子。

桂軍民有時會去保存妻子嘅液態氮罐嗰度「探望」妻子Photo from 搜狐

人體冷凍嘅合約為30年,預計到2047年展文蓮就會「復活」,雖然全世界仲未有試驗成功嘅先例,但桂軍民就認為冷凍仲有復活嘅希望。呢4年間,佢同展文蓮嘅兒子離家到外地工作,桂軍民亦開始紀錄低每年屋企發生嘅事,希望老婆展文蓮「復活」後可以了解呢30年發生咩事。

人體冷凍嘅合約為30年,預計到2047年展文蓮就會「復活」,桂軍民亦開始紀錄低每年屋企發生嘅事Photo from 搜狐

妻子展文蓮冷凍4年,丈夫桂軍民另有新戀情

桂軍民提到30年後佢已經80幾歲,而妻子若成功甦醒則仍係40幾歲,一諗到展文蓮26年後「復活」,桂軍民坦言:「挺可怕的」。而展文蓮被冷凍後,桂軍民嘅親戚好友都有介紹到女性畀佢認識,而佢亦同其中一位對象(中間)「搭伙過日子」。

一諗到展文蓮26年後「復活」,桂軍民坦言:「挺可怕的」Photo from 搜狐

展文蓮被冷凍後,桂軍民嘅親戚好友都有介紹到女性畀佢認識,而佢亦同其中一位對象(中間)「搭伙過日子」Photo from 搜狐

由於佢2017年作為中國首位冷凍人嘅丈夫備受關注,佢對妻子嘅痴情更一度傳為佳話,所以佢公開承認新戀情後,外界對佢嘅批評變多,甚至有人指佢係「壞男人」。

桂軍民對妻子嘅痴情一度傳為佳話,所以佢公開承認新戀情後,外界對佢嘅批評變多Photo from 搜狐

桂軍民直言應接受現實,「復活」未必成功

桂軍民唔認同呢啲說法,佢稱兒子身處外地照顧唔到佢都支持佢嘅新戀情,又直言依家妻子暫時唔會醒,而佢30年後仲在唔在人世都未知:「我們現在得接受這個現實,我是個人,我有我正常的想法和我正常的欲望」

直言依家妻子暫時唔會醒,而佢30年後仲在唔在人世都未知:「我們現在得接受這個現實」Photo from 搜狐

桂軍民:「我是個人,我有我正常的想法和我正常的欲望」Photo from 搜狐

佢認為唔可能咁傻「看不到任何的結果還在那死守」,但桂軍民亦指希望喺有生之年可以再見到妻子展文蓮。

桂軍民亦指希望喺有生之年可以再見到妻子展文蓮。Photo from 搜狐

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel