內地女生不理父母反對嫁黑人 婚後發現老公哥哥竟然係奧巴馬!

內地女生不理父母反對嫁黑人 婚後發現老公哥哥竟然係奧巴馬!

生活熱話
By Cheryl on 18 Feb 2022
Digital Editor

談異國戀嘅情侶們,有無諗過另一半嘅真實身份可能好顯赫?內地一名獨生女與一個黑人男生墮入愛河,卻遭父母反對戀情,幸好經努力說服後二人終成婚,其後女方隨對方到美國探親時,竟發現丈夫竟然係時任美國總統「奧巴馬」嘅弟弟!

內地女劉雪華多年前結識了來中國教書嘅馬克,婚後發現對方哥哥係一名時任美國總統!Photo from 微博

內地女與黑人展開戀情

綜合內媒報導,內地一名河南女生劉雪華出生書香世家,係家中嘅獨生女。佢在2002年結識了因金融危機而到內地教書嘅馬克(Mark Okoth Obama Ndesandjo)。雖然馬克當時嘅中文麻麻地,但仍主動向雪華搭訕同「抄牌」。

馬克當年雖然中文唔好,但仍勇敢主動結識雪華。Photo from 微博

馬克稱自己好鐘意《紅樓夢》和唐詩,但中文能力不足令佢理解困難,當佢知道雪華父母係老師後,就好希望對方可以教佢學習中文嘅訣竅。劉雪華並無冷落呢名陌生外國人,更積極教佢中文。二人多次交流下互生情愫,之後正式展開異國戀。

雪華與馬克相處一段時間後墮入愛河。Photo from 微博

父母反對獨生女嫁到外國,男方承諾婚後定居中國

雪華與馬克深愛對方,並打算拉埋天窗。但當雪華將馬克帶回老家時,雪華父母非常反對女兒嫁畀一個外國人。亦因為雪華係獨生女,兩老擔心唯一嘅女兒要到外國生活會離家太遠。不過,馬克向對方父母表示自己婚後會定居在中國,又保證會好好照顧佢哋嘅寶貝女。

馬克想雪華父母保證婚後會定居中國,以及會好好照顧佢哋嘅獨生女。Photo from 微博

丈夫哥哥原來係奧巴馬!

廣告
廣告

最終二人在2008年結婚,但因為馬克家人都在肯亞,而在美國嘅哥哥又因為太忙而無法過來,所以只有幾個大學好友出席婚禮。到了結婚一周年,馬克帶妻子到美國探望同父異母嘅哥哥。此時,雪華才發現丈夫哥哥原來就係時任美國總統奧巴馬(Barack Obama)!

當馬克帶雪華到美國探哥哥時,雪華才知道該名哥哥原來係奧巴馬。Photo from 微博

而奧巴馬同佢太太,兼時任第一夫人蜜雪兒(Michelle Obama)更不斷向雪華二人道歉,並解釋之前因正值總統大選才無法出席婚禮,雪華驚訝之餘亦感受到奧巴馬和藹可親一面。雪華之前從不知道丈夫哥哥就係奧巴馬,而馬克則表示,奧巴馬雖然係同父異母嘅哥哥,二人無一起長大,但當佢讀高中時見到哥哥,感覺就好似識咗十幾年一樣,兩人感情至今仍非常好。

馬克雖然同奧巴馬係同父異母,但二人感情相當不錯。Photo from 微博

而馬克婚後亦一直居住在內地,而且講得一口流利中文,仲愛寫書法,更送過書法作品畀哥哥奧巴馬,亦發行過多本文化相關書籍,好有才華,而佢同雪華二人亦恩愛至今。

馬克現在會講流利中文,亦愛寫書法。Photo from 微博

馬克鐘意書法,仲送過作品畀奧巴馬。Photo from 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel