download HolidaySmart 假期日常 app
夏雨暫時定居墨西哥,化身KOL介紹當地美食!原來呢樣海鮮最抵食?

夏雨暫時定居墨西哥,化身KOL介紹當地美食!原來呢樣海鮮最抵食?

娛樂新聞
By Stephanie on 25 May 2022
Digital Content Writer

現年75歲嘅資深演員夏雨近年已經甚少出現於幕前,不過上個月有人目擊佢出現於墨西哥嘅蒂華納(Tijuana),令外界開始猜測佢係咪決定移民?!最近,夏雨上載影片向網民交代近況,表示自己暫時會定居於墨西哥,並且會拍攝一系列嘅影片向大家介紹當地嘅美食及文化,轉型做KOL

夏雨最近被發下現身墨西哥,令唔少網民猜測佢係咪已經移民到當地?Photo from 微博

夏雨近年淡出幕前!

資深演員夏雨自1963年加入娛樂圈,曾出演多部經典劇集,2007年於電視劇《溏心風暴》飾演「唐仁佳」(Jo鮑)一角而人氣急升。不過喺2019年特別出演完《解決師》後就已經減少咗工作量,逐漸淡出幕前!

夏雨其中一個最為人熟悉嘅角色,一定係於《溏心風暴》中飾演嘅「Jo鮑」~Photo from 《溏心風暴之家好月圓》

不過夏雨近年已經甚少出現於螢光幕前!Photo from 微博

疑似移民到墨西哥?

近年甚少現身嘅夏雨上個月被發現出現於墨西哥邊境城市蒂華納(Tijuana),仲化身「旅遊KOL」向大家介紹當地嘅一間珍珠奶茶店,生活非常寫意~而唔少網民都開始猜測佢係咪已經打算移民到當地?!

早前,夏雨被發現出現於墨西哥,而佢當時就同大家介紹當地嘅一間人氣珍珠奶茶店~Photo from 微博

有意轉型做旅遊KOL~

日前,夏雨上載一段影片交代佢嘅近況「我已經決定留喺度(墨西哥),拍攝一個詳細嘅蒂華納特輯,逐樣介紹俾大家」,似乎真係有意成為轉型做網紅!

而佢就表示暫時會於墨西哥定居,並且希望可以拍攝一個特輯介紹當地美食!Photo from 微博

拍片介紹當地美食,大讚物價低!

進駐抖音後,夏雨隨即上載咗幾段於當地遊玩嘅影片,帶大家去跳蚤市場以及海鮮街市等,而佢仲好似同海鮮檔主非常熟悉,同對方有傾有講~而佢就大讚墨西哥物價低,海鮮非常抵食:一條石斑魚頭只係30美元(約港幣$235)、一個象拔蚌係4美元(約港幣$31)、1Kg嘅藍鰭吞拿魚係10美元(約港幣$78),仲揚言「想開一個海鮮檔!」

夏雨大讚當地物價低!Photo from 夏雨抖音

仲帶大家去海鮮市場逛~Photo from 夏雨抖音

而佢仲似乎有意開返間海鮮檔~Photo from 夏雨抖音

無意中目擊偷渡過程!

夏雨現時身處嘅蒂華納係墨西哥嘅邊境城市,鄰近美國聖地牙哥,二個地方只係相隔一面牆;而佢仲搞笑咁目擊到有人偷偷穿過邊境到美國嘅過程!

夏雨身處嘅蒂華納位於邊境位置,同美國非常相近!Photo from 夏雨抖音

夏雨拍片期間無意中目擊偷渡過程?!Photo from 夏雨抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男徵伴侶移民英國!自稱40歲單身寡佬、英文超差、有經濟能力

11 May , 2022

近年好多香港人選擇移民,英國係其中一個熱門地方。近日Facebook群組有男士「徵友」作伴一齊去英國,佢列出自己嘅條件,稱年逾40歲、單身,更承諾伴侶即使唔做嘢都願意照顧埋佢!

近年好多香港人選擇移民,英國係其中一個熱門地方。Photo from HolidaySmart

港男發文徵伴侶移民英國

香港近年掀起移民潮,唔少港人都選擇到英國發展,不過人在外地開展新生活,都會希望有人作伴。喺Facebook群組「大埔人大埔谷」就有網民發文徵友。

香港近年掀起移民潮,唔少港人都選擇到英國發展,不過人在外地開展新生活,都會希望有人作伴。Photo from 《北京遇上西雅圖之不二情書》劇照

自稱40歲單身、英文差,但有經濟能力

佢指自己40歲出頭,單身寡佬、英文超差,想搵個伴一齊去英國。雖然英文唔好,但佢自稱有足夠財力:「經濟能力方面妳無我有,我可以照顧妳」,揚言即使對方唔使做嘢都夠生活。

佢自稱有足夠財力:「經濟能力方面妳無我有,我可以照顧妳」,揚言即使對方唔使做嘢都夠生活。Photo from 《特務打爆機》劇照

唔想外地一人終老,要求伴侶係大埔人

不過佢亦表示希望移民時間可以遷就佢,畀佢考埋個車牌先。網民又提到佢之所以想搵個伴侶一齊移民,全因「一把年紀人在外地唔想一人終老」。

樓主提到佢之所以想搵個伴侶一齊移民,全因「一把年紀人在外地唔想一人終老」。Photo from 《北京遇上西雅圖之不二情書》劇照

網民提出因為自己係大埔人,所以盡量想搵返同為大埔人一齊走,又補充指:「最好同村長大」,佢強調「邊個國家都唔愛,只愛自己人生。」

因為自己係大埔人,所以盡量想搵返同為大埔人一齊走Photo from 《太陽的後裔》劇照

強調「邊個國家都唔愛,只愛自己人生。」Photo from Facebook群組「大埔人大埔谷」

網民:男士得唔得?

樓主呼籲有意者同佢聯絡。不過就關閉咗留言功能,有網友cap圖後另開新post討論佢嘅帖文,雖然樓主無標明作伴人嘅性別要求,不過似乎網民已默認係女伴:「想問佢男男可唔可以」、「男得唔得?」,有網民幽默回覆:「關回覆『公能』,咁男士都應該得」

雖然樓主無標明作伴人嘅性別要求,不過似乎網民已默認係女伴Photo from Facebook群組「大埔人大埔谷」

網友:「想問佢男男可唔可以」Photo from 《輪到你了》劇照

有網民幽默回覆:「關回覆『公能』,咁男士都應該得」Photo from Facebook群組「大埔人大埔谷」

又有網民指佢英文唔好但又移民英國點確定到自己一定可以照顧埋另一半,建議佢上下英文班先去英國,有網民則表示好似睇緊以前啲「登報尋偶」廣告咁。

有網民指佢英文唔好但又移民英國點確定到自己一定可以照顧埋另一半,建議佢上下英文班先去英國Photo from 《單身男女》劇照

有網民則表示好似睇緊以前啲「登報尋偶」廣告咁。Photo from Facebook群組「大埔人大埔谷」

網友指樓主中、英文都唔太好Photo from Facebook群組「大埔人大埔谷」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel