download HolidaySmart 假期日常 app
吳亦凡墮入圈套？！都美竹被爆證據疑似造假 私下對話錄音曝光！只為取得200萬封口費？

吳亦凡墮入圈套？！都美竹被爆證據疑似造假 私下對話錄音曝光！只為取得200萬封口費？

娛樂新聞
By Stephanie on 14 Mar 2022
Digital Content Writer

內地藝人吳亦凡上年被網紅都美竹大爆「酒桌選妃」、感情生活混亂等，導致形象一落千丈，仲因此而被警方拘捕！最近，負責爆料嘅都美竹卻被網紅好友大爆原來根本就冇任何證據，仲指佢根本係「大話精」？！

都美竹北好姐妹大爆謊話連篇，實際上並冇擁有任何有關吳亦凡嘅證據！Photo from 都美竹微博

# 吳亦凡上年被內地全面封鎖！

現年31歲嘅吳亦凡曾被譽為「流量小生」，微博粉絲數量多達5166萬；但自從上7月被網紅都美竹大爆私生活混亂後，形象插水，仲因此而被捕！後來內地社群平台將吳亦凡嘅名字替換成神秘編號「1337000｣。

·吳亦凡上年7月被爆料後，形象一落千丈！Photo from 吳亦凡微博

宜家遭內地全面封鎖，名字被改為「1337000｣。Photo from 微薄

# 都美竹與好友鬧翻被爆料！

事隔多個月，事情竟然又有新進展？！報料人都美竹被好姐妹「李恩」大爆謊話連篇，而呢位好姐妹就正正係當時喺事件曝光時於微博力撐佢嘅「姐姐」，但後來證實二人並非親姊妹，只係情同姐妹。

都美竹同昔日好姐妹嘅對話錄音曝光？！Photo from 都美竹微博

過往李恩喺都美竹發文指控吳亦凡時，都喺微博力撐好姐妹！Photo from 李恩LIEN_ @ 微博

# 原來都美竹手上並冇任何證據！

如今，曾經聲援嘅好閨蜜卻將錄音檔案曝光，其中都美竹提及 「我們手裡又沒有特別特別實在的證據」、「就想著要不要賭一下啦」等，手上似乎並冇掌握到吳亦凡私生活混亂嘅實質證據？！然而，當時嘅佢疑似透過「證據」獲得豐厚嘅封口費，有傳佢曾提出要索取800萬，但最終協議下獲得200萬！

都美竹被好姐妹大爆料，私底下嘅錄音檔案曝光！Photo from 李恩LIEN_ @ 微博

原來都美竹並冇有關吳亦凡嘅證據！Photo from 李恩LIEN_ @ 微博

只係想利用有證據逼迫對方俾錢？！Photo from 李恩LIEN_ @ 微博

# 閨蜜指責被欺騙+封鎖

都美竹另一位閨蜜「劉美麗同學」亦指佢係雙面人，利用完好姐妹後就唔扮唔識佢哋，導致佢被網民大罵炒熱度；仲指都美竹講大話欺騙好姐妹，宜家仲封鎖對方帳號！唔少網民睇完後，都表示十分吃驚「太可怕了！才20歲就已經這樣」、「懷疑她並不是第一次了...」等留言。

當2位好閨蜜幫佢發文後，佢卻竟然扮唔認識對方？！Photo from 李恩LIEN_ @ 微博

另一位閨蜜就曝光過往都美竹請求佢哋幫助嘅對話！Photo from 劉美麗同學 @微博

# 網民：唔代表吳亦凡係清白！

部分網民仲話「莫非吳亦凡是被冤枉的嗎？」，但有心水清嘅網民認為唔能夠因此洗脫吳亦凡過往曾經做過嘅事，認為此事唔能夠代表佢係清白！但由於現時「吳亦凡」被微博封鎖，所以傳聞未能上熱搜或者內地新聞！

網民都直指都美竹嘅行為好可怕！Photo from 劉美麗同學 @微博

但唔代表吳亦凡係完全被都美竹冤枉！Photo from 吳亦凡微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「淘寶一姐」薇婭逃稅6億人民幣被封殺！雙11帶貨逾82億！主播收入排第一

