Angelababy出演古裝劇,播出4集依然未見蹤影!傳離婚後工作量大減?直播洗臉時「歪鼻」被網民懷疑整形?!

Angelababy出演古裝劇,播出4集依然未見蹤影!傳離婚後工作量大減?直播洗臉時「歪鼻」被網民懷疑整形?!

娛樂新聞
By Stephanie on 29 Apr 2022
Digital Content Writer

Angelababy(楊穎)自從年初宣佈離婚後,現時已經將心思放喺工作上~最近,佢有份出演嘅內地古裝劇集《風起隴西》剛剛開播,然而播出咗頭4集後都未見佢嘅蹤影,令網民不禁擔心佢嘅戲份!另外,佢早前仲開直播大晒卸妝洗臉過程,但就被廣大嘅網民們質疑整形?!

外界盛傳Baby因為離婚而導致工作量大減,而且人氣都下降?!Photo from Angelababy微博

Baby與黃曉明今年初離婚!

Angelababy(楊穎)今年初與內地演員黃曉明宣佈離婚消息,結束7年婚姻,未來將會共同撫養兒子「小海綿」!其實近年媒體們多次大爆二人婚變嘅傳聞,但都一直未獲得證實,所以網民都並未對此消息感到非常震驚。

黃曉明與Baby於今年1月宣佈離婚!Photo from 黃曉明工作室微博

演技曾多次遭受批評

離婚後嘅Baby立刻重新投入工作,據悉佢有份參與嘅4部電視劇都將會於今年內播出。但過往佢曾多次被網民批評演技,表情超僵硬,被形容為只係負責顏值擔當嘅「花瓶」!

Baby多次被網民批評演技有待改善!Photo from 《我的真朋友》

其中佢嘅「瞪眼演技」係非常出名嘅!Photo from 微博

事隔5年再次出演古裝劇!

最近,Baby於古裝戲《風起隴西》中飾演「柳瑩」一角,將會率先以樂伎身份登場,化上濃厚嘅妝容大晒舞技,並且將會被發現隱藏嘅真實身份,今次嘅角色似乎非常有挑戰性~唔少網民都表示期待佢今次能夠擺脫「花瓶」之名,展現演技實力。

Baby將會出演古裝劇《風起隴西》,飾演柳瑩一角。Photo from 《風起隴西》

其中佢嘅日本藝伎打扮,令網民感到期待!Photo from 《風起隴西》

開播4集依然冇影?!

喺早前釋出嘅預告片中,Baby卻只係得一秒嘅鏡頭;直到宜家劇集已經播出咗4集,但卻依然未見到Baby嘅蹤影,令網民都忍唔住話「差點就忘記Baby也有演」等留言。另外,網上正瘋傳Baby因為離婚而導致人氣急降,仲有傳失去黃曉明嘅「支持」後工作量大減,一線女星地位受到動搖!

Baby喺預告片中只係現身咗1秒!Photo from 《風起隴西》預告片

有指Baby最近因為離婚而導致工作量大減?!Photo from Angelababy微博

開直播時「弄歪」鼻子?!

早前,Baby仲開「洗臉」直播於鏡頭前卸妝以及分享護膚秘訣,清秀嘅素顏樣貌令網民羨慕不已。喺佢塗保養品嘅時候,佢就無意中將自己嘅鼻子「弄歪」;部份網民截圖並瘋傳,認為佢鼻子嘅線條有啲唔自然,質疑佢有整形?!

Baby早前開直播嘅時候,無意中將用手指將鼻子「弄歪」咗一下,卻被網民質疑整形?!Photo from 微博

2個原因令網民力挺係全天然美女!

不過有唔少網民就力撐Baby,認為佢可以咁輕易就「整歪」個鼻即係代表鼻子係「全天然」,並非如大家傳聞所講!而鼻子線條咁明顯,係因為Baby身材太瘦而導致五官嘅輪廓都特別深,然而網民似乎對呢個講法抱持唔同嘅睇法~

不過網民就覺得既然可以將鼻子「弄歪」,即係代表佢係全天然美女!Photo from Angelababy微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Angelababy哭訴被黃曉明拋棄,嘗試挽救婚姻不果?!細數二人昔日5大甜蜜事!此情不再令人唏噓

4 Apr , 2022

Angelababy(Baby)與內地男星黃曉明於今年1月28日同時宣佈離婚消息,為6年婚姻正式劃上句點。最近,Angelababy嘅一段訪問就被瘋傳,而佢激動自爆「是黃曉明不要我了。」;而黃曉明近日亦辭去Baby公司大股東嘅身份,引起網民一番熱議!

二人於2015年結婚,直到今年離婚,6年婚姻結束!Photo from 黃曉明工作室微博

# Baby 及黃曉明今年宣佈離婚!

Angelababy同黃曉明嘅婚變消息被盛傳多年,直到今年初二人終於於微博承認離婚,並以「感恩過去所有,未來仍是家人」為婚姻結束作解釋,二人似乎係和平分開。

今年1月二人同時於微博宣佈離婚!Photo from 黃曉明/Angelababy微博

# 網上瘋傳Baby哭訴被黃曉明拋棄片段?

廣告
廣告

雖然二人表示會保持家人關係,近日黃曉明已經退出Baby公司大股東嘅身份,似乎係想徹底劃清界線!另外,網上最近正瘋傳Baby嘅一段訪談,佢仲崩潰大喊「是黃曉明不要我了」,直言曾花費心機挽救婚姻「我已經試圖去挽救這個婚姻,但是為了給他體面,我這麼做又委屈,還打動不了他」,言談間可見佢非常珍惜過去嘅婚姻。

近日,網上流傳Baby於訪談中指「是黃曉明不要我」!Photo from 微博

有指,黃曉明最近退出Baby公司股東身份!Photo from 黃曉明微博

# 片段疑似經網民剪輯而成!

不過事實上呢段訪談係Baby出演節目《心動的信號4》嘅畫面,佢近日並未有接受其他訪問,片段好大機會係網民們剪輯而成,真實性唔太高!

畫面係Baby上年出演《心動的信號4》時嘅圖片,而近日亦冇接受任何媒體訪問。Photo from 《心動的信號4》

重溫高調甜蜜事

過往黃曉明同Baby熱戀時期,高調大晒恩愛,甜蜜感情羨煞旁人,如今此情不再亦令唔少網民直呼可惜!宜家就一齊重溫二人昔日甜蜜往事啦:

1. 愛的宣言

2015年,Baby同黃曉明於結婚前夕接受傳媒訪問,當時二人都甜蜜示愛,Baby仲喊話「有什麼挺不過去,我都會在」,仲話即使30年後都甘願為對方整早餐;而黃曉明就話等Baby老了願意餵佢食飯,二人當時果然處於熱戀時期~

Baby甜蜜稱無論點都會陪伴丈夫!Photo from 微博

黃曉明表示30年後都會願意餵Baby食飯!Photo from 微博

Baby就話30年後都會為對方整早餐!Photo from 微博

2. 貼心關心對方身體狀況

Baby曾經講笑咁話「有一種冷叫老公覺得你冷」,指自己經常都被迫穿保暖褲等,雖然口裡面好似抱怨緊,但相信Baby當時應該覺得十分窩心~而佢哋曾一齊出演綜藝節目《快樂大本營》,黃曉明接Baby放工擔心佢凍,所以專登喺車內開定暖氣,並且送上溫暖嘅擁抱,超貼心!

Baby曾講過黃曉明經常都會擔心佢凍!Photo from Angelababy微博

黃曉明接Baby放工時,仲會專登開車內暖氣Photo from 《開心大本營》

3. 節目公然放閃

黃曉明以嘉賓身份上Baby主持嘅《奔跑吧兄弟》,當中「撕名牌」環節時,二人因隊伍不同而成為比賽對手。不過男方一見到Baby就立刻話「我不想撕妳,離我遠一點。」而Baby隨即撒嬌「求抱抱」,二人立刻上演一場愛情重逢畫面,閃盲大家~

黃曉明曾上《奔跑吧兄弟》擔任獵人角色!Photo from 《奔跑吧兄弟》第二季

而黃曉明見到Baby後一反常態,不停後退叫對方離開,表示唔想撕佢名牌Photo from 《奔跑吧兄弟》第二季

最終Baby撒嬌求擁抱,二人於鏡頭前甜蜜擁抱!Photo from 《奔跑吧兄弟》第二季

4. 為女方豪花$2億辦婚禮

黃曉明同Baby於2015年10月8日於上海展覽中心舉行世紀婚禮,現場佈置夢幻華麗,仲邀請咗逾2千名來賓,非常有睇頭~當時男方仲專登搵十幾架名車接Baby,當中包括法拉利、勞斯萊斯等,足足花咗2億人民幣!

黃曉明同Baby於2015年結婚!Photo from 黃曉明工作室 微博

二人於上海展覽中心辦婚宴,邀請近2千人參加!Photo from 黃曉明工作室 微博

黃曉明為咗哄Baby仲專登化身Big Bang成員大跳《Fantastic Baby》,而交換誓詞時超霸氣咁話「我的baby,你完蛋了,接下來你等著吧。我從來沒有對一個女人這麼好過,除了我媽」令在場來賓起哄!

黃曉明於婚禮霸氣結婚誓言,曾引起熱話!Photo from 微博

5. 男方送名車作為生日禮物

2014年,黃曉明為慶祝Baby生日花費230萬購買藍色林寶堅尼作為生日禮物,為女友花錢可以話係毫不手軟!有指該車子嘅第一手車主係張智霖,而Baby已經係第三位車主,但車子價格依然十分驚人。

黃曉明曾為Baby送上林寶堅尼跑車作為禮物!Photo from 楊穎工作室 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel