內地和尚於抖音瘋狂Like5萬張美女照！網民笑稱：大師果然係男人！過往推崇靜心生活/大晒書法作品

現今科技發達，差唔多個個人都會擁有一個社交平台嘅帳號，就連心無雜念嘅和尚都係「低頭族」～最近內地一位和尚「宣城師傅」就開設咗抖音帳號，但就被網民發現佢瘋狂「讚好」多達5萬張美女照片！

Photo from 《請別在病房裡誦經》劇照

內地和尚都開設抖音帳號

內地安徽宣城一名和尚「宣城師傅」最近開設咗抖音帳號，希望可以透過網上直播為大家帶來「平靜和平」～根據網上照片，「宣城師傅」經常都身穿袈裟，閱讀書本，喺繁忙嘅生活中都必須要靜心，並附上「#生活一半煙火一半清歡」、「#做大事要瀟灑一點」等，心境保持平和！

Photo from 宣城師傅抖音

大晒書法作品及宣揚平靜生活

翻查「宣城師傅」嘅抖音帳號，只見佢偶然會大晒書法作品以及直播，仲上載咗幾張「對鏡自拍」嘅照片，十分搞笑～不過當大家睇到佢「讚好」過嘅post後，就即刻畫風突變！

Photo from 微博

卻被網民發現狂 like 5萬張美女照！

網民發現「宣城師傅」讚好接近5萬張美女照，當中包含各式各樣嘅服裝風格：學生妹、Cosplay、貼身短裙等，可以話係包羅萬有！睇嚟師傅鍾意嘅女仔類型都幾廣泛～

Photo from 微博

網民搞笑留言

唔少網民發現後，都紛紛湧入「宣城大師」嘅抖音帳號內留言「大師什麼都放下了，就是放不下抖音！」、「斷了情絲，卻斷不了黑絲」等留言；有男網民亦對此深表理解「大家都是男人，我們明白的」，非常爆笑～

Photo from 宣城師傅抖音

Photo from 宣城師傅抖音

「宣城師傅」嚇到清空所有讚好貼文！

「宣城師傅」隨即清空like過嘅所有post「大師足足花了3個小時把讚取消掉」，而唔少網民仲假扮師傅，導致現時有多個假冒帳號，而抖音官方亦暫時屏蔽搜尋「宣城師傅」嘅功能！部份網民亦質疑今次事件可能係炒作，只係大師為咗提升大眾關注度。

Photo from 微博

Photo from 微博

相關文章：洪永城光頭 look 被笑似「一休和尚」　剃skinhead意外發現髮線出事？網民：好想即刻俾個木魚你

相關文章：寺廟招聘和尚實習生月薪1.8萬 方丈月薪達8萬 一日返8個鐘

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

內地法師長太帥 寺廟秒變打卡點！粉絲逼爆現場 網民笑言：出家比在家累！

17 Mar , 2022

近日，位於內地江蘇省嘅靈谷寺變成打卡熱點，原因全為寺中「持善法師」長得太帥，照片在網絡瘋傳，並吸引了好多人前往寺廟拍低法師身影，「靈谷寺法師出家比在家累」更一度成為微博熱搜。

Photo from 微博

法師太帥令寺廟變打卡熱點

綜合內媒報導，內地江蘇省南京市嘅靈谷寺最近人頭湧湧，不少遊客手拿手機、相機，甚至航拍機到寺廟拍攝，但佢哋並非為了建築和風景，而係為了捕捉一名叫「持善法師」和尚嘅身影。內地網民認為呢位法師眉清目秀，配合寺廟景色特別有氣質。

Photo from 微博

Photo from 微博

大方讓粉絲拍照

現場拍嘅動圖所見，寺廟猶如一個旅遊景點，而持善法師都非常大方，走出門站在階梯上，仰頭望向遠方，另一照片亦可見佢拿著經書站在樓上嘅窗邊，粉絲都紛紛拿起相機大拍寫真照，相當墟冚。

Photo from 微博

Photo from 微博

對此，網民都笑言這個靈谷寺法師出家比在家累，又言：「救命，這是出家還是出道？」、「突然想出家了」、「靈谷寺門面被迫營業，有唐僧那味兒了。」

Photo from 微博

Photo from 微博

Photo from 靈谷持善師 微博

便服裝似偶像？

有粉絲更翻出持善法師嘅舊帖文，當中分享了佢穿著冬天便服，戴上口罩、頸巾和厚帽照片，佢露出一雙炯炯有神嘅眼睛，驚艷了一眾粉絲，有人表示：「誰能想到這是靈谷寺的門面呢... 我真的以為他是哪個愛豆（偶像）...」、「這個女孩子是誰？」

Photo from 靈谷持善師 微博

雖然寺廟因此熱鬧起來，但亦有人擔心大家會破壞寺廟嘅安寧，同時令整個環境變質，所以粉絲都提醒大家不要太過熱情。而持善法師都曾在帖文表示：「每天當遊客都走完，這個點才稍微安靜下來！」

Photo from 靈谷持善師 微博

靈谷寺因疫情暫停開放，法師終於可以休息下

現時疫情下，不少地方都限制開放時間，連靈谷寺也不例外。日前，持善法師發文表示寺廟會暫停對外開放，又提醒各位注意好個人防護措施。對此，有粉絲大呻本來正前往寺廟，來不及知道暫時關廟消息；但亦有人高興表示，幸好前一天拍到照片，寄望明年再探望法師，而持善法師亦親自回應，並笑言：「終於清淨了！！！」

Photo from 微博

Photo from 微博

相關文章：內地男團成員付佳源驚爆是女生！網民：根本係現實版《原來是美男》

相關文章：內地男假扮日本高材生騙人妻？誕女後揭發事件 遭索償逾2千萬！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）