「奶茶妹」章澤天近照曝光！網民驚歎唔認得多次拒進演藝圈 28歲身家近5百億

By Cheryl on 21 Mar 2022

Digital Editor

「奶茶妹」章澤天早年以一幅手持奶茶嘅清純學生照紅遍網絡，雖然之後被大導演張藝謀多次邀請拍戲，但佢都婉拒。到2015年，章澤天與京東集團（9618.HK）CEO劉強東結婚，雖然男方在2018年在美國爆出桃色醜聞，但二人最後也和好如初。近日，章澤天一家被拍到出外度假，網民都驚歎其打扮成熟了不少！

Photo from 微博

「奶茶妹」章澤天對演藝圈不感興趣

現年28歲章澤天，當年憑一幅「奶茶妹」學生照俘虜一眾少男心，但佢並無靠外貌和人氣順勢加入演藝圈，內地媒體曾盛傳張藝謀三次邀請佢拍戲，但佢都已學業為由拒絕。章澤天後來在訪問中被問，為何對成為競爭激烈嘅「謀女娘」不感興趣，佢只淡然回應自己並不在乎。

Photo from 微博

到外國留學遇上劉強東

章澤天曾就讀南京外國語學校，期間更擔任健美操隊長，奪過全國亞軍，並因此保送入清華大學。之後佢到美國哥倫比亞當交流學生時，遇上京東集團創辦人劉強東，男方隨後展開熱烈追求。雖然外界普遍認為劉強東被章澤天嘅仙氣外貌深深吸引，但劉卻笑稱自己臉盲，並唔係因為對方靚先決定交往。

Photo from 章澤天微博

擁強大商業頭腦，獲丈夫無限信任

雖然劉強東係千億富豪，但章澤天本來家境也不錯，佢爸爸據悉係投資商人。章澤天22歲便與劉強東結婚，當時佢就以584.2億人民幣嘅身家登上「新財富500富人榜」第31名，同時擔任京東集團公益基金會榮譽理事長，和時尚品牌拓展顧問，丈夫劉強東都話過家內嘅錢交畀老婆投資好放心，可見佢非常信任老婆。

Photo from 章澤天 IG

劉強東捲入風波時，章澤天冷靜處理危機

不過，夫婦倆在2018年面對了重大婚姻危機，當時章澤天正代表京東集團和聯合國開發合作計畫，以及捐贈2億人民幣讓清華大學做研究，同年8月卻傳嚟劉強東在美國侵犯女學生消息，事件震驚國際，章澤天也受到很大壓力，但佢未有被動搖，一開始已堅定表示相信丈夫為人。

Photo from 章澤天 IG

18年尾，劉強東被判無罪釋放，期間都係章澤天維持京東集團運作，協助集團渡過重大危機。可見佢除了有美貌外，亦有處變不驚嘅態度和商業智慧，冷靜地救了丈夫嘅事業，同時對佢不離不棄。

Photo from 章澤天 IG

與丈夫帶女兒度假近照曝光

在集團嘅發展下，章澤天連同劉強東財富達到1450.4億元人民幣，而女方自身也擁有接近5百億人民幣嘅資產。夫婦結婚7年後育有一女，一家三口現時過著幸福生活。到了近日，佢哋一家被網民野生捕獲，被拍到在三亞度假。照片中可見，章澤天一身紅白戴帽造型，打扮休閒同時不失隆重，佢同丈夫正在帶女兒到公園玩樂。網民都表示憑這身成熟打扮認不出「奶茶妹」，但見到一家享受親子時光嘅模樣都為佢哋感到幸福。