長沙灣驚現「上床下廁」奇盤月租$2500 網民批:真係賺到盡!

長沙灣驚現「上床下廁」奇盤月租$2500 網民批:真係賺到盡!

生活熱話
By Cheryl on 17 Mar 2022
Digital Editor

香港樓價高、租金貴、土地問題嚴重。唔少人唯有租劏房住,近日有業主Facebook群組放租一個長沙灣「私人空間」,月租僅需2500元,仲標榜有獨立廁所和窗等,但實則間隔係「上床下廁」相當伏,不少網民都留言直斥離譜,直言「唔係人住!」

香港有好多住屋問題,亦出現不少奇盤,近日就與業主放租一個「上床下廁」奇盤。Photo from TVB

長沙灣有奇盤月租僅$2500

最近,有業主到Facebook群組「自己物業自己放,租買免佣」發帖,表示想放租一個鄰近長沙灣地鐵站嘅「私人空間」,月租2500元,並聲稱設有獨立廁所、冷氣、雪櫃和熱水爐,更標榜為兩層設計及有窗。業主同時上載了數張單位照,照片中可見,租盤間隔其實係「上床下廁」,相當惡劣。

租盤照所示,廁所旁邊有樓梯通往上層。Photo from Facebook @ 自己物業自己放,租買免佣

高空視覺Photo from Facebook @ 自己物業自己放,租買免佣

「上床下廁」間隔,業主被批賺到盡

呢個「上床下廁」設有樓梯往上層,而上層則只放到一張床墊、風扇、小型雪櫃和少許家具,冷氣更會直吹放床位置。

少量家具Photo from Facebook @ 自己物業自己放,租買免佣

有細雪櫃Photo from Facebook @ 自己物業自己放,租買免佣

若有人租住,住客就要睡在廁所上方,亦因為上層樓底矮,所以住客到上層只可以坐,不能站立,更需要屈身坐,有網民批評咁嘅設計有損健康「脊椎都攣埋變鐘樓陀俠」。而業主所指嘅窗,則位於廁所中,上層通用,但窗面積非常小,只能透到少許光線。

業主所指嘅窗Photo from Facebook @ 自己物業自己放,租買免佣

對此,大批網民湧入留言去直批業主無良,質問:「請問呢個空間係比人住架?如果係,我比一個月租金你,你住一個月比我睇」、「只係比瞓公廁好少少」、「呼吸都有味」,亦有網民感歎香港人想住都無尊嚴,更直言:「租個廁所畀人當屋住,仲要收$2500」,有留言則諷刺說:「建議喺塊板度開個窿,屙屎屙尿都唔洗爬落去。」不過,亦有網民認為住呢個空間總好過住太空艙和籠房,又指業主只係提供一個住所,各取所需,唔啱住自然唔會租。

如此親密嘅間隔,真係呼吸都有味道Photo from Facebook @ 自己物業自己放,租買免佣

廣告
廣告

網民認為似住廁所多啲Photo from Facebook @ 自己物業自己放,租買免佣

網民奇想Photo from Facebook @ 自己物業自己放,租買免佣

廁所都透到少少光Photo from Facebook @ 自己物業自己放,租買免佣

網民指業主已不是第一次放租

有網民指,呢個租盤早於去年12月已有放租帖文,月租同為$2500,留言問:「咦!呢間閣樓屋又返黎啦?仲未租出咩?」有人回應指,業主都唔好意思將租盤形容為「單位/屋」,而係巧妙稱作「私人空間」,又讚業主再放租係「勇氣可嘉」。亦有人在留言放出一張疑似係同一租盤嘅相片,寫道:「Cls業主」,相中可見上層舖了床墊和枕頭,但空間太細小,所以連床墊都無法完全放直。

有網民在留言放出疑似同一租盤照片Photo from Facebook @ 自己物業自己放,租買免佣

業主仲有另一租盤

其實該業主亦有另一放租帖文,租盤位於深水埗區,面積為140呎,業主形容為「深水埗北河街地鐵站口開放式大套房,光猛大廈」。月租為3500元,相比起上述「上床下廁」租盤,此租盤至少有一個長形客廳,正常窗,而廁所就位於另一空間內,住客無需瞓喺上面,算係正常得多。

業主另一租盤較為正常Photo from Facebook圖片

住客不同睡在廁所上Photo from Facebook圖片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel