33歲男與8位妻子一齊住!分享相處之道!勸喻呢類男仔千祈唔好學佢?!

33歲男與8位妻子一齊住!分享相處之道!勸喻呢類男仔千祈唔好學佢?!

生活熱話
By Stephanie on 04 Feb 2022
Digital Content Writer

相信大家都希望伴侶能夠對自己一心一意,不過有位泰國男子就似乎唔太認同自己實行一夫多妻制喇!佢同時擁有8位妻子,仲大方上節目分享彼此如何和平共處,令唔少網民大跌眼鏡!不過男方就透露其實維持呢種和諧嘅生活並唔容易,奉勸各位男士千祈唔好亂學佢!

泰國紋身師上節目大談同8位妻子嘅相處方式!Photo from JOKER FAMILY @YouTube

# 泰國紋身師同時擁有8位妻子!

現時社會大多實行一夫一妻制,但依然有唔少男生希望可以享盡齊人之福,實現同時擁有多位老婆嘅夢想~33歲泰國紋身師Ong Dam Sorot喺節目坦承擁有8位妻子,仲帶住全部老婆們一齊於節目亮相,引起熱議!據悉呢位男子係當地出名嘅佛教紋身師,大家都稱呼佢做「黑佛師傅」。

佢帶同8位妻子一齊上節目,同大家分享佢哋嘅日常生活~Photo from JOKER FAMILY @YouTube

泰國紋身師Ong Dam Sorot係出名嘅佛教紋身師!Photo from Ardy Hanakaru @YouTube

# 分享同妻子們嘅相識經過!

佢率先於節目分享同每位老婆嘅相識經過:第1任妻子喺朋友婚禮上認識、第2任同第3任分別於市場同醫院相遇、第4至6任就喺交友app認識、第7任喺寺廟識;最後第8任妻子居然係同第4任老婆去旅行嘅時候認識!

泰國紋身師第一任妻子Photo from JOKER FAMILY @YouTube

第二任妻子喺街市認識Photo from JOKER FAMILY @YouTube

第8任妻子最離奇竟然喺同第4任妻子出外旅遊時相遇~Photo from JOKER FAMILY @YouTube

# 妻子之間嘅感情超好!

主持人就問到妻子們嘅諗法,而第1任妻子就表示當時Sorot好直接同佢講有新歡,而佢並冇因此而覺得反感,所以其後丈夫就認識越來越多對象!而第4以及第5任妻子都話初初有啲抗拒,但因為「姐姐們」嘅鼓勵先敞開心房,仲強調8位妻子間嘅感情非常好,就好似親姐妹一樣~

第4任妻子(右邊)本來對一夫多妻有啲抗拒,但最後都因為「姐姐們」而決定加入佢哋嘅大家庭!Photo from JOKER FAMILY @YouTube

8位妻子情同姐妹~Photo from Ardy Hanakaru @YouTube

# 設有特別相處模式,絕對唔會冷落任何一位妻子!

另外,Sorot亦有想大家講述佢哋平時嘅相處模式,平日會按順序「寵幸」妻子們,絕對唔會令任何一位妻子感到受冷落,並強調一定唔會「多人運動」!除咗第1位妻子係同孩子一齊瞓之外,其餘嘅妻子就兩人一間房。而佢就話認為家人最重要嘅就係坦誠,若果對方另結新歡亦願意放手俾佢追求愛情~

男方表示會輪流「寵幸」妻子們,每次都只會單獨同佢哋相處,令佢哋感受被愛~Photo from Ardy Hanakaru @YouTube

8位妻子兩人一間房,而第一任妻子就同小朋友一齊瞓~Photo from Ardy Hanakaru @YouTube

# 坦承最大煩惱係日常開支大!

Sorot仲苦口婆心咁勸告廣大嘅男性們,「若果冇足夠嘅經濟條件」千祈唔好胡亂模仿佢!佢坦言自己經濟狀況並唔充裕,加上屋企人數眾多,日常開支非常大,所以妻子們都要輪流外出工作,生活並非如想象中順利!

而紋身師就坦承其實生活開支非常大,所以妻子們都要輪流出外打工!Photo from JOKER FAMILY @YouTube

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

老伯第37次結婚迎娶年輕女子 共289位家庭成員到場熱烈祝賀!

10 Jun,2021

隨住時代嘅變遷,而家有唔少嘅國家已經實行一夫一妻制度,但仍然有部份地區係允許一夫多妻~日前,網上就瘋傳緊一條結婚影片,據聞片中嘅伯伯已經係第37次結婚,而在場見證嘅人大部份都係佢嘅妻子們、子女同埋孫子,令唔少網民不禁讚嘆佢係「最勇敢嘅男人」!

TVBPhoto from TVB

相信唔少人都會以為只有古時嘅皇帝先會有好多位妻子,但其實而家依然有啲國家係允許有一夫多妻嘅現象出現!最近,Twitter就瘋傳緊一條結婚影片,只見片中係一對年齡差距有啲大嘅夫婦,而婚宴嘅人數亦非常多~

Twitter @Rupin Sharma IPSPhoto from Twitter @Rupin Sharma IPS

從影片中所見,只見年紀老邁嘅新郎受眾人起哄,而揭開頭紗親吻新娘。之後,呢對新人就坐低接受在場人士嘅祝福,期間新娘仲好害羞咁低下頭。只見新娘年紀尚算年輕,而且妝容化得好濃,皮膚白到好似佢件婚紗一樣!

Twitter @Rupin Sharma IPSPhoto from Twitter @Rupin Sharma IPS

Twitter @Rupin Sharma IPSPhoto from Twitter @Rupin Sharma IPS

據悉,呢位伯伯已經係第37次結婚,喺婚宴裡面有28位係佢嘅妻子、135個子女同埋126位孫子,然而所有人都睇落好歡迎呢位「新家庭成員」嘅加入,仲一度有炮仗聲以示祝賀!

Twitter @Rupin Sharma IPSPhoto from Twitter @Rupin Sharma IPS

呢段影片好快就成為熱門話題,而印度嘅警局局長Rupin Sharma都忍唔住喺自己嘅Twitter轉發影片,講笑咁話佢係「世界上最勇敢嘅男人」!

Twitter @Rupin Sharma IPSPhoto from Twitter @Rupin Sharma IPS

唔少網民都認為呢位伯伯非常厲害,竟然可以同時擁有多位妻子,留言自嘲「我得一個老婆都搞唔掂」;亦有人認為伯伯應該非常有錢,否則冇可能養起成個大家族!不過有網民就質疑影片嘅真偽,因為暫時未能夠查出影片嘅來源。

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel