內地動物園猩猩舉止奇怪，遊客驚揭竟是由人類假扮！
Photo from 江蘇淹城野生動物世界微博
江蘇淹城野生動物世界大猩猩成焦點
通常動物園都會有各種類型嘅動物，例如獅子、老虎、大象、長頸鹿、斑馬、犀牛、大猩猩等，靈長類動物與人類有唔少相似嘅地方，但估唔到內地一個動物園日前就因為大猩猩園區而成為焦點。
Photo from 江蘇淹城野生動物世界微博
大猩猩舉止似人類、外型不自然
猩猩喺動物園中絕對唔罕見，但內地「江蘇淹城野生動物世界」戶外園區嘅大猩猩近日卻似有異常，有遊客發現園內大猩猩行為舉止都好似人類。
Photo from 江蘇淹城野生動物世界微博
除咗用雙腳直立行走之外，又坐上輪胎鞦韆休息，坐姿亦同人類相似，仲識翹腳！而且大猩猩雙目無神，身上毛髮粗糙，皮膚並不貼合，外型完全唔自然。
Photo from 江蘇淹城野生動物世界微博
Photo from 江蘇淹城野生動物世界微博
遊客揭猩猩係人類扮演，園方解釋係愚人節活動
怪異嘅情況引起遊客關注，好快就發現所謂「猩猩」以及園內「黑熊」都係由人類假扮！唔少人大感無語，認為被動物園呃咗。園方亦直認園內大猩猩的確係由人類扮演，人類扮演嘅大猩猩喺外場，而真正嘅大猩猩則喺場館入面。
Photo from 江蘇淹城野生動物世界微博
園方解釋稱呢個其實係動物園愚人節活動，希望可以透過呢項無傷大雅嘅互動節目，令遊客遊園體驗更豐富，同時向遊客展示動物行為。
Photo from 江蘇淹城野生動物世界微博
Photo from 江蘇淹城野生動物世界微博
網民：道具服裝太廉價
事件亦喺網上掀起討論，有網民覺得活動幾有趣，一直以嚟都有人戲稱動物園嘅動物都係由人假扮，呢次將有關說法實行係唔錯嘅愚人節活動。不過亦有網友認為場內大猩猩明顯係廉價嘅道具服裝，直言：「扮都扮得認真啲」
Photo from 江蘇淹城野生動物世界微博
Photo from 江蘇淹城野生動物世界微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地已婚男確診後行蹤公開，5日去單身女同事家8次！辯解理由太牽強？
13 Apr 2022
Photo from 《夫妻的世界》
確診男被揭5日到訪單身女同事家8次
上海封城多日確診人數仍然超過2萬，內地其他城市亦收緊防疫措施，其中喺山東有一名男子確診後被公開佢連日嚟嘅行蹤，隨即引起內地網民關注！
Photo from 《夫妻的世界》
呢位確診男34歲，已婚並育有一女，佢喺5日內8次出入單身女同事嘅住所，其中一次更於凌晨2點去，到6點先離開，令人咋舌。
Photo from 《夫妻的世界》
婚外戀疑曝光，女方被指「小三」急辯解
男子呢5日曾於朝早、中午、傍晚進出女同事所住嘅小區，而女方則甚少外出，除咗做核酸檢測、超市、拎速遞外，多數留喺家中。兩人嘅關係即時成為焦點，有人認為佢哋明顯係婚外戀，並相約喺女方屋企密會。
Photo from 微博
Photo from 《夫妻的世界》
因為確診男曾多次到訪，女同事所住嘅小區需要封閉再做檢測，有居民喺微信group中直斥女方「知三當三」，女方辯稱「家裡東西壞了，我讓他過來修」，又稱佢哋並唔知道自己係密切接觸者同感染者，唔係故意傳播。
Photo from 微博
男方已婚育一女，為保險公司高層
不過佢嘅講法得唔到鄰居嘅接受，有人反駁：「半夜來修東西？」、「5天來8次，甚麼東西壞這麼厲害？」據悉確診男係保險公司高層，有網民表示當事人應該無諗過偷食會咁樣被踢爆，亦有人認為呢啲個人私生活唔應該被過分關注。
Photo from 《白色月光》
報道指原配決定離婚？
至於事件最大苦主應該係確診男嘅妻子，有內地傳媒報道指確診男原配已提出離婚，唔少網友表示呢件事令佢睇清枕邊人真面目，又祝佢早日回復單身。
Photo from 《三十而已》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