21 Dec , 2021

內地「直播一姐」薇婭（本名：黃薇）被揭涉逃稅6.43億元人民幣（約港幣$7.86億），現時已被全網封禁，其淘寶直播間亦消失！薇婭發出道歉信致歉，而「直播一哥」李佳琦亦有發聲。

內地「直播一姐」薇婭（本名：黃薇）被揭涉逃稅6.43億元人民幣

「淘寶一姐」薇婭原以歌手身份出道

內地流行「網絡直播」，唔少明星都會開直播「帶貨」，其中有「淘寶一姐」稱號嘅「薇婭」（本名：黃薇）更係直播界嘅大姐大，好多一線明星都會上佢嘅直播間參與帶貨。

內地流行「網絡直播」，唔少明星都會開直播「帶貨」，其中有「淘寶一姐」稱號嘅「薇婭」（本名：黃薇）更係直播界嘅大姐大Photo from 微博

劉德華都上過薇婭嘅直播間參與帶貨Photo from 微博

薇婭出生於1985年，原來佢做直播之前曾經以歌手身份出道但星途平平，估唔到轉行從事帶貨直播主卻爆紅成為「直播一姐」。

薇婭原以歌手身份出道，轉行從事帶貨直播主卻爆紅成為「直播一姐」。

薇婭內地「雙11」預售業績達82.52億！被揭逃稅6億

有指喺內地「雙11」購物節，薇婭第一天預售嘅業績已高達82.52億元人民幣（約港幣$101億）！就算只得最低20%嘅銷售分成，主播佣金收入都超過20億港幣！

有指喺內地「雙11」購物節，薇婭第一天預售嘅業績已高達82.52億元人民幣

薇婭嘅直播事業發展得如火如荼，但近日浙江省杭州市稅務部門經稅收大數據分析就發現薇婭涉嫌逃稅，經調查薇婭喺2019年至2020年間「偷逃稅款6.43億元（約港幣$7.86億），其他少繳稅款0.6億元。」

近日浙江省杭州市稅務部門經稅收大數據分析就發現薇婭涉嫌逃稅，經調查薇婭喺2019年至2020年間「偷逃稅款6.43億元（約港幣$7.86億），其他少繳稅款0.6億元。」

薇婭被追討13.41億，發道歉信後被全面封禁

喺稅務調查過程中，薇婭亦配合並主動補繳稅款5億元人民幣（約港幣$6.12億），亦主動報告其他未被調查嘅行為，決定追討共13.41億元人民幣（約港幣$16.4億）款項。

稅務局決定追討薇婭共13.41億元人民幣（約港幣$16.4億）款項。

事件公佈後唔少網友感震驚，而薇婭亦發表道歉信：「錯了就是錯了，我願意為我的錯誤承擔一切後果，對不起！」，但隨後佢嘅微博、抖音帳號等都被封閉，而淘寶直播間亦都已消失。

事件公佈後唔少網友感震驚

薇婭亦發表道歉信Photo from 微博

隨後薇婭嘅抖音帳號等都被封閉Photo from 微博

薇婭嘅淘寶直播間亦都已消失

薇婭微博被封Photo from 微博

中國網絡主播收入排名公開，薇婭列榜首、李佳琦排第二

有內地傳媒整合2021年一月至九月中國網絡主播淨收入排行榜，薇婭以29.213億元人民幣（約港幣$35.74億）位列第一，而「口紅一哥」李佳琦則以24.122億元人民幣（約港幣$29.52億）排第二。

有內地傳媒整合2021年一月至九月中國網絡主播淨收入排行榜Photo from 微博

「口紅一哥」李佳琦以24.122億元人民幣（約港幣$29.52億）排第二。Photo from 微博

馮提莫、李子柒分別以13.218億元人民幣及13.105億元人民幣排第四、第五。同薇婭齊名嘅「直播一哥」李佳琦平時都有同唔同嘅明星合作帶貨，對於今次薇婭逃稅事件，佢嘅團隊負責人回應指：「感謝關心，我們經營一切正常。」

馮提莫Photo from 馮提莫YouTube

李子柒以13.105億元人民幣排中國網絡主播淨收入排行榜第五位Photo from 李子柒YouTube

「直播一哥」李佳琦平時都有同唔同嘅明星合作帶貨Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

吳亦凡娛樂新聞都美竹爆料