因為是朋友呀|Twins容祖兒嫌棄螢幕初吻對象?阿嬌疑爆婚姻失敗原因

因為是朋友呀|Twins容祖兒嫌棄螢幕初吻對象?阿嬌疑爆婚姻失敗原因

娛樂新聞
By Jennifer on 14 Feb 2022
Digital Editor

蔡卓妍(阿Sa)、鍾欣潼(阿嬌)、容祖兒(Joey)主持《因為是朋友呀》請咗陳妍希做嘉賓,佢哋更透露螢幕初吻對象,Joey大呻大家都好可憐。前夫賴弘國再婚,阿嬌疑於節目再爆離婚原因。

蔡卓妍(阿Sa)、鍾欣潼(阿嬌)、容祖兒(Joey)主持《因為是朋友呀》請咗陳妍希做嘉賓

阿嬌、陳妍希大談理想型

內地綜藝節目《因為是朋友呀》(前名《容我Sa嬌》)新一集邀請咗陳妍希,佢哋提到陳妍希同老公陳曉因為拍內地劇《神雕俠侶》結緣,如果要「戲假情真」大家會揀邊一位男明星。

容祖兒提到陳妍希同老公陳曉因為拍內地劇《神雕俠侶》結緣,如果要「戲假情真」大家會揀邊一位男明星。

阿嬌就表示:「金城武!」,陳妍希話係劉德華,更十分羨慕阿Sa可以同劉德華拍戲,而阿Sa則自豪指喺新戲同梁朝偉有感情戲。

阿嬌表示:「金城武!」

陳妍希話係劉德華,更十分羨慕阿Sa可以同劉德華拍戲

阿Sa則自豪指喺新戲同梁朝偉有感情戲。

Twins容祖兒提及螢幕初吻對象勁嫌棄

之後Joey提到自己雖然係歌手,但同公司「大師兄」謝霆鋒拍過吻戲,阿Sa即追問係咪佢嘅螢幕初吻。Joey就表示佢嘅螢幕初吻獻咗畀Eason陳奕迅。

Joey提到自己雖然係歌手,但同公司「大師兄」謝霆鋒拍過吻戲

仲有資料圖片

Joey表示佢嘅螢幕初吻獻咗畀Eason陳奕迅。

點知阿Sa、阿嬌竟異口同聲表示:「我也是!」,睇返資料,Joey曾於2001年電影《百分百感覺2》中同Eason合作,而阿Sa 2001年另一套電影《常在我心》同陳奕迅擔任男女主角,至於阿嬌則係2002年嘅電影《賤精先生》同Eason飾演青梅竹馬。

阿Sa、阿嬌竟異口同聲表示:「我也是!」

Joey曾於2001年電影《百分百感覺2》中同Eason合作

不過講到螢幕初吻對象,Joey同阿Sa阿嬌都一臉嫌棄,阿Sa驚訝指:「我們三個都是喔?!」,Joey即回:「好可憐!」

Joey一臉嫌棄

阿Sa 2001年另一套電影《常在我心》同陳奕迅擔任男女主角

阿嬌2002年嘅電影《賤精先生》同Eason飾演青梅竹馬。

阿Sa驚訝指:「我們三個都是喔?」

Joey即回:「好可憐!」

阿嬌請教陳妍希婚姻如何保溫

阿嬌同容祖兒對陳妍希同老公陳曉嘅愛情故事十分感興趣,阿嬌問對方結婚兩年,係點將愛情「保溫」,陳妍希表示佢知道老公想發展事業,佢會喺背後全力支持,照顧好家庭等老公無後顧之憂。

阿嬌問陳妍希結婚兩年,係點將愛情「保溫」

陳妍希表示佢知道老公想發展事業,佢會喺背後全力支持,照顧好家庭等老公無後顧之憂。

阿嬌又問大家出門旅行,點同另一半分配使費支出,Joey指會同對方出門前商量好,阿Sa就指:「AA也行。」,阿嬌回應指:「(AA)也OK,我是擔心對方負擔不起。」

阿嬌又問大家出門旅行,點同另一半分配使費支出

Joey指會同對方出門前商量好

阿Sa就指:「AA也行。」

阿嬌回應指:「(AA)也OK,我是擔心對方負擔不起。」

阿嬌前夫賴弘國再婚即將做爸爸

雖然阿嬌並未提及任何人,但有網民指當初阿嬌同前夫賴弘國離婚時就有猜測指係因為阿嬌同對方收入差距太大。而阿嬌喺節目中亦表示覺得「女主外男主內」嘅婚姻幾好。

當初阿嬌同前夫賴弘國離婚時就有猜測指係因為阿嬌同對方收入差距太大。

阿嬌喺節目中亦表示覺得「女主外男主內」嘅婚姻幾好。

阿嬌前夫賴弘國日前再婚,更透露「雙喜臨門」,即將升級做爸爸,佢又大讚Alice願意陪伴佢飛內地做生意。

廣告
廣告

阿嬌前夫賴弘國日前與女友Alice再婚,更透露「雙喜臨門」,即將升級做爸爸

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

因為是朋友呀|鍾欣潼疑公開離婚原因!一條毛巾睇清賴弘國為人?

25 Dec 2021

容祖兒(Joey)、蔡卓妍(阿Sa)、鍾欣潼(阿嬌)主持節目《因為是朋友呀》,眾人大談往事更提到各自嘅前度,阿嬌更首度大爆離婚真相,疑暗指賴弘國屢次觸及佢嘅底線。

容祖兒(Joey)、蔡卓妍(阿Sa)、鍾欣潼(阿嬌)主持節目《因為是朋友呀》

袁詠儀與Joey、阿Sa提及感情事

內地綜藝《因為是朋友呀》(前名《容我Sa嬌》)邀請咗張智霖袁詠儀夫婦做嘉賓,靚靚同Joey、阿Sa阿嬌一齊浸溫泉時大談愛情觀。阿Sa更提起佢同鄭中基嘅婚姻,Joey亦罕有提及前男友,令網友關注係講緊曾交往5年嘅劉浩龍。

靚靚同Joey、阿Sa阿嬌一齊浸溫泉時大談愛情觀。

阿Sa更提起佢同鄭中基嘅婚姻,Joey亦罕有提及前男友

阿嬌指另一半令佢底線越嚟越底

到食晚飯時阿嬌有喺節目中講到佢嘅感情事,佢自稱「對感情無咩要求」,即使生日另一半隨便慶祝佢都無所謂,不過袁詠儀就指好多男生都會因此以為咩都無所謂。

到食晚飯時阿嬌有喺節目中講到佢嘅感情事,佢自稱「對感情無咩要求」

袁詠儀就指好多男生都會因此以為咩都無所謂。

阿嬌表示佢嘅底線可以越來越低,但萬一對方真係跨越嗰條線,佢就會結束呢段關係。當初阿嬌同賴弘國離婚時曾有唔少人猜測真正原因,賴弘國更直言阿嬌根本唔愛佢!

阿嬌表示佢嘅底線可以越來越低,但萬一對方真係跨越嗰條線,佢就會結束呢段關係。

當初阿嬌同賴弘國離婚時曾有唔少人猜測真正原因

一條毛巾睇清男方,疑暗示賴弘國

節目中袁詠儀問阿嬌會唔會話畀另一半知佢嘅底線,阿嬌指:「我怎麼跟他說我的底線在哪裡?他明明應該自己去察覺。」佢又回憶曾有一次叫另一半遞條毛巾畀佢,對方竟然直接扔畀佢,更整到佢隻眼。

節目中袁詠儀問阿嬌會唔會話畀另一半知佢嘅底線,阿嬌指:「我怎麼跟他說我的底線在哪裡?他明明應該自己去察覺。」

阿嬌回憶曾有一次叫另一半遞條毛巾畀佢,對方竟然直接扔畀佢,更整到佢隻眼。

阿嬌表示以前男方會緊張問佢:「你沒事吧?」但到後面咩都唔做。袁詠儀問佢會唔會同另一半講:「我不喜歡你這個態度」阿嬌指佢會,但男方竟一句回:「我現在是不是很討你厭?」

阿嬌表示以前男方會緊張問佢:「你沒事吧?」但到後面咩都唔做。

袁詠儀問佢會唔會同另一半講:「我不喜歡你這個態度」阿嬌指佢會,但男方竟一句回:「我現在是不是很討你厭?」

有唔少網友估計阿嬌暗指前夫賴弘國,阿嬌稱佢覺得自己把口唔叻,所以唔中意嗌交:「我吵兩句就停了」,佢表示:「是我懶得跟你解釋。」

有唔少網友估計阿嬌暗指前夫賴弘國

阿嬌稱佢覺得自己把口唔叻,所以唔中意嗌交

阿嬌表示:「是我懶得跟你解釋。」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel