劇集《食腦喪B》疑似抄襲著名美劇《iZombie》?!角色設定、劇情跟到足?網民列3大相似點

劇集《食腦喪B》疑似抄襲著名美劇《iZombie》?!角色設定、劇情跟到足?網民列3大相似點

娛樂新聞
By Stephanie on 21 Apr 2022
Digital Content Writer

何廣沛江嘉敏所主演嘅電視劇《食腦喪B》正在熱播中,題材上相對較為創新,成功獲得網民嘅注意。然而喺開播後,部份網民就認為劇情同美劇《iZombie》嘅內容有啲相似,兩者都係因為「食腦」後獲得他人嘅記憶,睇嚟編劇們都諗法都有啲相似呢~

《食腦喪B》係由何廣沛、江嘉敏領銜主演Photo from 《食腦喪B》

《食腦喪B》正在熱播中

《食腦喪B》今個星期正式開始播放,由何廣沛、江嘉敏、蔣志光、陳曉華等人出演,主要以溫馨同搞笑作為賣點。據悉,呢套劇係大台首次以呢類型嘅題材做電視劇,令唔少網民都感到期待!

《食腦喪B》係大台首部創新以「喪屍」作為題材嘅劇!

主要sell埋搞笑以及親情!Photo from 《食腦喪B》

劇情大要

劇情主要講述「廢青」余陽光(何廣沛飾)突然感覺到身體異常,突然沖往法醫好友古德明(郭子豪飾)嘅實驗室「食腦」;其後仲要靠食已經離世嘅「人腦」充飢,並發現進食後會獲得該人類生前嘅記憶及技能,嘗試為解開對方生前嘅遺憾或者願望。然而,何廣沛第一集中就搞笑地誤食「豬腦」,搞到佢變成豬於街頭胡亂蹦跑,場面爆笑!

第一集就因為唔小心食咗「豬腦」而變成豬於中環蹦跑Photo from 《食腦喪B》

被網民指同美劇《iZombie》超似!

然而開播後,網民就覺得與美劇《iZombie》劇情雷同,就連橋段都可以話係一模一樣「角色設定同技能同美劇《izombie》差唔多」、「抄得好足」等留言!而且兩部劇集都有醫學院學生嘅角色、幫手破案等嘅細節,難免令大家將佢哋聯想埋一齊。

部份網民就覺得劇情同美劇《iZombie》非常相似!Photo from 連登討論區

劇情雷同位置

美劇《iZombie》係一套改編自DC漫畫嘅電視劇,並於2015年開播,暫時總共有5季。劇情大概係講述醫學院女學生Liv Moore突然變身做殭屍,必須靠食大腦維持人性。同樣地,女主角於進食後,能夠獲得「大腦」主人生前嘅記憶以及技能,仲因此而同警探合作,成功破解案件!

美劇《iZombie》係講述女醫學生突然開始「食腦」嘅故事!Photo from 《iZombie》

而女主角亦會成功獲得「腦」主人嘅記憶以及技能,同何廣沛嘅角色設定相似!Photo from 《iZombie》

部份網民不滿播放時間?

不過,部份網民就似乎係不滿劇集播出嘅時間「睇到真係忍唔住轉台!食緊飯㗎!」,播放時間為8點半,睇嚟有唔少觀眾可能都仲同緊屋企人食晚飯呢~

有網民反而認為播出時間唔恰當?!Photo from FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【魷魚遊戲】爆紅綠色運動服掀起中韓罵戰?! 內地網民反駁:魷魚遊戲抄我哋!

廣告
廣告

7 Oct , 2021

韓國Netflix原創劇《魷魚遊戲》播放後隨即爆紅,導致全球陷入追劇嘅熱潮。而劇中嘅服裝亦成功吸引大家關注,仲開始售賣同款運動服。不過有韓國嘅教授就指「內地抄襲問題嚴重」,網上售賣嘅綠色運動服會加上「中國」兩字,但就用劇中主角李政宰嘅照片作宣傳;而事件曝光後,內地網民就十分不滿,仲用一個理由反駁話係《魷魚遊戲》疑似抄內地?!

《魷魚遊戲》中出現嘅綠色運動服成為「中韓」網民吵架嘅原因?!Photo from Netflix YouTube

#《魷魚遊戲》成為全城熱話!

韓劇《魷魚遊戲》最近風靡全球,成為網民之間嘅熱門話題!而劇中嘅演員們嘅人氣亦變高,其中鄭浩妍嘅IG追蹤人數仲飆升至逾900萬,成為韓國女演員中最多人追蹤嘅一位,可見大家真係非常鍾情於《魷魚遊戲》嘅魅力當中~

《魷魚遊戲》熱潮依然持續,成為網民最近嘅熱門話題!Photo from Netflix YouTube

飾演姜曉嘅鄭浩妍IG追蹤人數飆升指960萬,成為最高追蹤人數嘅韓國女演員!Photo from Netflix YouTube

#劇中服裝+遊戲道具都成為商品!

《魷魚遊戲》亦為唔少商家提供咗商機,劇中嘅唔少服裝、遊戲道具都變成咗商品,吸引唔少劇迷嘅關注。雖然內地就未能夠於Netflix觀看劇集,不過都成功喺內地引起迴響,曾登上微博熱搜排行榜;而淘寶中亦有大量「李政宰同款運動服」售賣,令唔少劇迷都爭住要搶購!

網上出現唔少有關《魷魚遊戲》嘅相關產品。Photo from 淘寶

其中綠色運動套裝就最受歡迎,有唔少淘寶商店都均有發售!Photo from 淘寶

#韓國教授指內地借助熱潮售賣服裝!

「劇」紅就自然是非多!韓國誠信女子大學教授徐坰德(서경덕)就於IG表示「 內地利用其他途徑下載《魷魚遊戲》嘅問題嚴重」,並直指內地唔少商家都唔理會著作權,不停抄襲劇中嘅服裝售賣!其中徐教授表示「內地購物網有好多綠色運動服賣,有人仲會自行加入『中國』兩字」,再利用主角李政宰嘅照片作宣傳,認為以上嘅行為都係唔尊重作品!

韓國誠教授徐坰德認為內地抄襲《魷魚遊戲》嘅問題嚴重!Photo from 微博

#引起內地網民不滿

呢個post隨即引起內地網民嘅不滿,唔少網民都立刻湧入該教授嘅IG評論,紛紛留言話「這款式已經穿了幾十年」、「嚴格來説,是他們抄襲我們!」等,並導致「中韓」網民有爭執,而該帖文目前亦已經被刪除!

內地網民被惹怒,隨即於反駁該教授嘅言論!Photo from 微博

#內地網民反擊:係《魷魚遊戲》抄我們!

唔少內地網民居然找出吳京於2019年拍攝電影《老師好》嘅造型,並反駁「《魷魚遊戲》抄襲中國?」只見電影中,吳京就身穿綠色運動服,而衣服上仲印有「中國」兩字,認為《魷魚遊戲》嘅造型疑似抄襲內地,引起內地網民們嘅責罵!

內地網民表示吳京於2019年拍電影嘅時候,就已經穿著綠色運動服,質疑係《魷魚遊戲》抄佢哋?!Photo from 《老師好》

 內地網民解釋80年代嘅學校運動服同《魷魚遊戲》一模一樣!Photo from Netflix YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel