家族榮耀|胡卓希梁靖琪玩姐弟戀惹熱議 女方親密片流出劇情被指呼應現實?

家族榮耀|胡卓希梁靖琪玩姐弟戀惹熱議 女方親密片流出劇情被指呼應現實?

電視電影 娛樂新聞
By Cheryl on 11 Mar 2022
Digital Editor

劇集《家族榮耀》由一班知名演員主演,但當中亦有新面孔令人印象深刻,佢就係飾演金龍太子爺龍文標嘅32歲新晉演員胡卓希(Jason),劇中佢同梁靖琪(Toby)大玩姐弟戀,深情形象令不少觀眾有好感,現實中嘅佢自18歲起便留鬚,背後原因仲好浪漫添!

胡卓希和梁靖琪在《家族榮耀》飾演情侶。Photo from 胡卓希 FB

胡卓希演深情暖男惹關注

《家族榮耀》講述多對上流社會情侶嘅明爭暗鬥故事,而其中一對情侶就係龍文標(胡卓希飾)與馬昭慈(梁靖琪飾)。龍文標起初被看成玩世不恭嘅花心太子爺,但同馬昭慈相遇後,就認定女方係生命中嘅另一半,熱烈追求及保護對方,形象深情非常討好。

胡卓希角色深情,力追梁靖琪令不少觀眾心心眼。Photo from 胡卓希 FB

曾剃鬚出演《男排女將》

胡卓希(Jason)身高185cm,留鬚look型格亮眼。其實佢係古天樂旗下天高娛樂藝人,係林峯、周秀娜、黃浩然等人師弟!Jason早前曾出演ViuTV劇集《理想國》和《男排女將》,由於佢在《男排女將》中要演學生,所以佢罕有為角色剃鬚!唔知大家點睇佢無鬚造型呢?

胡卓希曾亮相ViuTV《男排女將》演學生。Photo from 胡卓希 FB

原來係千萬MV男神?

除咗劇集,Jason其實都拍過唔少MV,當中代表作有同文青女神袁澧林合演樂隊Dear Jane嘅「都市愛情三部曲」MV:《哪裡只得我共你》、《經過一些秋與冬》及《只知感覺失了蹤》,3部MV都有約千萬點擊,可算係「千萬MV男神」。

胡卓希曾擔任Dear Jane MV男主角Photo from Dear Jane - 經過一些秋與冬 MV

現實中為姐弟戀留鬚?

Jason在《家族榮耀》中嘅留鬚造型相當突出,雖然佢比梁靖琪細7年,但合演情侶毫無違和感。現實中佢同樣留鬚,背後原因更相當浪漫。Jason曾在訪問透露佢18歲時同一個年紀比自己大嘅女生交往,為咗令自己睇落更成熟,同對方更相襯,佢當時決定開始留鬚,並保持造型至今。

胡卓希年少時因一段姐弟戀關係而開始留鬚。Photo from 胡卓希 FB

梁靖琪問過老公先接拍《家族榮耀》

而在《家族榮耀》飾演Jason伴侶嘅梁靖琪,原來現實中有問准過現任老公才接拍聚集,有人認為佢演嘅「二奶女」角色經歷同佢本人有相似之處。「二奶女」馬昭慈為挽救家族生意而同Jason演嘅太子爺龍文標進行政治婚姻,其後在男方誠意打動下,馬昭慈最後被感動。豈料在臨結婚前,昭慈舊情人孫孝明(陳少邦 飾)間接令昭慈嘅親熱影片流出,對佢造成嚴重困擾,影響結婚安排。

廣告
廣告

梁靖琪在劇中被爆不雅影片,結婚準備大受影響。Photo from 《家族榮耀》

角色同自己經歷相似?

梁靖琪在宣傳劇集時曾表示,馬昭慈同佢本人幾似,做任何事都係為家庭,亦同角色一樣好想爭取爸爸嘅認同。靖琪爸爸係TVB前戲劇分部製作總監梁家樹,媽媽則係TVB藝員部經理蕭笑鳴。梁靖琪在2011年與拍拖一年嘅富豪黃敏豪閃婚,黃敏豪投資獨到,身家兩億。到2012年,梁靖琪到三亞拍攝《衝上雲霄2》時被傳媒拍到同吳卓羲等人,凌晨前往已關閉嘅度假酒店泳池玩,期間被指飲酒、講粗口,佢亦被指身穿性感泳衣同吳卓羲調情。

吳卓羲以往曾同梁靖琪傳緋聞。Photo from 微博

梁靖琪當年被影到與吳卓羲等人在泳池玩樂飲酒,曾一度成熱話。Photo from 梁靖琪 IG

被傳吳卓羲緋聞同離婚有關

到2014年,報導指佢同黃敏豪已離婚並分居多月,有指離婚原因同佢與吳卓羲傳緋聞有關。不過事後佢同吳二人出席活動時,都強調大家只係好似兄妹般嘅關係。梁靖琪在分居期間搬回娘家,亦澄清同黃敏豪係和平分手,當中不涉及第三者。據聞當時女方仍愛黃敏豪,而靖琪雙親同男家父母亦係世交,於是兩家人在新年安排一起打邊爐,希望讓二人復合,但最後失敗收場。

梁靖琪去年父親節上載與爸爸嘅溫馨合照。Photo from 梁靖琪 IG

18年再婚嫁細8年圈外人

梁靖琪2018年被發現同細8歲嘅圈外人施雋賢Jon拍拖,19年拉埋天窗,現時育有兩子。據悉,Jon任職財富管理高級經理,家底豐厚。一家人現時住跑馬地千呎豪宅,生活幸福,相當溫馨。

梁靖琪現時與老公施雋賢生活美滿。Photo from 梁靖琪 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel