女士返內地避疫情痛失公屋單位！大呻已輪候8年，卻獲網民一面倒批評！近況更新，疑似失而復得？

香港住屋問題一直都存在，市民輪候公屋嘅時間逐年上升，現時平均輪候時間為6年。日前，有位女士大呻等咗8年成功獲分配公屋，但卻因為佢返內地避開第五波疫情導致錯失機會！然而事件引起網民不滿，批評佢係佔用社會資源！

Photo from ViuTV

# 女士選擇返內地避疫情！

香港地少人多，房屋問題成為主要嘅社會問題！最近，一位女士表示自己已經輪候公屋長達8年，但由於早前爆發第五波疫情，所以佢喺新年期間選擇返內地2個月過年同避疫。

Photo from 韓劇《幽靈醫生》

Photo from 韓劇《我的室友是九尾狐》

# 不幸錯失公屋單位！

直到女士回港後，發現房屋署喺佢離港期間編配咗位於深水埗海達邨公屋單位俾佢。可惜，佢未能夠及時向房屋署作出答覆，導致與公屋「擦身而過」！3月初，女士獲得通知佢已經錯失是次編配機會，由於佢冇回覆嘅原因並唔合符「可被接納」理由，所以佢只剩下2次機會。

Photo from 小紅書

# 向網民尋求方法

女士對此感到非常懊惱，仲表示「跟房屋處（署）約好保留單位」，對於突然失去分配公屋嘅機會感到失望，詢問網民有冇其他方法可以挽救！

Photo from 小紅書

Photo from 《暖男爸爸》

# 網民批評佔用資源？！

然而，女士嘅post並未能夠獲得網民嘅同情！唔少網民都認為佢既然能夠返內地避疫，即係代表仲有其他地方可以居住，應該將公屋單位留俾更有需要嘅人「證明你不是常住香港吧」、「房屋署為什麼要等你？香港這麼多人」等留言。

Photo from 小紅書

Photo from 小紅書

# 網民羨慕能獲分配新建成公屋

有網民就指樓主獲分配嘅海達邨係新建成嘅，而且地段非常好，交通十分方便，認為樓主今次真係錯失良機「如果真係派到，我幾遠都趕返嚟」！部份網民就非常羨慕，當中唔少應該都仲等待緊公屋單位。

Photo from 韓劇《喪屍偵探》

Photo from 小紅書

# 女士更新最新情況！

其後，女士於昨日（6日）再上載空置單位嘅照片，並寫上「謝謝你們的關注，也謝謝政府給予我個家」，但就並未有多作解釋，未知道係咪成功爭取到「約定保留」嘅公屋單位呢？！

Photo from 小紅書

相關文章：新移民請教同時排2間公屋方法 網民：好多香港人一間都未排到啊!

相關文章：公屋住戶半夜煮咖哩慘遭鄰居投訴！ 眼利網民發現通告錯漏百出！ 慨嘆：連食宵夜都唔得！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

公屋保安新年逗2萬元利是！大讚公屋住戶闊佬、有人情味

11 Feb , 2022

每逢過農曆新年，總係覺得屋企樓下啲保安特別熱情。近日喺討論區有任職保安嘅網友晒出大量利是，佢讚住戶有人情味，仲透露總數約有$2萬港元！令唔少人大為羨慕。

Photo from TVB

農曆新年保安為逗利是特別熱情？

新年遇上疫情，好多拜年活動被逼取消。不過各行各業都有唔同嘅機會逗到利是，其中不得不提保安，新年期間保安主動講下「恭喜發財」，住戶出入都會派下利是。

Photo from TVB

最近喺香港討論區有網民發文「做保安的我。人日拆利是日」，呢位網友自稱任職保安員，於俗稱「人日」嘅農曆一月初七拆利是，更放上網同網民分享。

Photo from TVB

網友晒大量利是封

呢名網友附上3張相片，第一張係一大堆利是，數量十分可觀，可見近呢幾日佢逗利是「戰績彪炳」，拆完利是淨返嘅利是封都要用一個垃圾袋裝。

Photo from 香港討論區

Photo from 香港討論區

樓主按照「10元」、「20元」、「50元」、「100元」紙幣將逗到嘅利是分門別類，其中$20蚊數量最多，$10蚊都有一大疊，$50蚊、$100蚊雖然數量較少但都有一定厚度。

Photo from 香港討論區

網民自爆逗2萬港元利是

樓主透露佢喺公屋做保安，大讚住戶闊佬又有人情味。被問到佢一共逗咗幾多錢，樓主一開始都好「低調」，唔願意公開真實金額。

Photo from TVB

Photo from TVB

不過之後有人猜測總數約$5,000時，佢又忍唔住自爆：「X4啦！」，透露利是總額高達$2萬港元！

Photo from 香港討論區

網友大讚公屋住戶有人情味

唔少網友表示羨慕，又指佢連$100紙都收到十分難得，樓主亦開心回應稱今年逗到嘅$100利是比去年多，又指淨係$100同$50利是已為佢帶嚟$5,000收入！

Photo from TVB

Photo from TVB

樓主表示平時都有唔少住戶送生果畀佢食，佢又自豪指單計收到嘅$20新紙幣總數已有$2,000。被問到點解唔等到農曆十五先拆利是，佢亦坦言：「我心急。」

Photo from TVB

Photo from 香港討論區

相關文章：港男驚揭公司看更住豪宅戴勞力士！隱形富豪因為一個原因甘願做打工仔！

相關文章：媽媽想將公屋傳畀兒子 要求回收女兒房間！細佬中學零用錢多10倍！港女：當我係垃圾

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）