余德丞再次被餐廳老闆要求公開道歉!上載第二封公開信:若果肯道歉,我將俾特首Carrie的愛轉移俾你

余德丞再次被餐廳老闆要求公開道歉!上載第二封公開信:若果肯道歉,我將俾特首Carrie的愛轉移俾你

娛樂新聞
By Stephanie on 15 Jun 2022
Digital Content Writer

藝人余德丞(Dickson)早前同YouTube頻道「9BoThew 膠保廢」邀請拍攝試食影片,成功引起熱議。但其中一位餐廳嘅老闆卻因此感到不滿,揚言已經報案;昨晚(14日)農場餐廳嘅老闆於FB上載第二封公開信,當中再三要求余德丞公開道歉

余德丞近來因為拍攝試食影片而備受熱議,農場餐廳老闆再次要求佢盡快公開道歉!Photo from 余德丞IG

余德丞與YouTuber拍攝試食片,食評超直接!

32歲余德丞(Dickson)自從離巢後就開始各種新工作,仲努力經營YouTube頻道。上個月尾,佢就獲頻道「9BoThew 膠保廢」合作一齊拍攝試食影片,到訪2間被網民評為「最伏」嘅餐廳。當中三人喺影片十分坦率咁發表食評,批評食物難吃,反應熱烈引起網民熱議!

上個月,余德丞同2位YouTuber一齊拍攝試食影片,到訪被網民評為最伏嘅2間餐廳!Photo from 「9BoThew 膠保廢」YouTube

三人都非常直接咁給予食評,食到面容扭曲!Photo from 「9BoThew 膠保廢」YouTube

農場餐廳老闆承認已報案起訴!

影片曝光後,有疑似係扒房餐廳老闆留言表達不滿,仲表示已經喺深水埗警署備案「必定對片中幾位YouTuber追究到底。」其後,「農場餐廳」老闆於FB承認事實,補充將會從呢3方面向余德丞及另外2位Youtuber作出起訴,希望社會能夠整頓YouTube嘅風氣,似乎非常嬲!

疑似係扒房餐廳老闆喺影片下面留言Photo from 「9BoThew 膠保廢」YouTube

「農場餐廳」老闆其後喺餐廳FB專頁表達不滿,承認已經到警署備案!Photo from 農場餐廳老闆FB

上載公開信要求余德丞公開道歉!

今個月10日,農場餐廳老闆上載咗一封公開信,當中指名度姓要求余德丞「我不要金!不要銀!只要你說對不起三個字!」,希望佢能夠喺父親節前公開道歉!信中嘅尾段仲順帶推行餐廳嘅優惠,指由即日起到19日下午6點至7點光顧餐廳,並且享用「黑牛肝菌汁薄牛扒」就可以有半價優惠,若果食客不滿意就唔收錢,對自己餐廳嘅食物信心十足。

餐廳老闆要求余德丞公開道歉Photo from 余德丞IG

6月10日,餐廳老闆就上載公開信,仲順便宣傳餐廳優惠Photo from 農場餐廳老闆FB

昨晚再次上載公開信要求盡快道歉!

昨晚(14日),老闆再一次於上載第二封公開信,催促余德丞盡快道歉,仲話若果對方願意道歉將會「我將俾了Carrie(林鄭月娥)的愛收回俾你,做美麗的愛的轉移」!

餐廳老闆昨晚再度上載第二封嘅公開信!Photo from 農場餐廳老闆FB

餐廳老闆表示若果余德丞願意道歉,將會將對Carrie嘅愛轉移俾佢?!Photo from 余德丞IG

同大家補充返,今年3月餐廳老闆曾登報公開向Carrie(特首林鄭月娥)示愛,直接地表達自己嘅仰慕之情。

餐廳老闆今年3月曾登報向特首表達感謝之情Photo from 農場餐廳老闆FB

余德丞透露將於ViuTV節目亮相

自事件發生後,余德丞並冇正面作出任何回應,早前喺IG上載自拍照並附上「開心笑一下. 唔開心笑三下 🦐 🦐 🦐」,令唔少網民不禁猜測係咪受最近嘅風波影響到心情,而佢嘅粉絲亦有留言鼓勵佢!另一邊廂,佢最新上載嘅YouTube影片就透露將會喺ViuTV節目亮相擔任嘉賓,工作量似乎有增無減~

余德丞並未就事件作出回應!Photo from 余德丞IG

喺最新上載嘅影片中,透露即將喺ViuTV節目亮相~Photo from 余德丞YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

余德丞拍片點評餐廳引熱議 表情痛苦批難食 餐廳老闆揚言已報警?

5 Jun , 2022

藝人余德丞(Dickson)早前突然宣布離開大台,回復自由身嘅佢隨即轉戰YouTube界,分享足球及美食相關內容。近日,佢更與頻道「9BoThew 膠保廢」合作,一同試食被網民評為全港最伏嘅兩間餐廳,網民都讚影片搞笑,反應熱烈。不過,一名疑似餐廳老闆就留言表達不滿,更警告已報警舉報Dickson?

余德丞近日同YouTube頻道「9BoThew 膠保廢」合作,一齊點評被網民評為有伏嘅餐廳。Photo from 余德丞IG

余德丞孖YouTuber點評餐廳

32歲余德丞上月拍片自爆已正式離巢,消息震驚不少網民,外界都期待佢日後有更多元嘅發展。最近,Dickson到YouTube頻道「9BoThew 膠保廢」擔任嘉賓,與主持阿保及阿廢親身評論兩間餐廳食物。首先,三人前往一間港人熟悉嘅拉麵店試食,分別點了炙燒豚肉拉麵、豬軟骨拉麵、煎餃子及沾麵。

余德丞現身YouTube頻道「9BoThew 膠保廢」。Photo from YouTube @9BoThew 膠保廢

YouTube @9BoThew 膠保廢Photo from YouTube @9BoThew 膠保廢

主持們都認為煎餃太乾,而Dickson則點評拉麵湯底味道淡,肉味不足,同時卻很鹹,很重味精,直言:「真係唔係咁好食,似超級市場買嘅公仔麵味道。」總括而言,Dickson認為拉麵味道無咩進步,暗示品牌會被其他拉麵店淘汰。

Dickson唔太喜歡Photo from YouTube @9BoThew 膠保廢

食落似超市買嘅公仔麵?Photo from YouTube @9BoThew 膠保廢

之後,一行三人轉到一間知名本地扒房,並特意點了被網民評為中伏指數最高嘅食物,包括牛肋骨意粉配牛肝菌汁、蒜蓉汁羊架意粉、和黑椒牛扒意粉。當待應首先送上中式蕃茄薯仔牛肉湯時,Dickson已大感驚訝。最後,佢認為湯好香、多料,但飲落好淡。

餐廳首先送上蕃茄薯仔牛肉湯。Photo from YouTube @9BoThew 膠保廢

Dickson感到驚訝。Photo from YouTube @9BoThew 膠保廢

直指食物有化學味?

接著,主持之一阿保坦言牛肝菌汁聞起來有化學膠味道,而牛扒亦「酥到有化學味」,羊肉也很重酥味。阿保更直言:「拍片咁耐,都未試過食物一到就有咁嘅表情。」Dickson聽罷都作勢質問:「咁你仲好意思叫我嚟?」場面非常爆笑。

三人直言「酥到有化學味」。Photo from YouTube @9BoThew 膠保廢

到「打大佬」環節時,Dickson只聞了牛肋骨氣味已將佢點評為「人生試過最難食」,食後更露出痛苦表情。

Dickson表情好難受。Photo from YouTube @9BoThew 膠保廢

主持們見到Dickson容貌都大笑起來。Photo from YouTube @9BoThew 膠保廢

網民讚有火花,疑似餐廳老闆親自留言?

影片一出,不少網民都大讚Dickson和兩位主持有火花,並支持佢哋長期合作,為觀眾帶來更多歡樂。但另有人認為佢哋反應太誇張,對餐廳和其他食客有欠尊重,更有一名疑似係扒房餐廳老闆留言表達不滿,揚言已報警處理,要舉報主持們嘅頻道,及提告Dickson誹謗,而三人暫時都未有在社交網作出回應。

三人食評都頗直接。Photo from YouTube @9BoThew 膠保廢

更引來自稱係老闆人士到留言區表達不滿。Photo from YouTube @9BoThew 膠保廢

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel