download HolidaySmart 假期日常 app
經典劇集《我和殭屍有個約會》將翻拍成電影?!由吳千語/黃宗澤擔任主演!公開改名原因

經典劇集《我和殭屍有個約會》將翻拍成電影?!由吳千語/黃宗澤擔任主演!公開改名原因

電視電影 娛樂新聞
By Stephanie on 23 May 2022
Digital Content Writer

亞視經典電視劇我和殭屍有個約會》十分受歡迎,直到宜家依然係唔少觀眾心目中嘅經典作品!近日,有傳劇集將會翻拍電影,將會由萬綺雯丈夫陳十三擔任監製,而男女主角就由吳千語以及黃宗澤擔任,於今年10月開拍。

亞視經典劇集《我和殭屍有個約會》於1998年首播,收視成績非常好!Photo from 張文慈微博

1998年經典電視劇《我和殭屍有個約會》

由 尹天照、萬綺雯於所主演嘅亞視電視劇《我和殭屍有個約會》於1998年首播,收視唔錯,6年間就已經拍攝咗3輯,被網民喻為「經典神劇」之一~當中以《我和殭屍有個約會II》嘅收視率最為厲害,結局當日收視達到22點,當年成功「憾贏」大台!

由尹天照、萬綺雯主演嘅《我和殭屍有個約會》係經典電視劇~Photo from 《我和殭屍有個約會》劇照

而《我和殭屍有個約會》仲拍攝過3輯咁多!Photo from 《我和殭屍有個約會III》

傳將會翻拍成電影!

最近,有指《我和殭屍有個約會》將會被翻拍成電影,並以「原班人馬」作為噱頭,令網民期待萬分!電影版將會由萬綺雯嘅丈夫陳十三擔任監製、編劇以及導演,而電影名稱將會改成《我和馬小玲有個約會》,並於10月開拍!

近日傳出《我和殭屍有個約會》將會被翻拍成電影!Photo from 微博

並由萬綺雯丈夫陳十三擔任監製!Photo from 微博

女主角將會由吳千語飾演

據悉,女主角最初人選本來係薛凱琪,但最後因為同製作單位未能談妥,所以就改由吳千語飾演「馬小玲」一角!身材高挑嘅吳千語同原版「馬小玲」萬綺雯一樣擁有修長嘅美腿,外型上都同角色造型都算匹配。

女主角「馬小玲」將會由吳千語飾演Photo from 吳千語IG

據悉,薛凱琪係原本嘅女主角人選Photo from 薛凱琪IG

黃宗澤飾演男主角!

至於男主角方面,「況天祐」一角將會由黃宗澤飾演;而萬綺雯亦將會身體力行支持丈夫有份客串,兩代嘅「馬小玲」有機會同框出現!

男主角「況天祐」由黃宗澤飾演!Photo from 黃宗澤IG

萬綺雯亦會支持丈夫,以客串形式出演。Photo from 萬綺雯微博

電影版改名原因!

有網民認為電影版嘅《我和殭屍有個約會》要改名,全因殭屍題材比較敏感,驚未能通過內地嘅審查,所以並未有使用原本嘅劇名!但有網民就因此感到不滿,認為電影名稱並唔吸引,而且仲有啲奇怪「唔好破壞回憶啦」、「改編後多數都好奇怪」等。

唔少網民都好驚新版本會影響佢哋嘅經典回憶!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

有傳TVB即將翻拍新《倚天屠龍記》 戴祖儀飾演趙敏/周柏豪做張翠山?!

28 May , 2021

《倚天屠龍記》係非常經典嘅武俠小說,曾經被翻拍成電視劇,成為一時熱話!最近,有傳TVB就打算開拍新《倚天屠龍記》,仲有機會搵一班歌手做劇中嘅主演。雖然消息仲有待確認,但如果真係開拍應該都能夠吸引一班武俠小說迷收睇~

周柏豪IGPhoto from 周柏豪IG

相信大家都一定有聽過《倚天屠龍記》呢個武俠小說,而佢嘅熱門程度已經令佢被翻拍三次咁多喇!而觀眾最熟悉嘅應該就係2001年由吳啟華主演同埋1978年鄭少秋主演嘅版本喇~

TVBPhoto from TVB

TVBPhoto from TVB

最近,就傳出TVB正計劃翻拍新《倚天屠龍記》,希望可以將經典武俠小說推廣俾更多嘅年輕人。如果真係翻拍的話,今次就已經係《倚天屠龍記》第四次被拍成電視劇喇。

TVBPhoto from TVB

不過據聞TVB有有意搵一班歌手兼演員出演呢套劇,而家就一齊對照下新版同2001年嘅電視劇版本,睇下大家覺得候選嘅「演員」們適唔適合啦~有傳周柏豪會飾演張無忌嘅爸爸張翠山;對照返2001年嘅版本,角色係由劉松仁所飾演。

周柏豪IGPhoto from 周柏豪IG

TVBPhoto from TVB

連詩雅就飾演張翠山妻子殷素素,即係米雪曾經演過嘅角色;林穎彤會飾演楊不悔,當時係由滕麗名所飾演。

連詩雅IGPhoto from 連詩雅IG

林穎彤IGPhoto from 林穎彤IG

吳若希將會飾演殷離(蛛兒),即曾由陳少霞扮演;現時被TVB力捧嘅戴祖儀就演趙敏一角,過去則由黎姿所演。

吳若希IGPhoto from 吳若希IG

戴祖儀IGPhoto from 戴祖儀IG

相信大家都最期待男女主角嘅人選!男主角張無忌將會由伍富橋所飾演,佢喺透過參加《超級巨星4》而入行,當時因為顏值同拉丁舞嘅技能而備受關注。女主角周芷若就由曾樂彤飾演,當初因為喺網上拍攝化妝影片而變紅,後來簽下唱片公司成為歌手。

伍富橋IGPhoto from 伍富橋IG

曾樂彤IGPhoto from 曾樂彤IG

雖然就咁睇一班歌手去拍戲,好似唔太可信,電視劇開拍嘅消息亦有待確認!不過咁經典嘅作品能夠再被翻拍,都必定可以引起網民嘅熱烈討論,唔知大家又對呢個陣容期唔期待呢?

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel