《聲夢Junior》參賽年紀太細遭網民狠批!3位大熱參賽者曝光!

《聲夢Junior》參賽年紀太細遭網民狠批!3位大熱參賽者曝光!

娛樂新聞
By Stephanie on 28 Feb 2022
Digital Content Writer

TVB上年所推出嘅《聲夢傳奇》成功製造話題,因此佢哋加碼推出《聲夢Junior》,培養一班年齡大約11至15歲嘅參賽者,並於昨晚(27日)開播。不過,唔少網民都批評參賽者嘅年紀太細,引起熱議!

《聲夢Junior》嘅18位參賽者,年齡大約得11至15歲!Photo from 娛樂新聞台

# 《聲夢Junior》參賽者超年輕!

TVB最近推出嘅選秀節目《聲夢Junior》就挑選咗18人入圍參加比賽,當中佢哋嘅年齡主要介乎11至15歲,務求將參賽者們嘅潛能發揮出嚟!製作組仲邀請咗星級顧問團隊,而上屆《聲夢》嘅學員文凱婷(Aeren )、冼靖峰(Archie)等就擔任助教。

節目組希望將18位參賽者嘅潛力短時間內激發出來!Photo from TVB

上屆聲夢參賽者都成為助教~Photo from 娛樂新聞台

# Eric Kwok大讚天份好!

主持人兼節目總監督Eric Kwok受訪時話「呢個唔係兒童節目,係真正嘅選拔賽!」,賽制同導師們嘅要求都非常嚴格!不過佢就大讚參賽者們嘅潛力無限,睇好佢哋將來喺娛樂圈嘅發展!

Eric Kwok大讚參賽者實力高強!Photo from 娛樂新聞台

Hana話參賽者能歌善舞,根本就可以直接出道!Photo from 娛樂新聞台

# 一共分為3組進行對決

節目組將18位參賽者分為3組,根據佢哋本身嘅特長分成「Vocal group」、「Dance group」、「Band group」,並將會進行多番Battle及對決,最後表現最亮眼嘅4位會獲得參加《聲夢傳奇2》嘅資格!

18位參賽者已經被分為3組Photo from TVB

3組分別係Vocal、Dance同band group~Photo from TVB

# 網民狠批參賽者年紀太細!

然而,唔少網民都批評節目組所尋找嘅參賽者年齡太細,認為會影響佢哋嘅成長「咁細就讀好啲書先」、「啲男仔聲都未變」等;亦有網民認為咁樣變相係鼓勵年紀尚輕嘅少年發明星夢,認為唔應該鼓吹呢種風氣!

唔少網民都認為參賽者年紀太細,認為唔應該鼓吹太年輕嘅青少年發明星夢!Photo from TVB FB

網民仲話部分男參賽者根本聲都未變!Photo from TVB

# 參賽者中大熱人選

日前《聲夢Junior》播出咗第一集,賽前Aster(劉芷君)同埋Vici(莊殷玥)都已經被視為大熱門!Aster本身9歲嘅時候就係香港藝術體操港隊運動員,而佢《特務J》嘅唱跳影片亦成功獲網民大讚,被譽為師姐鍾柔美嘅接班人,仲喺首輪比賽獲得唔錯嘅成績!

年僅14歲嘅Aster (劉芷君)係其中一位賽前大人人選!Photo from TVB

佢本身就係香港藝術體操運動員Photo from TVB

# Vici對自己信心十足,遭關心妍批評造作!

另一位大熱Vici就對自己嘅實力非常有信心,「我覺得自己任何時候都係100分」,令Eric Kwok忍唔住講笑咁話要第一foul!事實上首輪比賽尚未淘汰任何人,但就已經將參賽者嘅錄影將俾星級導師們,而Vici就被關心妍批評「有懶音同埋造作咗啲。」

另一位大熱Vici(莊殷玥)表示對自己非常有信心!Photo from TVB

但Vici嘅歌聲卻被關心妍批評?!Photo from TVB

# 黑馬Nicole贏過唔少模特兒比賽!

有網民亦指Vocal group中嘅Nicole張嘉悅來頭不小,除咗擁有自己嘅YouTube頻道之外,仲多次喺國際性嘅模特兒比賽中獲獎,年紀輕輕就已經擁有豐富嘅比賽經驗!而佢姐姐張嘉倩(Michelle)上屆就有參選香港小姐,而Nicole亦喺自我介紹中寫上目標係將來做香港小姐,二人嘅夢想都好相似~

有網民認為Nicole張嘉悅係節目中嘅黑馬!Photo from TVB

Nicole過往曾經參加過唔少模特兒比賽~Photo from Nicole IG

而佢仲話10年後一定要參選香港小姐!Photo from TVB

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【聲夢傳奇】姚焯菲捧蛋獲富爸爸獎勵!傳將組女團「港版BLACKPINK」出道

20 Jul , 2021

TVB《聲夢傳奇》完滿結束,賽前呼聲極高嘅姚焯菲(Chantel)大熱倒灶未獲任何獎項,不過就有傳媒指佢將與另外4位聲夢學員組女團出道,誓要打造「港版BLACKPINK」!

TVB《聲夢傳奇》完滿結束,賽前呼聲極高嘅姚焯菲(Chantel)大熱倒灶未獲任何獎項Photo from TVB

《聲夢傳奇》播出以嚟人氣、話題幾乎都喺女學員身上,最高人氣嘅除咗有炎明熹(Gigi)外,不得不提「國民初戀」姚焯菲(Chantel)。

《聲夢傳奇》播出以嚟人氣、話題幾乎都喺女學員身上Photo from TVB

Chantel年紀小小,但因為唱《戀愛預告》爆紅,連飲水片點擊率都十分驚人,絕對係節目嘅焦點之一,而佢亦順利打入《聲夢傳奇》總決賽!

Chantel年紀小小,但因為唱《戀愛預告》爆紅,連飲水片點擊率都十分驚人Photo from TVB

雖然憑籍極高人氣,Chantel進入最後2強,但仍不敵大熱門炎明熹,Gigi一人包攬所有大獎,Chantel遺撼「捧蛋」而歸,但參賽時已有極多fans嘅佢,日後出道相信亦會有唔少人關注。

憑籍極高人氣,Chantel進入最後2強,但仍不敵大熱門炎明熹Photo from Chantel IG

之前TVB高層樂易玲就指出聲夢所有參賽者均已簽約TVB,令人猜測一眾學員或會成為星夢旗下歌手,成為胡鴻鈞、JW等同門師弟師妹。

之前TVB高層樂易玲就指出聲夢所有參賽者均已簽約TVBPhoto from Chantel IG

不過有份做聲夢導師嘅Gin Lee(李幸倪)就表示有意向公司提出簽Gigi等人,有報道指TVB有意將Chantel、Gigi簽畀環球、華納等唱片公司,Chantel、Gigi、Yumi(鍾柔美)、Aeren(文凱婷)4位女學員將組女團出道,務求打造「港版BLACKPINK」。

有報道指TVB有意將Chantel、Gigi簽畀環球、華納等唱片公司,Chantel、Gigi、Yumi(鍾柔美)、Aeren(文凱婷)4位女學員將組女團出道Photo from TVB

不過Aeren喺節目中一直觀眾緣麻麻,多次係淘汰賽中被網友留言指:「點解唔係foul Aeren?」,如果女團成員名單為真,或會影響組合人氣。

TVBPhoto from TVB

而擁有超高人氣嘅Chantel相信會係核心成員之一,有大公司鋪路,加上眾多fans支持,就算攞唔到獎,Chantel星途亦無可限量。

有大公司鋪路,加上眾多fans支持,就算攞唔到獎,Chantel星途亦無可限量。Photo from Chantel IG

除咗唱功之外,Chantel嘅家庭背景亦一向備受大眾關注,早前聲夢YouTube節目就曝光咗佢所住「豪宅」,據報市值約$2,000萬。

Chantel嘅家庭背景亦一向係大眾焦點,早前聲夢YouTube節目就曝光咗佢所住「豪宅」Photo from TVB

Chantel係韓國女團BLACKPINK fansPhoto from TVB

家住豪宅又讀國際學校,Chantel父母自然來頭唔細,日前佢爸爸嘅真實身份曝光,Chantel爸爸姚輝文同媽媽都係會計師,爸爸喺大型財務公司任職首席財務官及常務董事。

Chantel爸爸姚輝文Photo from 今翊資本官網

TVBPhoto from TVB

姚爸爸錫到個女濃,唔止親自車女兒出入電視城,就連聲夢學員嘅商場活動佢都有現身支持,身體力行撐愛女!最近有指姚爸爸再投資買新樓,更與愛女Chantel一齊現身收樓,新居價值逾$2,000萬,果然係富貴人家!

姚爸爸錫到個女濃,唔止親自車女兒出入電視城,就連聲夢學員嘅商場活動佢都有現身支持,身體力行撐愛女Photo from Chantel IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel