阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!

阿嬌鍾欣潼為勝出遊戲直言「我結過婚」,獲讚EQ高!靠2招瘦身成功!網民翻出減肥心得影片,卻聽得一頭霧水?!

娛樂新聞
By Stephanie on 27 May 2022
Digital Content Writer

現年41歲嘅鍾欣潼(阿嬌)最近正忙於拍攝內地真人騷《乘風破浪的姐姐3》,而節目亦已經開始播放,引起內地網民熱議。最近,節目組就釋出喺「突襲訓導室」環節中探訪練習中嘅姐姐們,仲邀請佢哋玩遊戲。期間,阿嬌喺玩遊戲期間居然毫不避忌咁講「我結過婚」,獲網民大讚EQ高!

阿嬌最近正忙於拍攝內地節目《乘風破浪的姐姐3》,於內地人氣唔錯!
Photo from 阿嬌微博

阿嬌過往婚姻維持大約1年多!

阿嬌過往曾與台灣「醫界王陽明」整形醫生賴弘國熱戀,喺2018年結婚分別於美國洛杉磯以及香港舉辦婚宴,大排筵席。婚後二人仲曾經夫妻檔出演內地真人騷,恩愛模樣羨煞旁人。可惜,二人於2020年宣佈離婚,結束14個月嘅婚姻!

阿嬌於2018年與台灣整形醫生賴弘國結婚,然而二人於2020年宣佈離婚!
Photo from 阿嬌IG

二人仲曾經出演內地真人騷大晒恩愛~
Photo from 《爸媽學前班》

出演內地真人騷唱歌,獲網民讚賞!

雖然阿嬌感情路似乎唔太順利,但佢北上發展後事業似乎越來越好~最近,佢同好姐妹阿Sa(蔡卓妍)一齊出演真人騷《乘風破浪的姐姐3》,節目亦剛剛開播。而阿嬌於初舞台演唱《天外來物》,唱歌表現獲網民大讚,唔少網民都希望能夠盡快睇到二人合體演出!

其他參加嘅藝人都表示Twins係佢哋嘅兒時偶像
Photo from 《乘風破浪的姐姐3》

阿嬌於初舞台中嘅表演獲網民大讚~
Photo from 《乘風破浪的姐姐3》

節目組釋出幕後花絮

節目組亦釋出幕後花絮「突襲訓導室」,喺「姐姐」們訓練期間同佢哋玩小遊戲。期間,參賽者一對一對戰玩「我有你沒有」,遊戲規則大概係要講出你曾經做過嘅事,但對方冇經歷做過嘅事,維持最耐嘅就能獲得勝利:勝出者可以用膠棒敲對方、而敗者亦可以嘗試用膠版阻擋!若果對方都有經歷過同樣嘅事情就打和~

今次嘅「突襲訓導室」就拜訪咗其中5位姐姐,當中Twins都喺入面。
Photo from 《乘風破浪的姐姐3》

參賽者們玩「我有你沒有」,Twins一對一對戰!

而阿Sa與阿嬌都有一對一battle,而阿Sa就表示「我在紅館開過5次演唱會。」但由於阿嬌都同佢一齊演出,所以二人並未分出勝負。阿嬌似乎唔太明白規矩,照樣攞起膠棒,要主持人提醒先得,而阿Sa就講笑咁話「她只是想打我!」

阿Sa同阿嬌都有喺遊戲環節中battle~
Photo from 湖南衛視芒果TV官方頻道YouTube

而阿Sa就講笑咁話阿嬌好想打佢!
Photo from 湖南衛視芒果TV官方頻道YouTube

阿嬌坦率大喊「我結過婚」,嚇到旁人!

隨後,阿嬌又與內地歌手于文文對戰,仲一開始就立刻話「我結過婚」,令對方一時反應唔切;而在旁嘅其他人都嚇到!對手于文文亦忍唔住話「我輸得很徹底。」

阿嬌玩遊戲時十分認真,直言「我結過婚」
Photo from 湖南衛視芒果TV官方頻道YouTube

而對手亦嚇到,最後由阿嬌勝出遊戲!
Photo from 湖南衛視芒果TV官方頻道YouTube

網民大讚阿嬌EQ高!

阿嬌勇於面對過去婚姻失敗,並且於節目中公開提及,獲內地網民大讚EQ高「非常坦率!就是喜歡她這樣」、「給個讚」等,與其他藝人非常避嫌嘅態度截然不同!

內地網民大讚阿嬌EQ好高!
Photo from 微博

內地網民大讚阿嬌勇於面對過去嘅婚姻。
Photo from IG圖片

阿嬌瘦身成功,靠2招保持身形!

上年阿嬌因為身形發福而導致備受網民熱議,但最近網民都發現佢似乎瘦身成功,狀態已經重回巔峰時期!而佢亦於微博上載預備舞台時嘅Vlog,只見佢唔單止努力唱歌練舞,仲會做運動,並且配合飲食管理,晚上只係食粟米;同大吃大喝嘅阿Sa 形成強烈對比!

阿嬌晚飯只係食粟米
Photo from 阿嬌微博

仲會配合埋運動!
Photo from 阿嬌微博

網民翻出阿嬌過往減肥心得影片,卻完全不理解?!

眼見阿嬌瘦身有成,唔少網民翻出佢分享減肥心得嘅影片,只見阿嬌話營養師曾向佢講「如果妳的磅數是一路向下的趨勢,那麼妳就會這樣向下;如果妳一直暴飲暴食、一路向上的話呢,就自然會是像這樣的趨勢。」呢番說話卻令網民們一頭霧水「有講等於沒有講」、「這不是理所當然的嗎?」等,有粉絲幫手解釋阿嬌應該係想講「瘦的人只會愈來愈瘦,而身形圓潤的就要控制飲食?!」

網民亦翻出阿嬌以前分享減肥tips嘅影片,但卻完全唔明佢講咩?!
Photo from 阿嬌微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

阿嬌阿sa直播帶貨被網民狠批,賣兩蚊面膜勁辣即食麵仍有千萬業績!

19 May , 2022

鍾欣潼(阿嬌)蔡卓妍(阿Sa)近日係內地嘅曝光率超高,除咗本身各自拍緊真人騷,黎緊仲會一齊錄製綜藝節目《乘風破浪》!適逢Twins出道21周年,日前佢地就一齊現身直播帶貨!仲有唔少人睇,不過就好似負評多過好評!

微博圖片
Photo from 微博圖片

佢地今次開播十分鐘已經有四萬個觀眾,本身現場氣氛相當融洽,商家就上架一款面款,話日常價賣1233人民幣,但係係阿嬌同阿sa直播期間只需79.9就可以買到60塊面膜。

廣告
廣告

微博圖片
Photo from 微博圖片

阿sa好比反應咁話點敷都唔會肉赤,阿嬌都即刻接話可以囤貨分比朋友!觀眾質疑點解賣咁平,平均一塊面膜只賣兩蚊,問佢地自己會唔會用,仲表示「兩塊錢的面膜誰敢用啊」!

微博圖片
Photo from 微博圖片

面對觀眾嘅問題阿嬌同阿sa好明顯唔識答,表現得好唔積極,觀眾就留言話佢地好明顯睇住台詞黎讀,叫佢地了解下產品先再黎帶貨!

微博圖片
Photo from 微博圖片

中途仲有人問佢地明明去演戲唱歌跳舞都得,點解要黎帶貨,令佢地都覺得有啲尷尬,都係助理開聲幫佢地解圍。網友話好多明星都係被請去演戲咁,但佢地都為咗帶貨都有唱下歌娛樂大家,阿sa仲起哂腳咁搞下氣氛。

阿嬌帶貨個陣阿sa係後面唱歌,幾有默契
Photo from 微博圖片

微博圖片
Photo from 微博圖片

然後到介紹即食麵嘅時候,阿嬌同阿sa都即場試食,睇落似係清淡嘅麵,但阿嬌食咗一啖就辣到皺哂眉頭!阿sa就睇落無乜事。

阿嬌辣到即刻皺眉
Photo from 微博圖片

其後阿嬌係咁飲水解辣,連阿sa都無再食落去,兩個食剩成碟就拎走咗,睇直播嘅人都話感覺唔好食,仲話覺得品牌方成日要主播食咁辣嘅野好煩!雖然助理中途有出黎解畫,話產品都係佢地親自試用或者試食過,但觀眾睇佢地嘅反應都唔太相信,話佢地都唔知自己賣緊乜就賣比粉絲。

阿嬌辣到瘋狂飲水
Photo from 微博圖片

觀眾鬧爆睇落唔好食
Photo from 微博圖片

網民最後狠批佢地呢幾年愈黎愈唔敬業,一直消耗緊自己以前嘅名氣,好似為交差咁,做綜藝唔得、唱歌又差,純粹適逢其時!但係最後公布結果,佢地呢晚一齊直播累計有超過720萬人睇!累計成交額仲超過1030萬人民幣(約1200萬港幣)!

網民狠批阿嬌阿sa唔敬業
Photo from 微博圖片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李國麟帶貨狂食麻辣小龍蝦 一把年紀為賺錢不顧健康

06 May 2022

李國麟從舊年開始加入內地帶貨行列,但周不時都出狀況令人留意,試過直播8小時無人落單、退貨率近8成、被質疑賣假貨、甚至連M巾都要賣,就算已經成功翻身都難以搣甩「最慘帶貨明星」稱號!今次佢直播賣內地人最嘅小龍蝦,到底今次又發生咩事呢?

李國麟係內地拍劇帶動咗佢嘅帶貨生意
Photo from 李國麟 微博

直播帶貨大翻身

比起初時開始帶貨8個鐘都無人買,依家李國麟嘅觀眾已經多咗唔少,今次直播有大約2000人睇,好快就開到單,期間仲有唔少人落單。

李國麟早排帶貨主要賣女性用品
Photo from 微博圖片

狂隊小龍蝦嘴唇發黑

麻辣小龍蝦係內地風靡一時嘅食品,小龍蝦原名「克氏原螯蝦」,食落其實無乜肉,多數人都係因為重口味嘅湯汁好食而食!今次帶貨就見到李國麟面前擺咗一大盤紅卜卜又油膩嘅麻辣小龍蝦!

微博圖片
Photo from 微博圖片

直播期間佢又徒手拎麵黎食,一路食一路讚好味,叫觀眾快啲落單,加上不停飲水,完全無停手,連網民都話佢不知不覺已經食咗半個鐘。

拎起麵就擺落口
Photo from 微博圖片

食到後期小龍蝦太多太辣,就算有女助手幫佢抹嘴同拎水比佢解辣,都難掩佢食到眼泛淚光、嘴唇發黑,令不少網友感心酸!

微博圖片
Photo from 微博圖片

微博圖片
Photo from 微博圖片

一把年紀搏到盡網友感心酸

網友見到佢一把年紀夜媽媽食咁油膩同咁辣嘅野,會唔會唔消化,紛紛留言叫佢小心身體,要量力而為。

微博圖片
Photo from 微博圖片

另外都有網民覺得佢太過搏命,直播帶貨真係辛苦錢,但都無理由為咗錢唔要命。亦都唔少人感嘆生活真係不容易。

辣到不停飲水
Photo from 微博圖片

小龍蝦可致肌肉痛?

衞生署衞生防護中心證實進食小龍蝦容易引致「橫紋肌溶解症」,估計因為係人體會累積小龍蝦體內未知嘅耐熱毒素,雖然症狀會係2-3日內減退,但嚴重可引致腎臟受損同其他併發症!衞生防護中心亦建議小龍蝦要洗乾淨、徹底煮熟、同埋唔好食過量呀!

食物安全中心告示
Photo from 食物安全中心告示

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
威威劉宋威自費驗毒證清白 被網民狂爆黑歷史 無懼與爆料者當面對質
威威劉宋威自費驗毒證清白 被網民狂爆黑歷史 無懼與爆料者當面對質
4 days ago
《披荊斬棘》陳小春林峯吳卓羲同組,公演曲目曝光,大灣仔2.0組成在望!
《披荊斬棘》陳小春林峯吳卓羲同組,公演曲目曝光,大灣仔2.0組成在望!
4 days ago
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
4 days ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
4 days ago
蒙嘉慧素顏朝聖打卡熱點 居日生活寫意 保養得宜充滿自然美
蒙嘉慧素顏朝聖打卡熱點 居日生活寫意 保養得宜充滿自然美
5 days ago
Hottest Articles
最熱文章
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
童話世界農莊|大埔30萬呎農莊!向日葵花田+餵白馬山羊BB
童話世界農莊|大埔30萬呎農莊!向日葵花田+餵白馬山羊BB
3 days ago