姚焯菲疑似send自拍照俾男友睇,男方放IG曬命? fans堅稱係P圖!

姚焯菲疑似send自拍照俾男友睇,男方放IG曬命? fans堅稱係P圖!

娛樂新聞
By Stephanie on 23 Jun 2022
Digital Content Writer

被稱為「國民初戀」嘅姚焯菲(Chantel)早前被爆出與圈外男生熱戀嘅消息,仲盛傳二人已經交往長達1年,令唔少網民感到驚訝。近日,有網民喺討論區大爆疑似係Chantel send俾男友睇嘅自拍照,令佢一向嘅清純形象大受影響?!

Chantel 被爆與男友交往1年,仲有疑似自拍片曝光?!Photo from Chantel IG

姚焯菲被爆熱戀中?!

15歲嘅姚焯菲(Chantel)憑節目《聲夢傳奇》而人氣飆升,仲因此被網民成為稱為「國民初戀」!不過最近網民就大爆Chantel同「攣毛男」嘅熱戀消息,令唔少粉絲感到驚訝,因為Chantel一向對外聲稱係A0,而且指現階段只會集中讀書及發展演藝事業。

對外聲稱毫無戀愛經驗嘅Chantel最近被爆出熱戀中?!Photo from Chantel IG

緋聞男友年紀相仿,傳二人已交往1年!

據悉,「攣毛男」叫Marcus,二人年紀相仿,並且係透過朋友介紹而認識嘅;二人一齊到訪迪士尼樂園嘅照片亦被曝光,而Chantel仲甜蜜留言「the happiest place on earth」感情甜蜜,仲盛傳二人已經交往一年!

據悉「攣毛男」就係Chantel交往1年嘅男友!Photo from 連登討論區

Chantel自拍影片疑似曝光?!

近日,網民再大爆疑似係Chantel嘅自拍相,只見Chantel身穿白色連身裙,仲附上「my naughty girl」嘅字句,相信應該係緋聞男友收到女友影片後再上載嘅影片?!隨後畫面變得非常暗,畫面疑似係二人拖手嘅甜蜜片,仲tag埋Chantel 嘅IG!

網上爆出疑似係Chantel身穿吊帶連衣裙嘅自拍!Photo from 連登討論區

片中人與Chantel手機殼一樣!

而網民就發現片中女孩嘅手機殼同Chantel過往喺IG公開嘅自拍照有啲相似,而且Chantel嘅心口同樣有一粒𤼎,令網民不禁認為好大機會係同一個人?!

有網民發現Chantel過往公開嘅自拍,同片中女生嘅手機殼款式相似!Photo from 連登討論區

網民發現Chantel心口同樣有粒𤼎!Photo from 萬千星輝頒獎禮

與男友隔空打情罵俏?!

早前,Chantel被爆欠人$200導致被「追數」,但網民表示「追數人」其實就係緋聞男友Marcus,二人只係隔空打情罵俏,似乎依然處於熱戀期~

網民相信早前向Chantel追數嘅男生就係緋聞男友!Photo from Marcus IG

相信佢只係同男友隔空打情罵俏~Photo from Chantel IG

粉絲難以接受,堅信係P圖!

不過,Chantel嘅粉絲就似乎難以接受偶像拍拖嘅消息,喺粉絲群組中批評影片及照片等都係P圖,並非真實照片,質疑「有心人」係故意移花接木,導致Chantel「國民初戀」形象大受打擊!

Chantel嘅粉絲們似乎難以接受事實?!Photo from 連登討論區

部份粉絲堅信只係P圖!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

姚焯菲笑言諗過選港姐入行!音樂會獨欠炎明熹!傳已率先返內地拍節目搵真銀

24 Mar , 2022

上年憑TVB選秀節目《聲夢傳奇》跑出嘅4位參賽者炎明熹(Gigi)姚焯菲(Chantel)鍾柔美(Yumi)以及詹天文(Windy)就組成女團「After Class」。近日,佢哋參加《Concert"WFH"》線上音樂會但就三缺一,原來Gigi宜家已經北上預備拍攝綜藝節目!

女團「After Class」最近舉辦線上音樂會透露工作動向Photo from 炎明熹IG

# 《聲夢》4位女仔組成「After Class」

TVB安排節目《聲夢傳奇》4位人氣參賽者炎明熹、姚焯菲、鍾柔美以及詹天文組成女團「After Class」,而佢哋日前就出演《Concert"WFH"》線上音樂會,爭Gigi未現身,期間佢哋獨唱及合唱多首歌曲!

《聲夢傳奇》4位前女學員組成女團「After Class」!Photo from 姚焯菲IG

近日After Class同JW一齊參加線上音樂會!Photo from TVB FB

# 同JW一齊舉辦線上音樂會

成個表演由JW率先領唱,再介紹After Class成員登場。出場時,樂隊搞笑咁用香港小姐配樂歡迎佢哋,而佢哋亦好配合咁以標誌性嘅港姐揮手回應!

「After Class」成員同JW演唱多首歌曲,唯獨欠缺Gigi!Photo from mifashow網頁

佢哋亦非常配合用港姐揮手形式出場~Photo from mifashow網頁

# Chantel+ Yumi都想參選香港小姐!

參加香港小姐可能係唔少女仔曾經嘅夢想~而Chantel同Yumi都唔例外!Chantel表示細個曾經諗過要參選,但長大後就覺得選美唔適合自己;Yumi就到宜家都渴望參選,而身邊嘅家人朋友都好支持佢,可能一夠18歲就即刻參選喇~

姚焯菲表示細個曾經希望參選香港小姐~Photo from 姚焯菲IG

Yumi到宜家都希望可以參選港姐,唔知幾年後會唔會見到佢參選呢?Photo from 鍾柔美IG

# Gigi北上搵真銀!

另一邊,缺席今次演出嘅Gigi原來已經被TVB秘密安排北上工作,參加TVB同芒果TV合辦嘅音樂節目《聲生不息》,現正於酒店進行隔離!早前釋出《聲生不息》嘅1分鐘宣傳片,Chantel就有份出演,未知佢會否後期加入呢?!

炎明熹缺席係因為佢已經北上預備參加《聲生不息》!Photo from 炎明熹IG

姚焯菲早前曾經參與《聲生不息》嘅1分鐘宣傳影片Photo from TVB

# 逐個出solo曲!

另外,After Class已經有3位成員推出咗單曲,各有特色;而Windy就於音樂會中透露即將推出第一首solo歌。同觀眾戶互動嘅環節中,佢哋仲透露自己嘅擇偶條件:Chantel要求用情專一、Yumi希望有共同興趣;而Windy就話最緊要夾!

「After Class」嘅成員們逐個出單曲!Photo from 詹天文IG

Windy透露即將推出自己嘅Solo歌!Photo from 詹天文IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel