內地中二生豪花家人$12萬積蓄網購,用埋媽媽手術費!家人報警求助竟成功索回金錢?網民反指父母責任更大

內地中二生豪花家人$12萬積蓄網購,用埋媽媽手術費!家人報警求助竟成功索回金錢?網民反指父母責任更大

時事熱話 生活熱話
By Stephanie on 21 Jun 2022
Digital Content Writer

正值青春期嘅青少年難免會比較叛逆,經常都同屋企人發生爭吵。最近,一位喺內地就讀初二嘅學生竟然豪洗$12萬人民幣(約港幣14萬)購買衣服、遊戲等,洗晒媽媽手術嘅費用,令家人無奈報警求助希望索取返金錢,事件引起網民熱議!

中二生用咗家人$12萬嘅積蓄,令家人忍唔住報警求助?!Photo from 《少年的你》

內地初二生偷偷使用家人金錢!

喺現時物質當道嘅社會,大家嘅購物慾好容易就會被激發!日前,一位讀緊初二嘅內地女學生就喺家人唔知情嘅狀況下,動用屋企人嘅金錢網上購物,滿足自己嘅購物慾。

就讀初二嘅內地女生偷偷用家人嘅金錢網購!Photo from 《最愛女人購物狂》劇照

豪花$12萬人民幣網購!

根據內地傳媒報導,女學生一共花咗$12萬人民幣(約港幣14萬)購買遊戲帳號、衣服等,當中包括購買3部售價$5,000嘅手機,只係購買電話都已經用咗$1.5 萬,對自己非常大方!

女學生不停網購,一共花咗$12萬人民幣!Photo from 微博

單單係電話就已經買咗3部!Photo from 微博

原來積蓄係媽媽的手術費用!

然而,女學生所用嘅$12萬家人積蓄,原來喺媽媽本身用來醫治腰間盤突出嘅手術費用!家人發現金錢被花光後非常驚訝,而父親就忍唔住報警,希望能夠利用女兒性格「孩子剛上初二,比較叛逆」為由成功索回金錢。

但原來$12萬積蓄係媽媽嘅手術費用!Photo from 《四樓的天堂》劇照

報警求助成功索回$6萬!

而當地警方亦三番四次協助佢哋與網購平台溝通,解釋買家為未成年少女,希望能夠退還部份款項。經過連日來嘅溝通,現時佢哋已經成功索回$6萬人民幣(約港幣7萬),大部分物品都成功退回,唯獨係手機等已經開封並使用過嘅物品未能退款。

女生嘅家人報警求助,暫時成功索回$6萬人民幣!Photo from 微博

網民反而怪責父母行為,認為教育孩子責任大!

事件好快就引起內地網民熱議!不過,大部分網民認為今次事件中父母要負嘅責任比較大「為甚麼孩子會知道支付密碼?」、「父母問題挺大的」等留言,認為家人好明顯冇教導小孩運用金錢等理財觀念,勸喻父母應該吸取教訓,免得再鑄成大錯!

不過唔少網民認為父母嘅責任更加大!Photo from 微博

網民認為女學生嘅行為歸咎係父母嘅教育上!Photo from 《反起跑線聯盟》劇照

亦有網民同情父母!

相反,有部份網民就批評女學生嘅行為「連媽媽的治病錢也敢花」,替佢嘅父母感到心痛,認為家人必定承受巨大嘅金錢壓力。

部份網民認為女學生根本就唔諒解家人嘅經濟狀況!Photo from 微博

網民認為父母必定非常傷心!Photo from 《都挺好》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

29歲男子愛上50歲大媽!相戀兩年花光73萬積蓄,女友避而不見:我都唔鍾意佢

廣告
廣告

6 Jan , 2022

「只要相愛可以衝破一切難關!」中國內地29歲男子戀上50歲女士,21歲嘅年齡差距阻止唔到男子熱烈嘅愛意,兩人戀愛兩年,期間男子為女友花盡積蓄,事後50歲女友開始避見男子,更直言一路都唔鍾意佢!

中國內地29歲男子戀上50歲女士Photo from 微博

現實不少「阿姨我不想努力了」例子

愛情嘅魔力實在強大,年齡從來唔係問題,現實有唔少年輕男子愛上中年女士嘅例子,佢哋唔介意大眾嘅目光,不過總係有人會猜測係咪女方好有錢,出於「阿姨我不想努力了」嘅心態先會無視年齡差成為戀人。

愛情嘅魔力實在強大,年齡從來唔係問題,現實有唔少年輕男子愛上中年女士嘅例子Photo from TVB

但內地一對情侶嘅情況就完全相反。喺河南有一位男子叫小華(化名),年齡29歲但性格內向嘅佢甚少主動追求心儀女性,感情生活一直空白。

喺河南有一位男子叫小華(化名),年齡29歲但性格內向嘅佢甚少主動追求心儀女性Photo from 微博

29歲小華愛上51歲離婚大媽

小華畢業後到大城市打工,結識咗一位50歲嘅女士,雖然呢位女士離過婚,但小華不顧世俗眼光,勇於追求所愛,隨即同50歲中年女士展開熱戀。

小華不顧世俗眼光,勇於追求所愛,隨即同50歲中年女士展開熱戀。Photo from 微博

小華為女友花盡73萬積蓄

雖然兩年相差21歲,小華認為佢哋嘅愛情可以跨越年齡界限。交往期間小華同女友到處遊玩,而且出手闊綽,為女友花費非常大方,不過佢無考慮好自己嘅經濟實力,短短兩年就使晒父母48萬人民幣(約$59萬港元)以及小華自己儲嘅12萬人民幣(約$15萬港元)積蓄。

交往期間小華同女友到處遊玩,而且出手闊綽,為女友花費非常大方Photo from 微博

小華父母欲哭無淚,指積蓄包括留畀兒子買樓嘅支出,依家兩老同小華合共60萬人民幣(約$73萬港元)積蓄所剩無幾。

短短兩年就使晒父母48萬人民幣(約$59萬港元)積蓄,兩老欲哭無淚Photo from 微博

女友開始避而不見小華,指對方花錢係自願

小華為女友花盡家產,但對方開始疏遠小華,漸漸更對佢避而不見。小華為見不惜用盡各種方法,後來女友稱自己結過一次婚,又已踏入50歲年紀,早就睇淡咗婚姻,現階段只想戀愛無意結婚。

小華為女友花盡家產,但對方開始疏遠小華,漸漸更對佢避而不見Photo from 微博

小華為見不惜用盡各種方法,後來女友稱自己結過一次婚,又已踏入50歲年紀,早就睇淡咗婚姻Photo from 微博

女友堅稱自己先係受害者,又表示其實唔鍾意小華,一直都係對方一廂情願,為咗同小華分手佢先避而不見,希望可以漸漸遠離小華。

女友堅稱自己先係受害者,又表示其實唔鍾意小華,一直都係對方一廂情願Photo from 微博

小華父母希望女友可以還返啲錢畀佢哋,女方即刻表示小華用錢一直都係自願,佢從未要求過,亦無可能還錢,態度十分強硬。

女友表示小華用錢一直都係自願,佢從未要求過,亦無可能還錢,態度十分強硬。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel