母親節餐廳優惠2022｜$88起歎點心放題、全蟹宴+送酒送鮑魚茶樓酒店兼備！

By Cheryl on 27 Apr 2022

Digital Editor

母親節將近，適逢晚市堂食重開，一於就帶媽媽食返餐好啦！TapNow就為大家精選了多款抵食餐飲套票，包括全蟹盛宴、放題、酒店Brunch等咩都有，仲包好多著數優惠，即刻睇以下餐廳，立即預訂心水套票啦！

#輝哥私房菜-八道菜全蟹盛宴

佐敦輝哥私房菜推出「全蟹盛宴」套票，仲做緊45折優惠，每位只需$398起，即可歎齊多道全蟹菜式，而款式都相當獨特惹味，包含多國風味，例如：鹽油焗黑奄仔蟹、花雕金沙蛋白蒸花蟹配多士、超邪惡嘅日式芝士焗蟹蓋、矜貴燕窩金湯蟹粉、法國羔蟹子雞煲等，全部包你食唔停口~ 套票仲包二選一甜品，同時獨家送紅酒、白酒、啤酒及汽水任飲優惠；夠4位落訂，仲送冰鎮日本梅酒鮮鮑魚4隻，誠意十足！

Photo from TapNow

優惠期由即日起至今年6月30日，需至少兩位起訂，現場會收取相關服務費及茶芥費，有興趣就快啲進入>>>預訂網<<<訂位啦！

Photo from TapNow

#輝哥私房菜-港式小食/點心90分鐘放題

輝哥私房菜另有推出「港式小食/點心90分鐘放題」優惠，每位低至$88，即可任食超多款點心及港式小食，一次食勻水晶蝦餃王皇、蟹籽燒賣皇﹑鮮蝦春卷、腸粉等豐富點心，仲可任歎粉麵、菜類、粥、巧手小食。

Photo from TapNow

同場更提供港式小食任食，包括：菠蘿油﹑咖央西多﹑沙嗲安格斯牛肉通粉﹑絲襪奶茶等，估唔到係茶樓都可以品嘗茶餐廳風味！而且，店家仲會向每位客人奉送蒜蓉粉絲蒸北海道帶子(價值$68)，以及提供汽水啤酒任飲！

Photo from TapNow

優惠期由即日起至今年6月30日，用餐時段分兩段：11:45AM - 1:15PM / 1:30PM - 3:00PM；小童和長者只需$88起，成人$98起，現場將收取茶芥費每位HK$12，在特定日子則有相關附加費，想同媽媽一齊歎就快啲佢>>>預訂網<<<訂購啦~

#輝哥私房菜-環球百果海鮮盛宴8道菜

輝哥另有推出「八道菜百果海鮮盛宴」套票，客人可享半價優惠，每位只需$298即可大歎多款以鮮果主題海鮮菜式，一次食勻龍蝦、黑毛豬等人氣美食。

Photo from TapNow

單係開胃菜已經可選擇品嘗加州香橙芝士焗龍蝦半隻，更可享泰國椰青菜膽竹笙燉瑶柱海參竹絲雞或馬來西亞貓山王榴蓮燉雞、仲有三選一菜式：日本士多啤梨咕嚕黑毛豬或崧子鮮果脆筍殼或紐西蘭奇異果吉列龍躉扒等。除此，套票仲包地們菠蘿龍蝦海鮮炒飯，及兩款甜品任選其一。

Photo from TapNow

套票包埋紅酒、白酒、啤酒及汽水任飲，四位起訂仲送冰鎮日本梅酒鮮鮑魚4隻！優惠期由即日起至今年6月30日，套票需兩位起訂，並會在現場收取相關服務費及茶芥費，套餐咁超值，真係要快啲入>>>預訂網<<<預購！

Photo from TapNow

Photo from 輝哥私房菜

#香港帝樂文娜公館-Brunch早午餐

尖沙咀香港帝樂文娜公館內嘅FINDS餐廳新推母親節限定【Brunch早午餐】優惠，每位只需$299起即可與媽媽享用精緻美點，套餐包括精選酸種麵包、西班牙番茄凍湯、招牌拼盤（刁草漬三文魚/煙燻鯖魚柳/牛油果片/ 番茄及青瓜）、牛油果希臘乳酪（新鮮水果、麥片及核桃）。

Photo from TapNow

亦提供四選一主菜，菜式包括：巴馬火腿及雞蛋烤吐司、慢紅酒慢煮牛頰肉、香煎北歐梭鱸魚柳、芹菜甜菜根意大利燴飯，咩口味都滿足到！同時，套餐包括少女心爆發甜品櫻花奶凍，以及獨家送每人紅酒2杯，真係好惬意！

Photo from TapNow

另外，套票亦設有「兒童套餐」方案（只適用於4-11歲兒童），只需$98就歎得，套餐已包自家製雪糕伴新鮮雜果、及果汁1杯，亦提供3選1主菜，菜式包括：香煎挪威三文魚柳、自家製牛肉及豬肉肉丸、肉醬意粉，而餐具都非常繽紛可愛，小朋友一定鐘意~

Photo from TapNow

套票優惠期供應時段為：4月30日、5月1至2日及5月7至9日下午12時至2時30分。想同母親大人到優雅嘅酒店餐廳享受悠閒Brunch，或選購兒童套餐，就請即進入>>>預訂網<<<訂票啦！

#林洪記水產-2小時蒸氣火鍋放題

林洪記現正推出「2小時蒸氣火鍋放題」優惠套票，只需$198起，就可盡歎8款招牌鮮蒸氣火鍋，食材款式豐富，海鮮迷必愛！包括：肉蟹 / 膏蟹（半隻）、大元貝 / 蟶子皇（1隻）、六頭鮮鮑魚（1隻）、大頭蝦（2隻）、生蠔 / 桶蠔（1隻）、貴妃蚌 / 大螄蚶（1隻）、花尾龍躉（1份）、安格斯牛小排（1份）。

Photo from TapNow

除此，套票仲有超過40款新鮮食材任食！材料包羅萬有，包括：黃金炒蟹、安格斯肥牛、新鮮田雞、脆鯇片、鮮魷魚、大頭蝦或游水海蝦、帶子、大頭蝦、白貝、鮮雞腸、即包鮮蝦雲吞、蟹籽鮮蝦滑、蟹籽墨魚滑、花螺等等。另外，每位只需另加$68，即可享用9款刺身任食以及秘製紅豆沙，真係抵到爆！而每位只需加$20，即可享用本地或澳洲龍蝦/琵琶蝦半隻 (每位)！飲品方面，同樣每位加$20即可任飲汽水！